Lajmidites.com

Tag: allegrit

  • Gimenez nuk bind, Milan hidhet në sulm për gjermanin e West Ham

    Gimenez nuk bind, Milan hidhet në sulm për gjermanin e West Ham

    Milani po përgatitet të ndërhyjë në merkaton e janarit për të forcuar repartin ofensiv, pasi skuadra e Massimiliano Allegrit po vuan mungesën e një qendërsulmuesi të mirëfilltë. Pavarësisht se Pulisic dhe Leão kanë kontribuar me disa gola, ekipi ka vështirësi të shënojë kur përballet me mbrojtje të ngjeshura dhe të organizuara.
    Sulmuesi Santiago Gimenez, i cili konsiderohej si “numri 9” i vetëm në ekip, nuk ka bindur deri tani dhe ka pasur probleme të vazhdueshme. Edhe Nkunku, i pritur të sillte cilësi dhe kreativitet, nuk ka arritur ende të shfaqet në nivelin e duhur.

    Për këtë arsye, drejtuesit kuqezi po analizojnë mundësinë e afrimit të një qendërsulmuesi që mund të ketë ndikim të menjëhershëm. Mes opsioneve të përfolura janë emra si Niclas Füllkrug dhe disa talente të rinj që mund të përshtaten shpejt me kërkesat e Allegrit.
    Objektivi kryesor i Milanit është të japë stabilitet dhe rrezikshmëri në zonën kundërshtare, duke shtuar cilësinë në finalizim dhe duke zgjidhur problemet që janë shfaqur në ndeshjet më të mbyllura.

  • Ky Milan është “alla Allegri”. I paparashikueshëm dhe zemra të forta, por me përparim të dukshëm

    Ky Milan është “alla Allegri”. I paparashikueshëm dhe zemra të forta, por me përparim të dukshëm

    3 Nëntor 2025

    8:35

    Alfred Lleshi

    Vitet kalojnë, por “firma” e Massimiliano Allegrit mbetet e njëjtë: fitore me “corto muso”. Edhe ndaj Romës, skuadra kuqezi fitoi me vuajtje, në një ndeshje për zemra të forta. Kuqezinjtë e nisën keq, nën presionin e verdhekuqve, por treguan cinizëm me golin e Pavlovic në rastin e parë të pastër. Më pas u vendosën sërish në vështirësi, por u shpëtuan nga Maignan, që priti penalltinë e Dybala dhe ruajti rezultatin në një fund dramatik.
    Një ndeshje me ulje-ngritje, që tregoi të gjitha limitet dhe pikat e forta të Milanit të Allegrit; i shpërqendruar dhe i ngadaltë në pjesën e parë, i rrezikshëm dhe dinamik në të dytën. Pas 10 javësh, skuadra e Allegrit mbetet e paparashikueshme, por me përparim të dukshëm. Me fitoren ndaj Romës, kuqezinjtë ngjiten në vendin e dytë, vetëm një pikë pas Napolit.
    Megjithatë, Allegri i dërgon një mesazh të qartë klubit: për të ëndërruar më lart, duhet një sulmues i vërtetë, që ta shndërrojë presionin në gola. Për momentin, Pavlovic është bërë “bomberi” i papritur i “Djallit”.

  • Milani në “stand-by”… Rifillimi është fjala kyçe e Allegrit mes së tashmes, tranzicionit dhe të ardhmes

    Milani në “stand-by”… Rifillimi është fjala kyçe e Allegrit mes së tashmes, tranzicionit dhe të ardhmes

    29 Tetor 2025

    7:56

    Alfred Lleshi

    Barazimi në Bergamo kundër Atalantës la ndjesi të përziera te Milani, por solli një ide qendrore; rifillimin. Jo vetëm si aksion sulmues, por si mentalitet e projekt. Pas dy barazimeve dhe përpara sfidës me Romën, skuadra e Allegrit po kalon një periudhë emergjente, me mungesa të shumta dhe lodhje fizike, por mbetet solide dhe e bashkuar.
    Nuk është një Milan spektakolar, por i qëndrueshëm, luftarak dhe i vetëdijshëm. Pikërisht kjo forcë kolektive është pika e nisjes, e naltuar nga Allegri si “rifillim”. Në Bergamo u pa mungesa e efikasitetit në kundërsulme. Leao dhe Gimenez patën hapësira, por munguan vertikaliteti dhe saktësia.
    Allegri e theksoi: duhet më shumë pastërti në zgjedhje dhe teknikë. Sa për kohën e “rifillimit”, trajneri është i qartë: Milani duhet të rezistojë deri në pushimin e kampionatit, kur pritet kthimi i lojtarëve kyç. Aty fillon “rifillimi” i vërtetë për objektivin Champions dhe stabilitetin.
    Allegri: Bëmë shumë gabime në pjesën e parë, ja pse e zëvendësova Leaon

