Policia godet grupin kriminal! Shisnin drogë nga veriu në jug dhe jashtë vendit, katër persona të arrestuar! Sekuestrohet kanabis dhe armë zjarri

Policia e Elbasanit ka goditur një grup kriminal që shisnin lëndë narkotike në Shqipëri, por edhe jashtë vendit. Në kuadër të operacionit të koduar “Jug & Veri” u arrestuan shtetasit Arben Guçe, Elion Qeva , Fran Pjetra dhe Mark Muraca. Policia thotë se njëri prej të arrestuarve, konkretisht Mark Muraca dyshohet se ka vënë në dispozicion automjetin e tij, në të cilin u gjet lënda narkotike Cannabis Sativa. Gjatë ndërhyrjes, Arben Guçe ka kundërshtuar punonjësit e Policisë dhe, gjatë tentativës për t’u larguar, ka dëmtuar mjetin e shërbimit të Policisë. “Nga veprimet hetimore dyshohet se këta shtetas, në bashkëpunim me njëri-tjetrin, siguronin dhe transportonin sasi të konsiderueshme lënde narkotike Cannabis Sativa, me qëllim shpërndarjen dhe shitjen e saj në disa qytete të vendit, nga veriu...