Siguria ushqimore është grupkapitulli i fundit për integrimin e Shqipërisë në Bashkimin Europian. Standarde të larta sigurie, gjurmueshmërie për t’i garantuar konsumatorit blerjen e një produkti që i plotëson të gjitha kriteret.
Programi “Aldo Morning Show” në Tv Klan ndalet te një shembull konkret: qumështi në shishe plastike te shitësit që gjenden në trotuaret e rrugëve. Shpesh ky produkt shihet si më i sigurt krahasuar me atë që ndodhet në raftet e supermarketeve, por eksperti Ilir Pilku thotë të kundërtën.
“Ne duhet të konsumojmë qumësht të kontrolluar dhe qumësht të kontrolluar kanë vetëm fabrikat e licencuara. Kuptohet që kanë standarde, laboratorë, por kanë edhe analiza risku për të cilat kontrollohen nga Autoriteti i Kontrollit Ushqimor.”
Në qumështin që shitet në supermarket shpesh shohim të renditur elementë si kalcium, zink, vitamina etj. Pilku shpjegon se janë të lejueshëm, kurse në rastin e qumështit që mund të blesh në rrugë, zierja eliminon të gjitha vitaminat. Kjo nuk ndodh te qumështi i pasterizuar.
Ilir Pilku: Ajo që duhet të kemi parasysh janë ingredientët ushqimorë, jo kimikatet. Janë të lejueshëm për konsum për shëndetin e njeriut.
Aldo: Çfarë garanton qumështi i pasterizuar? A humbet vlera ushqyese nga pasterizimi?
Ilir Pilku: Absolutisht, midis një qumështi të zier në familje dhe atij të pasterizuar, ne nuk e kontrollojmë dot as zgjedhjen që bëjmë. Pra mund të shkojë deri në 110 gradë, koha është më e gjatë apo kur shpesh thuhet zieje dy herë dhe ia heq të gjitha vlerat ushqyese, B1, B2, B12, ti ia eliminon atij qumështi. Ndërkohë në fabrikë pasterizatorët janë totalisht automatikë, arrijnë në një temperaturë 73 gradë për 15 sekonda dhe ai stopon, të ruan gjithë elementët ushqyes që ka qumështi.
Aldo: Sa ka të bëjë yndyra në cilësinë dhe shijen e qumështit? Ta zgjedhim me yndyrë të plotë apo të zvogëluar?
Ilir Pilku: Për mendimin tim, nëse e marrim me sa më pak yndyrë do të ishte më mirë. Fëmijët duhet ta marrin me yndyrë 3.2-3.5%, sa të jetë maksimumi.
Sipas Pilkut, mendimi se qumështi i blerë direkt nga fermerët është më i sigurt e i ushqyeshëm, është mit.
“Qumështi i fshatarit është vetëm një mit, është një përshtypje që përcillet te konsumatori nëse ne do të marrim një qumësht fshatari, por ne nuk dimë në radhë të parë kush lopë e ka prodhuar, nuk e dimë nëse lopa ka qenë e sëmurë, është përdorur antibiotik, është ushqyer me misër me aflatoksinë”, shpjegoi eksperti.
Ai theksoi se në blerjen e qumështit dhe çdo produkti duhen parë tre elementë: etiketa, përbërja dhe data e skadencës.
Category: Shëndetësi
-
“Qumështi i fshatarit është mit”, eksperti shpjegon rrezikun e padukshëm
-
Një në tetë adoleshentë shfaq shenja dëmtimi të dëgjimit deri në moshën 18 vjeçe
Një studim i ri i botuar në Otolaryngology–Head and Neck Surgery zbulon nivele shqetësuese të dëmtimit të dëgjimit tek adoleshentët: 6.2% shfaqin humbje dëgjimi sensorineurale dhe 12.9% tregojnë shenja të dëmtimit të mundshëm nga zhurma deri në moshën 18-vjeçare. Studimi, pjesë e projektit të madh afatgjatë Generation R në Holandë, ndoqi 3347 adoleshentë me teste të standardizuara të dëgjimit në moshat 13 dhe 18 vjeç. Ndërsa përhapja totale mbeti relativisht e qëndrueshme gjatë pesë viteve, u vunë re prirje shqetësuese: “gropat” bilaterale të dëgjimit u shtuan dhe të rinjtë që kishin dëmtim të frekuencave të larta në moshën 13 vjeç përjetuan përkeqësim të dukshëm deri në moshën 18 vjeçare.
