Partizani shkarkon trajnerin Oltijon Kërnaja

Klubi i FK Partizani ka njoftuar zyrtarisht ndërprerjen e bashkëpunimit me trajnerin Oltijon Kërnaja, pas rezultateve zhgënjyese të regjistruara në ndeshjet e fundit, të cilat kanë vënë në pikëpyetje objektivat sezonalë të skuadrës. Në reagimin zyrtar, klubi falënderon Kërnajën për kontributin e dhënë gjatë periudhës në krye të ekipit, duke i uruar suksese në vijim të karrierës së tij. Për pjesën e mbetur të sezonit, drejtimi i ekipit do t’i besohet stafit teknik aktual, ku pjesë është edhe drejtori sportiv Agim Ibraimi.