  • Rabiot minimizon përballjet me Napolin dhe Juven: Nuk janë ende ndeshje për titull

    Rabiot minimizon përballjet me Napolin dhe Juven: Nuk janë ende ndeshje për titull

    26 Shtator 2025

    8:50

    Alfred Lleshi

    Adrien Rabiot, i transferuar te Milani me kërkesë të Massimiliano Allegrit, po shfaq që në fillim ndikimin e tij te kuqezinjtë. Francezi është optimist: “Shpresoj të jetë një sezon i madh. Jam i lumtur, sepse të gjithë më kanë pritur mirë. Po luaj, po bëj mirë, gjithçka është pozitive. Trajneri di të krijojë grupin dhe t’i përfshijë të gjithë, kjo është e rëndësishme për një skuadër që do të fitojë. Ka të rinj me mentalitetin e duhur, shpresoj të jetë fillimi i diçkaje të madhe”.
    Sfida të mëdha e presin Milanin kundër Napolit e Juventusit: “Nuk janë ende ndeshje për titull, kampionati është i gjatë. Po, këto përballje tregojnë se ku jemi si skuadër. Kam kujtime të mira nga 5 vitet te Juventusi, por tani jam te Milani dhe dua të fitoj çdo ndeshje, edhe kundër tyre. Uroj më të mirën për bardhezinjtë, por tani jam i përqendruar këtu”.
    Ndaj Napolit, Rabiot do të luajë si “mezzala” e majtë, përkrah Modric dhe Fofana: “E njoh mirë mentalitetin e Allegrit, po e mësojnë edhe shokët. Është vetëm fillimi, duhet qetësi dhe punë”.

  • Milani i Allegrit zbavitet dhe kualifikohet në Kupë me golat e sulmit. Mbrojtja prej 4 ndeshjesh radhazi pa pësuar (VIDEO)

    Milani i Allegrit zbavitet dhe kualifikohet në Kupë me golat e sulmit. Mbrojtja prej 4 ndeshjesh radhazi pa pësuar (VIDEO)

    Milani arriti një fitore bindëse 3-0 ndaj Lecces në raundin e dytë të Kupës së Italisë, duke treguar forcë dhe efikasitet në “San Siro”, edhe pse me pak rotacion duke lene ne stol Modric, Fofana, Pulisic, Gabbia dhe Estupinan.
    Ndeshja u lehtësua për kuqezinjtë pas kartonit të kuq të hershëm për Jamil Siebert në minutën e 18-të, që i hapi rrugë dominimit të plotë. Santiago Gimenez shënoi golin e parë pas një harkimi të saktë nga Bartesaghi, ndërsa Christopher Nkunku realizoi me stil karakteristik për të dyfishuar epërsinë.
    Në pjesën e dytë, Christian Pulisic, sapo i futur në lojë, vulosi rezultatin me golin e tretë pas një asisti nga Fofana. Debutimet e Koni De Winter dhe Nkunku u shoqëruan me paraqitje premtuese (si titullarë)
    Kuqezinjte, të cilët goditën shtyllën dhe traversën disa herë gjatë ndeshjes, treguan një potencial të madh ofensiv dhe tani do të përballen me Lazion më 3 dhjetor në raundin e 16-tave. Sakaq, fundjava i gjen ndaj Napolit ne San Siro. Skuadra e Allegrit tashme ka 4 ndeshje radhazi me porten e paprekur  dhe 5 ne total nga 6 ndeshje te luajtura mes Serie A dhe Kupes.
    GOLI I GIMENEZ – VIDEO
    VIDEO E GOLIT – NKUNKU
    VIDEO E GOLIT – PULISIC

  •  Leao në “lupën” e Allegrit dhe Ibrës: Më kanë kërkuar t’i përdor më pak rrjetet sociale

     Leao në “lupën” e Allegrit dhe Ibrës: Më kanë kërkuar t’i përdor më pak rrjetet sociale

