Lajmidites.com

Category: Politikë

  • Balliu: Raporti i ODIHR, pasqyrë e sistemit të Belinda Ballukut

    Balliu: Raporti i ODIHR, pasqyrë e sistemit të Belinda Ballukut

    Deputeti i PD, Klevis Balliu thotë për raportin e OSBE-ODIHR për zgjedhjet e 11 majit, se përmban një nga konstatimet më të rënda të dekadës së fundit, atë të fshirjes së kufirit midis partisë dhe shtetit.

    Në një mesazh në facebook, Balliu shkruan se ky konstatim është dëshmi se Shqipëria ka rrëshqitur përfundimisht drejt modelit të partisë-shtet, një realitet që historia jonë e ka njohur vetëm në periudhat e Enver Hoxhës dhe Ramiz Alisë, dhe që sot është ringjallur në formën e tij bashkëkohore nën drejtimin e Edi Ramës.

    ‘Një ilustrim i përsosur i këtij modeli është Belinda Balluku-pasqyra më besnike e mënyrës sesi pushteti e përdor shtetin si instrument fushate, ndikimi dhe kontrolli.

    Me një agresivitet politik të pashoq, Balluku mobilizoi të gjithë aparatin administrativ në funksion të interesave elektorale të Partisë Socialiste.

    Punonjësit publikë u përballën me shantazhe: ose bindje politike, ose largim nga puna; qytetarët me presione mbi legalizimet dhe shërbimet publike, ndërsa klima e frikës dhe varësisë zëvendësoi çdo ndjenjë lirie qytetare’, shkruan Balliu.

    Reagimi i plotë i deputetit Klevis Balliut:

    Nga ‘të vjedhim më bukur’ te ‘të vjedhim si Bela’

    Raporti i OSBE-ODIHR si pasqyrë e sistemit të Belinda Ballukut

    Raporti i OSBE-ODIHR për zgjedhjet e fundit në Shqipëri përmban një nga konstatimet më të rënda të dekadës së fundit:

    fshirjen e kufirit midis partisë dhe shtetit.

    Ky konstatim është dëshmi se Shqipëria ka rrëshqitur përfundimisht drejt modelit të partisë-shtet, një realitet që historia jonë e ka njohur vetëm në periudhat e Enver Hoxhës dhe Ramiz Alisë, dhe që sot është ringjallur në formën e tij bashkëkohore nën drejtimin e Edi Ramës.

    Një ilustrim i përsosur i këtij modeli është Belinda Balluku, pasqyra më besnike e mënyrës sesi pushteti e përdor shtetin si instrument fushate, ndikimi dhe kontrolli.

    Me një agresivitet politik të pashoq, Balluku mobilizoi të gjithë aparatin administrativ në funksion të interesave elektorale të Partisë Socialiste.

    Punonjësit publikë u përballën me shantazhe: ose bindje politike, ose largim nga puna; qytetarët me presione mbi legalizimet dhe shërbimet publike, ndërsa klima e frikës dhe varësisë zëvendësoi çdo ndjenjë lirie qytetare.

    Sa për lidhjet me krimin e organizuar, kjo qeveri i ka integruar ato në vetë strukturën e saj.

    Është e pamundur që personi që administron një pjesë kaq të madhe të buxhetit të shtetit të mos jetë pjesë e zinxhirit të aferave që përbëjnë arkitekturën e korrupsionit qeveritar.

    Në vetvete, Belinda Balluku është simboli i korrupsionit të institucionalizuar.

    Në korridoret e Rilindjes, tashmë nuk thuhet më ‘të vjedhim më bukur’, por me humor të zi politik është bërë shprehje e përditshme:

    Ironia e historisë është therëse: njësoj si gjyshi i saj dikur, duket se edhe mbesa do të përfundojë në burg nga partia e vet.

    Një tjetër dëshmi kjo se Shqipëria ndodhet sot nën një regjim që po i ngjan përherë e më shumë atij të Enver Hoxhës, një sistem ku partia është ligj, shteti është mjet, dhe qytetari është peng.