Autorja kryesore, dr. Stefanie N. H. Reijers, theksoi se, megjithëse përqindjet nuk ndryshojnë shumë me moshën, ashpërsia e dëmtimit të dëgjimit rritet me kalimin e kohës, çka nënvizon rëndësinë e parandalimit dhe monitorimit të hershëm. Testet audiometrike zbuluan modele tipike dëmtimi nga zhurma, përfshirë “dhëmbëzat, të njohura si tregues klasikë të ekspozimit ndaj zhurmave të forta. Faktorët kryesorë janë pajisjet personale për muzikë, lojërat, koncertet dhe ambientet me muzikë të lartë.
Dëmtimi i dëgjimit nga zhurma (NIHL) ndodh kur zhurma e fortë dëmton qelizat e brishta të flokëve në kokle, të cilat nuk rigjenerohen. Rreth 17% e adoleshentëve në SHBA shfaqin shenja të këtij dëmtimi. Zhurmat mbi 85 dB, si pajisjet portative (100–115 dB), koncertet (90–122 dB), fishekzjarrët, motorët dhe sirenat (95–150 dB), mund të shkaktojnë humbje dëgjimi të përkohshme ose të përhershme.
Humbja e dëgjimit në adoleshencë sjell pasoja të gjera: dëmton komunikimin, ul performancën akademike, ndikon zhvillimin kognitiv, rrit izolimin social dhe mund të përshpejtojë humbjen e dëgjimit më vonë në jetë. Simptomat e hershme shpesh janë të padukshme, duke filluar me vështirësi në perceptimin e tingujve të lartë, vështirësi në të kuptuarit e të folurit në zhurmë dhe shfaqjen e zhurmave fantazmë.
Studiuesit kërkojnë ndërgjegjësim më të madh, ndërhyrje të hershme, parandalim dhe monitorim të rregullt të dëgjimit tek adoleshentët, si dhe më shumë kërkime mbi burimet e zhurmave dhe pse disa të rinj janë më të ndjeshëm ndaj dëmtimit. / Medicalxpress – Syri.net
-
Tre lloje perimesh që mund të ngadalësojnë plakjen dhe të forcojnë imunitetin
Ushqyerja luan një rol të madh në mënyrën se si plakemi dhe sa rezistent është trupi ynë ndaj sëmundjeve.
Perimet e pasura me vitamina, minerale dhe antioksidantë ndihmojnë në mbrojtjen e qelizave nga dëmtimi, zvogëlojnë inflamacionin dhe mbështesin sistemin imunitar. Kur hamë ushqime të tilla rregullisht, efekti nuk shihet vetëm në imunitet, por edhe në lëkurë dhe energji.
Disa lloje perimesh në veçanti dallohen për një efekt më të fortë se të tjerat. Më poshtë janë tre lloje perimesh që shoqërohen më shpesh me ngadalësimin e plakjes dhe forcimin e sistemit imunitar.
Brokoli
Brokoli është një nga ushqimet më të përmendura kur bëhet fjalë për plakjen e shëndetshme. Është i pasur me vitaminë C, e cila mbështet imunitetin dhe ndihmon në krijimin e kolagjenit, i cili është i rëndësishëm për lëkurën. Gjithashtu përmban antioksidantë dhe përbërës si sulforafani, të cilët shoqërohen me mbrojtjen e qelizave nga dëmtimi. Nutricionistët shpesh theksojnë se brokoli i zbardhur ose i gatuar lehtë është një zgjedhje më e mirë sesa ai i tepërzier, pasi ruan më shumë lëndë ushqyese. Përfshirja e brokolit në vaktet tuaja rregullisht mund të jetë një mënyrë e lehtë për t’i dhënë trupit tuaj mbështetje shtesë.
