Iu gjetën municion luftarak dhe një kallëp tritol, arrestohet 35-vjeçari në Vlorë

Një 35-vjeçar është arrestuar në Vlorë, pasi iu gjetën municion luftarak dhe një kallëp tritol. Sipas njoftimit të policisë shtetasi A.C. është arrestuar në flagrancë për veprën penale “Mbajtja pa leje dhe prodhimi i armëve, armëve shpërthyese dhe municionit”. Atij gjithashtu iu sekuestruan 158 fishekë luftarakë dhe 1 kallëp lënde plasëse, të dyshuar si tritol. Materialet procedurale i kaluan Prokurorisë pranë Gjykatës së Shkallës së Parë Vlorë, për veprime të mëtejshme.