  • Nga “të vjedhim më bukur”, tek “të vjedhim si Bela”, Balliu: Raporti i ODIHR, pasqyrë e sistemit të Belinda Ballukut

    Nga “të vjedhim më bukur”, tek “të vjedhim si Bela”, Balliu: Raporti i ODIHR, pasqyrë e sistemit të Belinda Ballukut

    Deputeti i PD, Klevis Balliu thotë për raportin e OSBE-ODIHR për zgjedhjet e 11 majit, se përmban një nga konstatimet më të rënda të dekadës së fundit, atë të fshirjes së kufirit midis partisë dhe shtetit.
    Në një mesazh në facebook, Balliu shkruan se ky konstatim është dëshmi se Shqipëria ka rrëshqitur përfundimisht drejt modelit të partisë-shtet – një realitet që historia jonë e ka njohur vetëm në periudhat e Enver Hoxhës dhe Ramiz Alisë, dhe që sot është ringjallur në formën e tij bashkëkohore nën drejtimin e Edi Ramës.
    “Një ilustrim i përsosur i këtij modeli është Belinda Balluku – pasqyra më besnike e mënyrës sesi pushteti e përdor shtetin si instrument fushate, ndikimi dhe kontrolli.
    Me një agresivitet politik të pashoq, Balluku mobilizoi të gjithë aparatin administrativ në funksion të interesave elektorale të Partisë Socialiste.
     
     
    Punonjësit publikë u përballën me shantazhe: ose bindje politike, ose largim nga puna; qytetarët me presione mbi legalizimet dhe shërbimet publike, ndërsa klima e frikës dhe varësisë zëvendësoi çdo ndjenjë lirie qytetare”, shkruan Balliu.

  • “Raporti më i keq”, eksperti: Nuk ishte realist, gjuha e OSBE as mish as peshk

    “Raporti më i keq”, eksperti: Nuk ishte realist, gjuha e OSBE as mish as peshk

    Eksperti për çështje zgjedhore, Gerti Shella e cilësoi raportin e OSBE si më të keqin, jo për atë që ka thënë, por për atë që nuk ka thënë.
    Në Terminal, me Aurora Sulçen, Shella shpjegoi se gjuha e përdorur në raport linte për të dëshiruar, teksa shton se edhe kur fliste për parregullsi nuk e thoshte me gojën e tij.
    “Raporti nuk kishte asgjë të re. Ky ishte raporti më i keq, për atë që nuk ka thënë. Kam përshtypjen që cfarë opinioni publik apo ata që vëzhgojnë zgjedhjet, kanë thënë përpara se ky raport të dilte është shumë më tepër, shumë më cilësor, ka mendim më të kualifikuar sesa vendosen gjetje apo mendime në këtë raport.
    Është raport difektoz sepse nuk ka një krye të dedikuar për ne. Pra bën disa gjetje, i vendos një dru as mish as peshk, me rekomandimet në konfliktin e interesit. Ky është një raport që në një far kuptimi nuk i bie bilbilit arbitri, nuk ka një penallti, një goditje dënimi. Kur e raporton gjënë e keqe, nuk e thotë në gojën e vetë. Ky raport nuk e tregon realitetin”, tha Shella.

  • “Kemi parti-shtet”, Alimehmeti: Raporti i OSBE i qartë, PS komandon gjithçka

    “Kemi parti-shtet”, Alimehmeti: Raporti i OSBE i qartë, PS komandon gjithçka

    Këshilltari i djathtë në Bashkinë e Tiranës, Ilir Alimehmeti ishte i ftuar në Terminal ku komentoi raportin përfundimtar të OSBE-ODIHR në lidhje me zgjedhjet parlamentare të 11 majit.
    Sipas Alimehmetit, raporti tregoi qartë se kemi të bëjmë me një parti-shtet që krijoi kushte të pabarabarta për 11 majin.
    “Raporti i ODIHR konfirmoi atë që ka ndodhur më 11 maj. Ky raport na thotë që fusha e lojës ishte e pabarabartë. Kur flasim për një lojë të pabarabartë dhe kemi një parti shtet dhe kemi një paragraf që thotë nuk janë standarde ndërkombëtare nuk kemi çfarë të flasim më. Nuk mund të fliste më qartë OSBE-ODIHR dhe nuk mund të prisnim që të fliste me gjuhën tonë”, tha Alimehmeti në A2 CNN.

