Largohet ministrja e Shëndetësisë, Evis Sala i dorëzon dorëheqjen kryeministrit Rama! Pritet të marrë një tjetër detyrë

Evis Sala ka dhënë dorëheqjen nga posti i ministres së Shëndetësisë. Burime qeveritare bëjnë me dije se Evis Sala i ka dorëzuar Kryeministrit dorëheqjen. Ndërkohë, në minutat në vijim pritet që Evis Sala të ketë një deklaratë nga ku do sqarojë motivet e dorëheqjes. Po ashtu bëhet e ditur se Sala ka marrë një tjetër pozicion. Ministrja Sala e mori detyrën më 11 shtator të vitit të kaluar, në vend të Albana Koçiut. Prej 29 vitesh, Sala ka shërbyer në shtete të ndryshme të botës në fushën e mjekësisë. Po sot, kryeministri Rama mbledh te “Vila e Kuqe” në Tiranë ministrat e kabinetit dhe zv/ministrat, për të diskutuar çështje të ekzekutivit.