    8 Shtator 2025

    8:20

    Alfred Lleshi

    Zlatan Ibrahimoviç e njeh mirë talentin e Rafael Leaos. Pikërisht për këtë arsye, suedezi i ka kërkuar portugezit të përqendrohet maksimalisht te futbolli, sipas asaj që ka rrëfyer vetë Leao. Pas disa sezonesh me ulje-ngritje, sulmuesi dëshiron që ky të jetë sezoni i tij i madh në Serie A, ndaj synon ta ndjekë këshillën e marrë.
    Me ardhjen e Massimiliano Allegrit, lojtari duket se ka përmirësuar si paraqitjet, ashtu edhe qëndrimin. Në një video në Twitch, Leao tha se si Zlatan, ashtu edhe trajneri italian, i kanë kërkuar të largohet nga shpërqendrimet: “Allegri dhe Ibrahimoviç më kanë kërkuar t’i përdor më pak rrjetet sociale”.
    Dihet se Ibrahimoviç nuk i ka përqafuar kurrë rrjetet sociale. Në autobiografinë e tij të dytë “Adrenalina” (2021), ai shkruan se nuk i ka lejuar fëmijët e tij të kishin profile sociale: “Fëmijët e mi do të vendosin vetë kur të jenë mjaftueshëm të rritur për të kuptuar sa falsitet ka në botën e platformave”.

  • Milani i Allegrit po merr formë të plotë, çelësi pritet të jetë treshja e re e mesfushës

    Milani i Allegrit po merr formë të plotë, çelësi pritet të jetë treshja e re e mesfushës

    Në një verë të nxehtë merkatoje, ku emrat dhe ëndrrat ndërlidhen çdo ditë, Milani ka hedhur themelet e një epoke të re, falë edhe një shqiptari, drejtorit të ri sportiv Igli Tare. Në qendër të kësaj epoke qëndron mesfusha. Si në një lojë pokeri, Massimiliano Allegri ka në dorë një treshe kartash që mund të vendosë fatin e sezonit 2025-2026: Luka Modrić, Samuele Ricci dhe Ardon Jashari.
    Në këtë karikaturë shoqëruese të shkrimit, e përdorur nga “Gazzetta dello Sport”, ku mesfushorët janë të vizatuar si “letra pokeri”, duket i qartë mesazhi: mesfusha është “busulla” e vërtetë e Allegrit. Me përvojën dhe klasin e Modrić, freskinë dhe vizionin e Ricci dhe energjinë e re që sjell Jashari, skuadra kuqezi po ndërton një bosht loje që premton dominim dhe inteligjencë taktike.
    Largimi i Reijnders? Pa dyshim një humbje e ndjeshme, por kjo nuk e ka ndalur klubin që të investojë me guxim në këtë repart, duke sjellë cilësi dhe karakter. Allegri, mjeshtër i ekuilibrave dhe i lojës së lexuar në detaje, tani duhet të bëjë atë që di më mirë: të krijojë një orkestër funksionale, ku çdo mesfushor jo vetëm që kontribuon individualisht, por bashkëpunon për të ngritur nivelin e të gjithë skuadrës.

    Përse kjo treshe e mesfushës ka potencial të jetë vendimtare? Ja arsyet: Modrić, edhe pse në moshë të avancuar, mbetet një dirigjent i pakonkurrueshëm, me eksperiencë fituesi dhe qetësi në çdo situatë. Ricci ka marrë hovin e një lideri në Serie A dhe tani është gati të tregojë veten në një skenë më të madhe si Milani. Jashari, ndërkaq, sjell dinamizëm, përkushtim dhe potencial të jashtëzakonshëm fizik, te Milani synon të shpërthejë përfundimisht.
    Sezoni i ri do të jetë një test jo vetëm për këta lojtarë, por për vetë vizionin e Milanit të ri. Po, emrat janë premtues, por vetëm loja në fushë do të tregojë nëse këto “karta fituese” do të sjellin trofe të rinj te “Djalli”. Tani, topi është në anën e Allegrit. A do ta luajë si duhet lojën e tij?

  • “Thumb” për Igli Tare? Agjenti i Allegrit “driblon” Jasharin: A jeni të sigurt që e ka kërkuar trajneri?

    “Thumb” për Igli Tare? Agjenti i Allegrit “driblon” Jasharin: A jeni të sigurt që e ka kërkuar trajneri?

