Verës i shtohet një ”Prime”, Shëndrit Lumi rikthehet në ekran

Showbiz E Mërkurë, 15 Korrik 2026 17:04 Pas një periudhe larg ekranit, gazetari dhe ish-banori i Big Brother VIP Albania 5, Shëndrit Lumi, rikthehet me një projekt të ri televiziv që premton të jetë një nga surprizat e kësaj vere. Nga 20 korriku, ai do t’i bashkohet moderatores Saranda Bujupi Rama për të sjellë para publikut emisionin “Prime Verë”, i cili do të transmetohet çdo mbrëmje, duke filluar nga ora 20:15 në Kanal 10. Rikthimi i Shëndrit Lumit në ekran, këtë herë në krah të Saranda Bujupi Ramës, pritet të zgjojë interes të madh te publiku, ndërsa “Prime Verë” synon të jetë një nga formatet më të ndjekura të sezonit veror.