Për herë të parë një grua zgjidhet kryetare e degës së PD në Fier

Ka përfunduar procesi i votimit dhe numërimit të votave për zgjedhjen e kryetarit të degës së Partisë Demokratike në Fier. Në përfundim të procesit, kandidatja Enkelejda Veliu ka fituar me 196 vota, e ndjekur me një rezultat të ngushtë nga kandidati Ardian Ferro, i cili ka marrë 192 vota. Në votim morën pjesë gjithsej 834 anëtarë. Të pavlefshme rezultuan 8 vota, ndërsa një tjetër ishte e dëmtuar. Në mesazhin e saj drejtuar demokratëve, Veliu ka shprehur fillimisht falënderimet për mbështetjen, duke theksuar angazhimin e saj për të qëndruar pranë çdo demokrati. Kjo është hera e parë që në krye të degës së Partisë Demokratike në Fier zgjidhet një grua.