Vendet evropiane po rikthejnë librat e printuar dhe shënimet me dorë në klasa

Suedia, Finlanda, Norvegjia, Franca, Italia dhe Danimarka po ndryshojnë qasjen ndaj digjitalizimit në arsim, duke rikthyer në qendër të mësimit librat e printuar, shkrimin me dorë dhe leximin tradicional. Ndryshimi vjen në një kohë kur edukatorë dhe politikëbërës po shprehin gjithnjë e më shumë shqetësime për ndikimin e përdorimit të tepruar të ekraneve në përqendrimin, kujtesën dhe angazhimin e nxënësve, shkruan KultPlus. Për vite me radhë, teknologjia u konsiderua si e ardhmja e arsimit. Librat shkollorë u zëvendësuan pjesërisht me tableta, ndërsa detyrat digjitale dhe shënimet elektronike u bënë pjesë e përditshmërisë në shumë shkolla. Tashmë, disa prej sistemeve arsimore më të zhvilluara në Evropë po rishqyrtojnë këtë qasje. Suedia ishte ndër vendet e para që nisi të ndryshojë drejtim. Në vitin 2023, Ministria suedeze...