  • Rama për DW: Me Kurtin jemi miq, por Kosova ta harrojë Serbinë dhe të përmbushë detyrimet

    Rama për DW: Me Kurtin jemi miq, por Kosova ta harrojë Serbinë dhe të përmbushë detyrimet

    Kryeministri Edi Rama ka folur për procesin e integrimit europian të Shqipërisë, rolin e Gjermanisë në këtë rrugëtim dhe marrëdhëniet e tij me Albin Kurtin, gjatë një interviste për Deutsche Welle.
    Në lidhje me raportin e tij me kryeministrin në detyrë të Kosovës, Albin Kurti, Rama theksoi se ruan një marrëdhënie të mirë personale me të, dhe se dallimet politike mes tyre janë të natyrshme.
    “Me Albinin kam një marrëdhënie shumë miqësore në aspektin personal, por kemi dallime të pashmangshme në këndvështrime, dhe këto dallime i ndajmë në mënyrë të hapur dhe të drejtpërdrejtë. Në të gjitha aspektet e bashkëpunimit me Kosovën, në bashkëpunimin ndërshtetëror, kemi bërë goxha përparim, dhe jemi duke punuar bashkërisht për një vepër madhore siç është hekurudha Durrës-Prishtinë”, u shpreh Rama.
    Sa i takon dialogut mes Kosovës dhe Serbisë, Rama theksoi se Prishtina duhet të përmbushë plotësisht detyrimet e saj përpara se përgjegjësia të kalojë tek Beogradi. Ai shtoi se vetëm duke u shkëputur përfundimisht nga ndikimi i Serbisë, Kosova do të mund të ecë përpara në mënyrë të pavarur.
    “Sipas meje, Kosova duhet ta harrojë krejt Serbinë në kuptimin që duhet të përmbushë në mënyrë unilaterale të gjitha kërkesat e dialogut dhe t’ia lërë, siç i themi ne, topin në derë Serbisë, duke i thënë Evropës, duke u thënë të gjitha vendeve të Evropës, edhe atyre që nuk e njohin akoma, ‘ja kush jemi ne, i përmbushëm, i firmosëm dhe tani shkoni dhe merrjani firmën Serbisë’. Por duhet të shkëputet totalisht nga Serbia dhe nuk duket të jetojë me idenë e Serbisë”, deklaroi Rama për DW.
    Integrimi Europian
    Kreu i qeverisë shqiptare theksoi gjithashtu rëndësinë e mbështetjes gjermane për integrimin europian të Shqipërisë, duke e cilësuar Berlinin si një partner strategjik dhe të qëndrueshëm në rrugën drejt Bashkimit Europian.
    “Sfida është që të mbushin të mbushim të gjithat detyrat që ka ky porces dhe kemi një kalendar shumë ambicioz të dakordësuar me Komisionin Europian për t’i përmbushur detyrat brenda vitit 2027 dhe për ta vendosur Komisionin Europian në pozicion që të iu thotë vendeve anëtare që Shqipëria i ka kryer me sukses negociatat dhe pastaj kemi planifikuar një tjetër dy vjeçar për ratifikimin në të gjitha vendet anëtare. Mund të të jetë më shpejt, por e kemi vendosur maksimumin dhe prandaj kemi 2030 si datë. Nuk është afat imagjinar ose një afat i vendosur nga dëshira por është një afat i vendosur bazuar mbi këtë që të thashë.”, tha kryeministri.