Spinaqi
Spinaqi është i pasur me vitamina A, C dhe K, si dhe folat dhe hekur, duke e bërë atë një zgjedhje të shkëlqyer për imunitetin dhe energjinë. Antioksidantët e fuqishëm në spinaq ndihmojnë në luftimin e stresit oksidativ, një nga proceset që shoqërohet me plakjen e përshpejtuar të qelizave. Përveç kësaj, përmbajtja e tij e luteinës dhe zeaksantinës mbështet shëndetin e syve, gjë që është e rëndësishme ndërsa plakemi. Spinaqi është i lehtë për t’u përfshirë në dietën tuaj të përditshme. Mund të shtohet në sallata, gjellë, makarona ose smoothie. Për shkak të shijes së tij të butë, shpesh pëlqehet nga ata që përndryshe i shmangin perimet jeshile.
Domatet
Domatet janë një nga perimet më të njohura kur bëhet fjalë për ngadalësimin e plakjes, kryesisht për shkak të përmbajtjes së tyre të lartë të likopenit. Likopeni është një antioksidant i fuqishëm që mbron lëkurën nga dëmtimi nga rrezet UV, zvogëlon inflamacionin dhe ngadalëson zbërthimin e kolagjenit. Ekspertë të ndryshëm të të ushqyerit shpesh theksojnë se likopeni përthithet më mirë kur domatet gatuhen lehtë ose konsumohen me pak vaj ulliri. Përveç kësaj, domatet janë të pasura me vitaminë C, e cila është e rëndësishme për imunitetin dhe lëkurën e shëndetshme. Konsumi i rregullt i domateve mund të jetë një mënyrë e lehtë për t’i siguruar trupit mbrojtje shtesë nga brenda.
Pra, perimet si brokoli, spinaqi dhe domatet mund të jenë aleatë të thjeshtë, por të fuqishëm në ngadalësimin e plakjes dhe forcimin e sistemit imunitar.
-
Ndërhyrjet estetike mund të shkaktojnë bllokim të enëve të gjakut, verbëri…
Ndërhyrjet estetike dhe injeksionet në fytyrë janë kthyer në një trend masiv vitet e fundit, por bashkë me popullaritetin është rritur edhe rreziku.
Ekspertët paralajmërojnë se këto procedura, që shpesh duken të thjeshta dhe të sigurta, mund të shkaktojnë komplikacione serioze, përfshirë bllokimin e arterieve që çon në deformime të fytyrës dhe madje verbëri. Ky paralajmërim vjen pas një studimi ndërkombëtar, ku përmes ekografisë u analizuan 100 raste komplikacionesh të shkaktuara nga këto injeksioni/ ndërhyrje estetike.
Sipas studimit, klinikat duhet të kryejnë ekografi para çdo injeksioni në fytyrë, me qëllim identifikimin e enëve të gjakut dhe shmangien e dëmtimit të tyre. Udhëheqësja e kërkimit, Dr. Rosa Sigrist nga Universiteti i São Paulo-s në Brazil, tha se edhe pse të rralla, rastet e “okluzionit vaskular”, kur mbushësi injektohet në ose pranë arterieve mund të rezultojnë fatale për indet e fytyrës.
“Komplikacionet e tilla mund të shkaktojnë nekrozë, deformime të fytyrës, verbëri dhe në raste ekstreme goditje në tru”, deklaroi Dr. Sigrist. Ajo shtoi se zonat rreth hundës janë veçanërisht të rrezikshme, pasi enët e gjakut komunikojnë me struktura shumë delikate të kokës.
Studimi u zhvillua midis majit 2022 dhe prillit 2025 në disa qendra ndërkombëtare radiologjie dhe dermatologjie në Brazil, Kolumbi, Kili, Holandë dhe SHBA. Rezultatet do të prezantohen këtë javë në takimin vjetor të Shoqatës Radiologjike të Amerikës së Veriut.
Nga analiza me ekografi, studiuesit zbuluan se në gati gjysmën e rasteve kishte mungesë qarkullimi në enët e vogla të gjakut të fytyrës, ndërsa në një të tretën e rasteve nuk kishte qarkullim as në enë më të mëdha. Sipas Dr. Sigrist, përdorimi i ekografisë si gjatë planifikimit ashtu edhe gjatë trajtimit të komplikacioneve lejon injektimin e saktë të ilaçit për shpërbërjen e mbushësit, duke ulur nevojën për doza të mëdha.
