Reshjet e para të borës zbardhin Bjeshkët e Tropojës

Reshjet e para të borës janë regjistruar në zonat e larta malore të Tropojës, në qarkun e Kukësit. Gjatë orëve të mëngjesit, dëbora ka mbuluar pjesë të Bjeshkëve të Tropojës, ndërsa temperaturat në zonat e larta kanë shënuar rënie. Pamje nga zona e Markofçës, të publikuara në rrjetet sociale nga kryetari i Bashkisë Tropojë, Rexhë Byberi, tregojnë malet dhe pemët të mbuluara nga bora. Ndërkohë, drejtuesit e automjeteve që lëvizin drejt zonave të larta malore këshillohen të tregojnë kujdes për shkak të kushteve atmosferike dhe ndryshimit të temperaturave.