Ndryshojnë çmimet e karburanteve, ja sa do shitet nafta dhe benzina

Bordi i Transparencës ka vendosur çmimet e reja të karburanteve. Në tregun me pakicë një litër naftë do të shitet me 211 lekë, nga 213 që ishte një ditë më parë, ndërsa benzina do të shitet me 195 lekë për litër nga 194 që u vendos dje. Për naftën, çmimi i shitjes me shumicë është përcaktuar në jo më shumë se 199 lekë për litër, ndërsa për benzinën kufiri maksimal është 183 lekë për litër. Çmimet e reja do të hyjnë në fuqi sot në orën 12:30 dhe do të mbeten në fuqi deri në mbledhjen e ardhshme të Bordit, kur do të vendoset nëse do të ketë ndryshime të tjera. Kujtojmë se brenda javës, çmimi i karburanteve ka ndryshuar 4 herë në 4 ditë...