Edhe Shoqata Britanike e Kirurgëve Plastikë Estetikë (BAAPS) mbështet përdorimin e ekografisë, ndonëse thekson se ende nuk konsiderohet standard i detyrueshëm në klinikat estetike. Presidentja e shoqatës, Nora Nugent, tha se hartëzimi i enëve të gjakut para trajtimit rrit ndjeshëm sigurinë e pacientëve dhe se profesionistët e pakualifikuar përbëjnë rrezik të madh.
Ndërkohë, qeveria britanike ka paralajmëruar masa të reja për rregullimin e procedurave estetike. Sipas propozimeve, procedurat me rrezik të lartë, përfshirë “Brazilian butt lift”, do të kryhen vetëm nga profesionistë të kualifikuar. Klinikat që ofrojnë mbushës dhe botoks do të kenë detyrimin të plotësojnë standarde të reja licencimi. Konsultimi publik për këto ndryshime pritet të hapet në fillim të vitit 2026, ndërsa vendimi final do t’i takojë Parlamentit britanik.
-
Zbuloni perimen që arrin të zhbëjë dëmet që i shkakton cigarja mushkërive
Tymi i duhanit përmban kimikate të cilat dobësojnë sistemin tonë imunitar, duke e bërë atë më të ndjeshëm ndaj sëmundjeve dhe duke dëmtuar aftësinë e tij për të shkatërruar qelizat kancerogjene.
Në të njëjtën kohë, tymi i duhanit mund të dëmtojë ADN-në e qelizave, duke rritur mundësinë e formimit dhe lulëzimit të qelizave kancerogjene.
Për të testuar fuqinë e ndërhyrjeve dietike në parandalimin e dëmtimit të ADN-së, shkencëtarët studiojnë zakonisht duhanpirësit kronikë. Studiuesit grumbulluan një grup duhanpirësish të rregullt dhe u kërkuan atyre të konsumonin 25 herë më shumë brokoli, sesa konsumi mesatar amerikan.
Krahasuar me duhanpirësit që e shmangnin ngrënien e brokolit, vetëm brenda dhjetë ditësh, duhanpirësit që po e konsumonin atë, kishin 41 për qind më pak mutacione të ADN-së në gjakun e tyre.
A ndodhi kjo vetëm ngaqë brokoli rriti aktivitetin e enzimave detoksifikuese në mëlçinë e tyre, të cilat ndihmuan në pastrimin e qelizave kancerogjene përpara se këto të mbërrinin te qelizat e duhanpirësve?
Jo, edhe kur ADN-ja nxirret nga trupat e subjekteve dhe ekspozohet ndaj një kimikati që dëmton ADN-në, materiali gjenetik nga konsumatorët e brokolit tregoi dukshëm më pak dëme. Kjo tregon se ngrënia e perimeve, si brokoli, mund t’ju bëjë më të qëndrueshëm për sa i përket nivelit ndërqelizor.
Ndërkohë që përpiqeni të lini duhanin, perime, si brokoli, lakra dhe lulelakra mund të ndihmojnë në parandalimin e dëmeve të mëtejshme. -
Sa e rrezikshme është përdorimi i celularit gjatë shtatzënisë? Ja çfarë thonë studimet…
Përdorimi i celularit është bërë pjesë e përditshmërisë së të gjithëve, por gjatë shtatzënisë ky zakon ka ngritur shumë pikëpyetje lidhur me ndikimin e tij në shëndetin e nënës dhe të fetusit. Studime të ndryshme ndër vite kanë analizuar efektet e valëve elektromagnetike dhe sjelljet e lidhura me përdorimin e tepruar të telefonit, duke ngritur debatin nëse kjo praktikë është apo jo e rrezikshme.
Valët elektromagnetike: Çfarë thonë studimet?
