Mbyllet në Fier Turi Çiklistik i Shqipërisë, holandezi Niels Reemeijer shpallet fitues i gjithë kompeticionit

Turi çiklistik i Shqipërisë 2026, i transmetuar ekskluzivisht në Digitalb, ka përfunduar sot me etapën e 5-të dhe të fundit. Sipas itinerarit të përpiluar nga Federata Shqiptare e Çiklizmit, etapa e 5-të nisi në Vlorë dhe përfundoi në Fier, ku është kurorëzuar dhe fituesi i këtij edicioni të 83-të. Policia rrugore e Fierit njoftoi bllokime të përkohshme në disa akse rrugore nga ora 10:00 deri në 13:15 duke kërkuar mirëkuptimin e qytetarëve për mbarëvajtjen e këtij aktiviteti.