Tuhel: Dua skuadër të uritur, Shqipëria meriton respekt

Për trajnerin e ri të Anglisë, Tomas Tuhel, është koha kualifikuese për Kupën e Botës.

Anglia e tij luan nesër ndeshjen e parë kualifikuese për Kupën e Botës ndaj Shqipërisë, në stadiumin “Wembley”, në orën 20:45. Në prag të kësaj sfide të rëndësishme për kuqezinjtë, trajneri gjerman Tomas Tuhel.

‘Tre Luanët’ do të nisin rrugëtimin e tyre nesër në Wembley kundër Shqipërisë, në Grupin K, ku bëjnë pjesë edhe Letonia, Serbia dhe Andorra.

Trajneri gjerman, i cili kur shpalli listën e lojtarëve të thirrur tha se nuk do të këndojë himnin ‘Zoti ruaj mbretin’, “sepse kam vendosur të mos e bëj në ndeshjet e mia të para derisa ta fitoj me rezultate”, u kërkon lojtarëve të tij që të nisin menjëherë me këmbën e mbarë.

“Më ka munguar stërvitja – tha ai – sepse duke e bërë atë transmeton një energji unike. Jam pak nervoz, si gjithmonë para çdo ndeshjeje, por e di që do të ketë një turmë fantastike në Wembley dhe shpresoj që nesër tifozët të mund të shohin atë që kam parë në ditët e fundit, një gëzim për të parë sesi djemtë janë stërvitur.

Tani dua të shoh mendim të uritur për atë ekip të uritur. Shqipëria është një rival i fortë, i cili meriton respektin maksimal, por ne duhet të tregojmë në fushë të njëjtën cilësi që shihet në Premier League, dhe që në sulm përpiqet të zbatojë gjithmonë stilin, strukturën dhe ritmin”.

Vazhdo leximin
Burimi