Telefoni celular lëshon rrezatim radiofrekuence, i cili konsiderohet jo-jonizues, pra nuk është i njëjtë me rrezatimet më të rrezikshme si rrezet X. Megjithatë, studimet e fundit tregojnë se ekspozimi i zgjatur dhe mbajtja e celularit shumë afër barkut ose kokës mund të ketë disa efekte të mundshme:
Rritje të stresit oksidativ, i cili lidhet me dëmtime të qelizave.Ndikim të mundshëm në zhvillimin neurologjik të fetusit.Risk më të lartë për probleme me gjumin te nënat, që indirekt ndikon edhe në shëndetin e fetusit.Ndërsa shumë prej këtyre studimeve kërkojnë ende prova më të forta përfundimtare, ekspertët bien dakord se “ekspozimi i ulët dhe i kontrolluar” është mënyra më e sigurt.
Një studim i Publikuar në BMC Public Health sugjeron se përdorimi i shpeshtë i celularit nga gratë shtatzëna lidhet me risk më të lartë për sjellje hiperaktive ose probleme me vëmendjen te fëmijët në vitet e para të jetës. Megjithëse kjo nuk provon shkak-pasojë, studiuesit rekomandojnë kujdes të shtuar.
Efektet fizike te nëna
Përveç rrezatimit, përdorimi i tepruar i telefonit ndikon drejtpërdrejt te nëna:Shtim i ankthit dhe stresit, sidomos për shkak të informacionit të tepërt.Pagjumësi, sidomos kur telefoni përdoret para gjumit.Dëmtime të qafës dhe shpinës, për shkak të qëndrimit të gjatë në një pozicion.Rënie e fokusit, gjë që mund të rrisë rrezikun e aksidenteve të vogla gjatë shtatzënisë. -
3 nga 10 fëmijë janë miopë, zbulohet shkaku
Në çdo 10 fëmijë që shkojnë për kontrollin e syve tek okulisti, 3 prej tyre rezultojnë me probleme të miopisë.
Të gjithë nxënësit përpara fillimit të viti të ri shkollor janë të detyruar të bëjnë kontrollin e syve. Sipas mjekëve okulistë, ndonëse më parë ka pasur shumë fëmijë që vuanin nga hipermetropia, pra që shikonin më qartë objektet larg, tani fëmijët shfaqin më së shumti probleme me miopinë.
“Pas futjes së pajisjeve dixhitale, si telefona, tablet filloi të ndryshonte edhe trendi i problemeve të syve te fëmijët. Nga hipermetropia ne konstatuam që në vizitat e fëmijëve, 2 deri në 3 fëmijë dilnin me miopi ose me astigmatizëm miopik. Me rritjen e trupit të fëmijës ndryshon edhe boshti i syrit dhe ndryshon dhe problematika për shkak të lodhjes së muskujve të syrit. Kemi të bëjmë me sy të lodhur, me sy të irrituar, me sy që ankohen për tharje, me sy që mund të kenë dhe lotim të shtuar. Nëse fëmija ka filluar t’i qëndrojë televizionit shumë afër, kjo është shenjë e miopisë”,shprehet mjekja okuliste Suzana Zhuka.
Mjekët okulistë e lidhin miopinë tek fëmijët me qëndrimin me orë të zgjatur përpara telefonit apo kompjuterit. Por sa kohë mund të qëndrojë një fëmijë përballë ekraneve të pajisjeve elektronike. Sipas tyre qëndrimi para pajisjeve elektronike duhet maksimalisht 30 minuta. Rrezatimi i pajisjeve elektronike ka një dëm të madh, të pariparueshëm për syrin.
Një herë në vit, nxënës të çdo moshe këshillohet të bëjnë kontrollin e shikimit.
-
Sa pije alkoolike mund të pini në ditë pa dëmtuar shëndetin e mëlçisë?
Stili i jetesës, duke përfshirë dietën dhe konsumin e alkoolit, ndikon drejtpërdrejt në funksionin e mëlçisë. Pra, sa alkool mund të pijë një person i shëndetshëm në ditë pa rrezikuar shëndetin e atij organi të rëndësishëm?
Ekspertët paralajmërojnë se konsumi i tepërt i alkoolit mund të çojë në mëlçi të dhjamosur , inflamacion, cirrozë dhe një sërë sëmundjesh të tjera serioze.
Sa alkool është i sigurt për t’u pirë – dhe a ka ndonjë sasi të sigurt? – kjo pyetje bëhet shpesh, por përgjigjja nuk është e thjeshtë.
