“Ka një fraksion tjetër hetimor për Erion Veliajn”, Dumani: Po hetohen disa fakte penale

Kreu i SPAK, Altin Dumani, është pyetur nga gazetarët gjatë një takimi me dyer të mbyllura në lidhje me hetimet që po zhvillohen ndaj kryetarit të Bashkisë së Tiranës, Erion Veliaj. Në deklaratën e tij, Dumani ka konfirmuar se çështja që lidhet me Veliajn është ndarë në një fraksion të veçantë hetimor, duke theksuar se nuk bëhet fjalë për mbyllje të hetimeve, por për thellim të tyre në drejtime të caktuara. “Ka një fraksion tjetër hetimor për Erion Veliajn. Po hetohen disa fakte penale”, është shprehur Dumani, duke lënë të kuptohet se organi i akuzës është duke ndjekur disa pista të ndryshme lidhur me veprimtarinë e kryebashkiakut të Tiranës. Ai nuk dha detaje konkrete mbi natyrën e fakteve që po hetohen, por theksoi se hetimet...