  • Rama: Kosova duhet të përmbushë kërkesat e dialogut, “t’ia lërë topin” Serbisë

    Rama: Kosova duhet të përmbushë kërkesat e dialogut, “t’ia lërë topin” Serbisë

    edi rama

    GJERMANI- Kryeministri i vendit, Edi Rama, ka deklaruar se Kosova duhet të përmbushë të gjitha kërkesat e dialogut me Serbinë, duke i lënë Serbisë përgjegjësinë për nënshkrimin dhe njohjen e marrëveshjeve.
    Në një intervistë për Deutsche Welle Shqip, Rama theksoi se Kosova duhet të shkëputet totalisht nga Serbia dhe të mos mbështetet mbi idetë ose pritshmëritë e saj. Ai shtoi se Kosova duhet të dërgojë një mesazh të qartë ndaj Evropës dhe vendeve që nuk e kanë njohur ende, duke treguar se Prishtina ka përmbushur të gjitha detyrimet e saj.
    “Sipas meje, Kosova duhet ta harrojë krejt Serbinë, në kuptimin që duhet të përmbushë në mënyrë njëanshme të gjitha kërkesat e dialogut dhe t’ia lërë topin në derë Serbisë, duke i thënë Evropës dhe vendeve të Evropës, dhe atyre vendeve që nuk e njohin akoma: ja kush jemi ne, i përmbushëm, i firmosëm, tani shkoni dhe merrjani firmën Serbisë”, -nënvizoi Rama.
    Kreu i qeverisë foli gjithashtu për marrëdhënien e tij me kryeministrin e Kosovës, Albin Kurti. Ai e cilësoi si marrëdhënie miqësore në aspektin personal, por me dallime të mëdha në këndvështrimin politik. Kryeministri u shpreh se bashkëpunimi ndërqeveritar vazhdon normalisht, siç është dhe projekti për hekurudhën Durrës-Prishtinë, që sipas Ramës është një “vepër madhore”.
    “Ndërkohë, në të gjitha aspektet e bashkëpunimit me Kosovën, flas në bashkëpunimin ndërshtetëror. Ne kemi bërë goxha përparim dhe jemi duke punuar në një vepër madhore siç është hekurudha Durrës-Prishtinë”,- pohoi Rama./ZËRI

  • “Vila buzë detit e makina 500 mijë euro” – Murrizi zbulon pasuritë e Flamur Nokës dhe milionerëve të PD

    “Vila buzë detit e makina 500 mijë euro” – Murrizi zbulon pasuritë e Flamur Nokës dhe milionerëve të PD

