Maran ndryshoi titullarët dhe skemën por pa efekt, Shehu në stol hap debat të ri

Adriatik BALLA Shqipëria humbi edhe miqësoren me Luksemburgun, duke treguar se ka një rënie të ndjeshme në ndeshjet e fundit. Janë 5 takime pa fitore dhe kjo dhemb në radhët e kuqezinjve. Ndërkohë, trajneri Rolando Maran tha se eksperimentet nuk kishin rezultuar të suksesshme, por tashmë kishte një ide më të qartë për lojtarët dhe çfarë mund të bënin. “Nuk mund të ndjehesh mirë pas dy humbjesh, kjo pastaj që është një hap mbrapa. Më vjen keq se nuk e deshëm, shpresoja që të bëja një ndeshje ndryshe. Por me shumë mundësi vuajtëm edhe pasojat e mosklasifikimit, ndoshta i sollëm në këto dy ndeshje. Nuk duhet të jetë alibi, mua më shërbejnë për të kuptuar se çfarë duhet e çfarë nuk duhet bërë. Impenjimi ishte...