Protesta në Tiranë, një person dërgohet pa ndjenja te Trauma me dëmtime në sy, dyshohet për plumb gome

foto TIRANË- Një person është transportuar me urgjencë drejt Spitalit të Traumës pas një incidenti të regjistruar gjatë protestës së kësaj të shtune në kryeqytet. Ngjarja është regjistruar rreth orës 18:15 kur një automjet i një televizioni ka dërguar në spital personin e dëmtuar në zonën e syrit. Sipas informacioneve paraprak ai është transportuar pa ndjenja dhe me gjakderdhje të konsiderueshme në pjesën e syrit. Dyshohet se dëmtimi mund të jetë shkaktuar nga një plumb gome, por shkaku i saktë nuk është konfirmuar ende dhe pritet të verifikohet./ZËRI