    Giovanni Branchini, një nga agjentët më të njohur në Itali dhe përfaqësues i Massimiliano Allegrit, ka folur për mikrofonin e “Sky Sport” rreth çështjes së Ardon Jashari, duke qartësuar se situata është më e ndërlikuar nga sa mendohet:
    “A jeni të sigurt se është një kërkesë e qartë dhe e fortë nga trajneri? Jashari është propozuar, ka kaluar filtrin e parë të vlerësimit, por nuk është ai lojtari i 11-të që mungon për të përmbyllur formacionin. Allegri nuk ka bërë kërkesa të tilla specifike dhe të drejtpërdrejta.
    Po, është një profil interesant dhe tratativa po ecën përpara, por nuk jam aq i sigurt se të gjithë brenda klubit janë në një mendje për këtë operacion. Club Brugge dhe lojtari janë kontaktuar, oferta është serioze, por mos mendoni se Allegri do të japë dorëheqjen nëse nuk vjen Jashari!!!”
    Sa i përket dëshirës së lojtarit për të shkuar te Milani: “Është një djalosh interesant, Milani dëshiron ta blejë dhe besoj se po punon seriozisht në këtë drejtim. Tani për tani, Allegri po punon me grupin që ka në dispozicion, gjithmonë thekson se është shumë i kënaqur me përkushtimin dhe angazhimin e lojtarëve. Të gjithë e dimë që mungojnë disa pjesë në skuadër, por nuk ka frikë apo presion se grupi nuk do të kompletohet. Max është i bindur se kjo do të ndodhë në kohën e duhur”.
    Kujtojmë që ndeshja e parë zyrtare e Milanit për sezonin e ri do të luhet më 17 gusht, në Kupën e Italisë, kundër Barit.
     

  • Suksesi ndaj Liverpool, analiza e Allegrit: Kjo është loja që kërkoj!

    Suksesi ndaj Liverpool, analiza e Allegrit: Kjo është loja që kërkoj!

    Trajneri i Milanit, Allegri analizoi fitoren 2-4 ndaj Liverpool në miqësore.
    “Ishte një mbrëmje e mrekullueshme. 50 mijë tifozë në stadium, një atmosferë fantastike dhe një impiant i jashtëzakonshëm. Jemi shumë të lumtur që patëm mundësinë të luanim këtu.”

    “Gjëja më e bukur dhe më e rëndësishme nga këta 20 ditë të para është që skuadra ka një qasje shumë pozitive. Po e rrit ndjeshëm nivelin e durimit në fazën pa top dhe po reagon si grup në mbrojtje. Kur kemi topin, përpiqemi të ndërtojmë lojë, dhe kur nuk e kemi, të gjithë së bashku mbyllemi mirë. Kjo është baza për të ndërtuar një ekip të fortë.”

  • “Thatësi” në sulm, Allegri dëshiron vetëm Vlahovic, Thiaw përfshihet në negociata

    “Thatësi” në sulm, Allegri dëshiron vetëm Vlahovic, Thiaw përfshihet në negociata

    Arsenal ishte thjesht një test miqësor, por një ndeshje e cila nxori edhe një herë në pah problemin kryesor të “djallit”, thatësinë përpara porte, mungesën e një finalizuesi. Është e qartë që Allegrit sot më shumë se kurrë i duhet një tjetër “pykë”, vetëm Gimenez nuk mjafton. Igli Tare dhe pjesa tjetër e stafit drejtues janë të vetëdijshëm për këtë, janë gjithashtu të vetëdijshëm se dëshira kryesore e Allegrit është Dusan Vlahovic. La Gazzetta dello Sport, i kushtoi faqen e parë këtij detaji:
    “Vlahovic, të jap numrin 9. Milan gjithçka për serbin”, shkruan e përditshmja italiane. “Djalli” do të zhvillojë testin e parë zyrtar më 17 gusht, në Kupën e Italisë kundër Barit, ndërsa një javë më pas starton Serie A. Tare ka afro 1 muaj kohë për të gjetur një sulmues, me La Gazzetta dello Sport që shton se palët, Juventus-Milan-Vlahovic, do të nisin javën e ardhshme negociatat, por kjo nuk do të jetë një tratativë e lehtë pasi të gjithë palët duhet të heqin dorë nga diçka.

    La Gazzetta
    Juve duhet të kuptojë se 75 milionë eurot që investuan për Vlahovic afro 2 vite gjysmë më parë, janë një shifër që as në ëndrra nuk mund ta imagjinojnë. Vlahovic duhet të heq dorë nga 12 milionë eurot që do të përfitojë këtë vit nga Juventus, ndërsa Milan duhet të bëjë një sforco të vërtetë ekonomike për t’i plotësuar Allegrit këtë dëshirë.
    “Zonja e Vjetër” pëlqen një lojtar të “djallit”, Thiaw, janë të gatshëm ta përfshijnë në negociata, në këtë pikë edhe Tare nuk është kundër. Në çdo rast, nëse dështon pista Vlahovic, Milan ka bërë gati edhe planin B, ku në listën e dëshirave janë edhe lojtarë si Goncalo Ramos, Jackson dhe Darwin Nunez.
    ()