Shëndeti i mëlçisë ndryshon nga personi në person, dhe gjenetika, kushtet metabolike dhe sëmundjet ekzistuese mund ta ndryshojnë plotësisht pamjen.
Sipas Prof. Dr. Sci. Tajane Filipec Kanižaj, specialist i mjekësisë së brendshme dhe gastroenterologjisë nga Zagrebi, problemi është se shumë njerëz as nuk e dinë gjendjen e mëlçisë së tyre.
“Në fakt, ne nuk e dimë se cili prej nesh ka një mëlçi të shëndetshme dhe kush mund të ketë tashmë enzima të larta, domethënë shenja të aktivitetit inflamator”, shpjegon ajo për HRT .
Nëse nisemi nga supozimi se personi është plotësisht i shëndetshëm, zbatohen udhëzimet e përgjithshme të mëposhtme:
rreth 1 dl verë në ditë, (100 mililitra)
deri në 3 dl birrë në ditë, ( 300 mililitra)
ose 0.5 ml pije alkoolike.
Megjithatë, Dr. Filipec Kanizaj thekson se në prani të faktorëve të tjerë të rrezikut – pesha e tepërt trupore, diabeti, hepatiti viral ose çrregullimet metabolike të trashëguara – një sasi e sigurt e alkoolit praktikisht nuk ekziston.
Përveç alkoolit, edhe dieta ditore luan një rol të rëndësishëm. Nutricionistja Ivona Brodić thekson se cilësia e ushqimit mund të kontribuojë ndjeshëm në shëndetin e mëlçisë.
“Ne kemi nevojë për karbohidrate komplekse, shumë fruta dhe perime, dhe dieta duhet të jetë e larmishme”, pohon ajo.
Veçanërisht rekomandon:
lëngje të shtrydhura fllad, të tilla si lëngu i portokallit,
yndyrna të shëndetshme nga avokadot, arrat, vaji i ullirit dhe peshku,
ushqime të pasura me antioksidantë dhe fibra.
Ky lloj diete mund të ndihmojë në zbërthimin e depozitave yndyrore në mëlçi dhe ta bëjë këtë organ të funksionojë më mirë.
Megjithatë, Brodić thekson se edhe ushqimi i shëndetshëm mund të jetë i dëmshëm nëse konsumohet tepër.
“Duhet të ketë moderim në çdo gjë. Çdo gjë që tejkalon limitin në një moment bëhet barrë për mëlçinë”, i thotë ajo HRT-së.
-
Si të shmangni sëmundjet këtë dimër? Ja ushqimet për të forcuar sistemin imunitar
Dimri sjell me vete të ftohtin, lagështirën dhe një rritje të rrezikut për infeksione sezonale. Një nga mënyrat më të thjeshta për të mbajtur trupin sa më të fortë është kujdesi ndaj ushqimit të përditshëm. Nuk bëhet fjalë për ilaçe magjike, por për zgjedhje të vogla që, të marra së bashku, ndihmojnë sistemin imunitar të funksionojë më mirë.
Frutat agrume si portokalli, mandarina dhe limoni janë aleatë të rëndësishëm falë përmbajtjes së lartë të vitaminës C, e cila mbështet mbrojtjen natyrale të trupit. Edhe kosët me probiotikë luajnë një rol thelbësor, pasi florën e shëndetshme të zorrëve e shohim gjithnjë e më shpesh si “qendrën” e imunitetit. Po aq i vlefshëm është edhe mjalti, i njohur për vetitë e tij qetësuese dhe anti-inflamatore, sidomos në ditët kur ftohja fillon të shqetësojë fytin.
