Përkeqësohet besimi tek ekonomia, rënia u ndikua nga konsumatorët dhe sektorët e shërbimeve

Treguesi që mat besimin e bizneseve dhe konsumatorëve pësoi rënie në muajin prill. Sipas Bankës së Shqipërisë, treguesi i ndjesisë ekonomike u ul me 1.5 pikë. Megjithatë, sipas Bankës Qendrore, niveli aktual i tij qëndron 6.4 pikë mbi mesataren historike. Rënia e besimit për prillin u ndikua kryesisht nga ulja e besimit në sektorët e shërbimeve, tregtisë dhe rënia e besimit konsumator. Nga ana tjetër, besimi në sektorin e industrisë dhe të ndërtimit dha kontribut pozitiv në treguesin e përgjithshëm. Treguesi i besimit të industrisë u rrit me 1.5 pikë përqindje në prill, pasi ra me 2 pikë përqindje një muaj më parë. Niveli i tij aktual qëndron rreth 8.5 pikë përqindje mbi mesataren historike. Rritja u ndikua nga vlerësimet më optimiste të bizneseve për...