Ndau rrugët me Egnatian, reagon Edlir Tetova: Nuk është lamtumirë e thjeshte, një pjesë e zemrës mbetet aty..

Edlir Tetova prej pak ditësh nuk është më trajner i Egnatias. Trajneri që ka ndarë tashmë rrugët me skuadrën rrogozhinase të cilën e drejtoi të ngjitet në majën e futbollit shqiptar, ka reaguar për herë të parë përmes një postimi të gjatë në rrjetet sociale. Në mesazhin e tij, tashmë ish trajneri i kampionëve te vendit tha fjalë zemre në drejtim të skuadrës me të cilën ka përjetuar momente fantastike duke shprehur një mirënjohje të thelle ‘Ka momente kur fjalët nuk mjaftojnë… Më duhet të them ‘lamtumirë’ KF Egnatia, vendi që nuk ka qenë thjesht klub për mua, por një pjesë e jetës sime, e zemrës sime e shpirtit tim sportiv, aty ku fitova gjithçka. KF Egnatia është vendi ku kam përjetuar emocione të forta,...