Shqipëria “fshin” Finlandën, por kreu i grupit luhet ndaj Bjellorusisë – Balkanweb.com – News24

4 fitore, 0 barazime dhe 1 humbje, 12 pikë në 5 ndeshje, 10 gola të shënuar, 3 të pësuar, vendi i parë në Grupin C1. Përjashto atë humbje aksidentale në Finlandë, ekipi i Maran vijon ecurinë pozitive në Nations League, është vetëm një hap larg arritjes së objektivit kryesor, të sigurojë një biletë për në Ligën B edicionin e ardhshëm. Triumfi 2-0 ndaj Finlandës në “Air Albania” i siguron minimalisht Shqipërisë një vend në fazën “play-off” për të arritur këtë objektiv, pra do të jenë ende në lojë edhe nëse e mbyllin këtë grup në vendin e dytë. Jo vetëm kaq, pas këtij suksesi, kuqezinjtë fshijnë përfundimisht nga gara Finlandën, me këta të fundit që nuk kanë më asnjë shans për të luftuar për vendin...