Hudhra dhe xhenxhefili spikasin mes erëzave me veti natyrale mbrojtëse: të dy përmbajnë substanca që ndihmojnë organizmin të përballojë më lehtë viruset apo inflamacionet. Edhe kërpudhat janë veçanërisht të dobishme gjatë dimrit, pasi mund të ofrojnë një burim natyror të vitaminës D, e cila shpesh mungon kur ka pak dritë dielli. Përveç tyre, supat e ngrohta dhe lëngjet e lehta mbajnë trupin të hidratuar dhe mbështesin rikuperimin në ditët më të ftohta. Frutat e thata dhe arrorët, me vitaminën E dhe yndyrat e shëndetshme, japin energji dhe ndihmojnë qelizat të qëndrojnë të mbrojtura. -
Forcojnë imunitetin mes virozave të stinës, ja 4 frutat që duhet ti konsumoni patjetër
Kur moti ftohet, shumë prej nesh i neglizhojnë frutat, duke i konsideruar më shumë si një ushqim vjeshtor ose veror. Megjithatë, ngrënia e frutave është gjithashtu jashtëzakonisht e rëndësishme gjatë dimrit, pasi frutat na ofrojnë lëndë ushqyese thelbësore që mund të forcojnë sistemin tonë imunitar dhe mirëqenien tonë mes ftohjeve dhe viruseve të stinës.
Dhe kjo stinë, është një mundësi për të shijuar fruta të shijshme, të pasura me vitaminë C, antioksidantë dhe fibra, të cilat jo vetëm që forcojnë mbrojtjen e trupit, por gjithashtu ndihmojnë në parandalimin e plakjes së qelizave, përmirësimin e tretjes dhe ruajtjen e shëndetit kardiovaskular.
Portokaj të freskët
Portokajt janë një nga frutat më të njohura të dimrit. Ato janë një burim i shkëlqyer i vitaminës C, e cila forcon sistemin imunitar. Hulumtimet tregojnë se vitamina C është gjithashtu thelbësore për sintezën e kolagjenit, e shëndetshme për lëkurën dhe thonjtë. Ato gjithashtu kanë veti antioksiduese, duke ndihmuar në mbrojtjen e qelizave nga dëmtimet e shkaktuara nga radikalet e lira.
Grejpfruti
Përveç vitaminës C, grejpfruti përmban flavonoide që kanë veti anti-inflamatore. Grejpfruti është gjithashtu i ulët në kalori dhe i pasur me ujë, duke e bërë ideal për ata që duan të humbin peshë ose ta mbajnë atë në nivele të shëndetshme. Grejpfruti mund të hahet në mënyra të ndryshme, varësisht nga preferencat tuaja dhe shija e dëshiruar: priteni grejpfrutin përgjysmë dhe përdorni një lugë për të nxjerrë tulin, ose priteni në feta, shtrydhni lëngun e tij, shtoni në kos ose kombinojeni me tërshërë dhe arra për një mëngjes të shëndetshëm.
Mandarinat
Plot shije dhe shije të shijshme, mandarinat janë një nga frutat më të dashura të dimrit. Përveç vitaminës C, ato përmbajnë flavonoide dhe karotenoide, të cilat, siç u përmend, kanë veti të forta antioksiduese dhe kontribuojnë, ndër të tjera, në mbrojtjen kundër plakjes së parakohshme. Flavonoidet e përmbajtura në mandarina janë treguar se ndihmojnë në uljen e niveleve të kolesterolit të keq LDL dhe rritjen e HDL të mirë. Përveç kësaj, ato përmbajnë kalium, të cilat nxisin tretje të shëndetshme.
Limoni
Limonat janë një nga burimet më të mira natyrore të vitaminës C dhe gjithashtu përmbajnë flavonoide dhe kalium. Konsumi i tyre ndihmon në detoksifikimin e trupit dhe rrit funksionin e sistemit tretës, duke aktivizuar prodhimin natyror të enzimave tretëse. Mund të pini lëng limoni të freskët me ujë në mëngjes dhe sigurisht ta shtoni në sallata, marinada dhe salca. Lëkurat e limonit përdoren shpesh si garniturë ose përbërës shtesë në pjata të ndryshme, si mishi, ushqimet e detit dhe rizoto, për t’i dhënë intensitet shijes.
Si me çdo ushqim, moderimi është çelësi me frutat. Edhe pse frutat agrume janë plot me lëndë ushqyese të dobishme, konsumi i tepërt i tyre mund të shkaktojë acarim të stomakut, si dhe të ndikojë në shëndetin e dhëmbëve për shkak të aciditetit të tyre. Për këtë arsye, rekomandohet t’i shijoni ato si pjesë e një diete të ekuilibruar.