    Ish-deputeti Myslim Murrizi ka shpërthyer në akuza dhe ka zbuluar pasuritë e deputetëve demokratë, pas deklaratës së Flamur Nokës në mbledhjen e grupit të PD, ku i la porosi deputetëve të mos vishen me kostume 5 mijë euro por të bëjnë opozitë për atë që kanë nevojë qytetarët.
    Myslim Murrizi përmes një postimi të gjatë në rrjete sociale, ka zbuluar disa nga pasuritë e Flamur Nokës, ndaj të cilit nuk i kursen kritikat, dhe jo vetëm.
    Murrizi ka përmendur vilat buzë detit të Oerd Bylykbasit, bizneset e Isuf Çelës, Luçiano Boçit, Besart Xhaferrit dhe Eno Bozdos, për të cilin thotë se ka babain milioner.
    Murrizi shprehet se nuk kanë pse të vishen si rreckaman deputetët që kanë biznese e të ardhura të majme nga puna e tyre.
    Statusi i plotë i Myslim Murrizit
    Opozita është frymë, besim dhe shpresë, jo kostum, kollare, br*kë e kanotiere.
    U habita shumë kur lexova që dje në mbledhjen e grupit parlamentar, gjatë shumë diskutimeve, kishte pasur porosi nga Z. Noka që deputetët të vishen me kostume doku, me arna, me çorape të grisura, pa kollare e me këpucë të shqyera.
    Ky është fiks mentaliteti qelbësirë komunist i një partie hipokrite bolshevike që mendon se qytetarët na vlerësojnë, mbështesin, besojnë apo mëshirojnë sipas “leckave” që mbajmë veshur e jo nga qëndrimet.
    Dhe demek quhemi parti e qendrës së djathtë?
    Një hipokrizi e pështirë që nuk ka leckë e rraqe që mund ta mbulojë.
    Opozita është frymë, është besim, është shpresë, është ndryshim, është sjellje shpirtërore ndaj qytetarëve opozitarë; është dinjitet, ndershmëri, kurajo, aksion dhe jo teatër leckash apo paradë mode.
    Nëse bashkoni votat me Ramën për një Kod Zgjedhor bastard që ju të siguroni një karrige të dhjerë në Parlament për bythën tuaj të përdredhur sa tek njëri prehër tek tjetri, pa vota, por me listë të mbyllur, nuk ju pjerdh kush, edhe po të visheni me ar, edhe po të shkoni pa brekë e lakuriq në Parlament.
    Nëse ju nuk i takoni qytetarët as në fushata dhe kurrë më për 4 vjet rresht pasi uleni në karrigen e mender deputetit, nuk ju vjen kush nga pas, edhe po t’i ngrini brekët në majë të kokës.
    Nëse ju emëroni anëtarë kryesie apo deputetë njerëz anonimë pa asnjë kontribut në PD, por me pagesë, që shkelin mbi kontributin dhe sakrificën e mijëra DEMOKRATËVE, nuk ju beson askush, edhe po të visheni me arna si thes orizi.
    Ç’është ky mentalitet kalbësirë i së kaluarës komuniste?
    Nuk të bëjnë “leckat” as njeri e as politikan, sido që të visheni, por shpirti, morali dhe dinjiteti që ke të përcaktojnë se çfarë je e çfarë përfaqëson.
    Po pse duhet të vishen si rreckaman apo fakir-fukarenj ata deputetë që kanë biznese, kanë prona, kanë pasuri e kanë para?
    Pse duhet të vishet si roje mullarësh byku, p.sh. Kliti Hoti i Shkodrës që është milioner?
    Po Flamur Hoxha dhe Isuf Çela i qarkut Kukës, kur dihet që të dy kanë biznese?
    Po Albana Vokshi që ka pasur 5-6 puse nafte?
    Po Eno Bozo që ka babanë milioner?
    Po Luçiano Boçi që ka krushkun milioner?
    Po Oerd Bylykbashi që ka vilën në Palasë, komshi me Gjiknurin?
    Po Besard Xhaferri që ka babanë pronar fabrike prej 25 vitesh në Vaqar?
    Po Luan Baçi që ka 30 vjet me biznes, pse duhet të vishet me çorape të grisura?
    Po të tjerë si ti, Flamur, që kanë shtëpi e makina që kalojnë vlerën mbi 500 mijë euro, pse duhet të vishen si lypsa??
    Problemi nuk është as kostumi e as kollarja, or komunistë të mykur nga trutë e kokës, por kollarja që ia keni varë në qafë opozitarëve prej vitit 2013 për hatër të karriges tuaj të ndyrë.
    Nuk është turp të jesh i pasur, por turp është të jesh hajdut.
    Nuk është turp të vishesh mirë e bukur, por turp është kur rrobat t’i blen pushteti.
    Nuk është turp të jesh në opozitë, por turp është kur e shet opozitën tek pushteti për t’u veshur me firmato.
    Opozita nuk bëhet me leckat që vishni, por me njerëz që nuk bëhen leckë e rraqe duke lëpirë mendaren e kujtdo që ka në dorë firmën për t’u bërë deputet.
    Opozita nuk zmadhohet kurrë, edhe po të rrini lakuriq nga trupi, ashtu siç jeni nga trutë dhe nga shpirti.
    Prandaj, nëse pasurinë dhe paratë i keni me punë e me djersë, vishuni si t’ua dojë qejfi, me kostume jo 5 mijë, por 15 mijë euro.
    Qytetarët na i dinë të gjitha, sido që të përpiqeni të maskoheni me veshjen tuaj, sepse ne jetojmë në një vend të vogël ku njohim me rrënjë e dhëmballë njëri-tjetrin.
    Veshja është respekt për veten dhe kulturë e qytetari që as të zmadhojnë e as të zvogëlojnë karakterin, moralin, shpirtin apo njerëzillëkun.
    Keni shumë e shumë gjëra të tjera që ju mungojnë e ju cedojnë në të qenurin opozitarë në parlament dhe parti, para se të kujdeseni për brekët e çorapet që mbani veshur.
    Cedimi është kur, brenda vitit që merrni mandatin, shndërroheni nga brekë grisur në milionerë nga bashkëpunimi, tenderët apo konçensionet që ju jep pushteti për t’ju blerë si kile mishi në pazar, por jo kostumi apo kollarja juaj që nuk i hyn në punë askujt, sepse kazanët e plehrave, edhe po i mbulove me flori, prapë erë hale mbajnë.
    Prisni Kodin Zgjedhor bastard të vitit 2008 dhe pazarin e qelbur të korrikut 2024, dhe bëni reformën territoriale që t’u shërbejë qytetarëve, pastaj vishuni siç jeni, se nuk ju plas trapi askujt për leckat tuaja, sa kohë që ju shohin t’ju përdorin të tjerët si leckë këpucësh.

  • Shqipëria horizont i ri për investimet e huaja, Vjena dhe Tirana shënojnë fillim të ri

    Shqipëria horizont i ri për investimet e huaja, Vjena dhe Tirana shënojnë fillim të ri

    Shqipëria po pozicionohet me fuqi si një destinacion prioritar për investimet e huaja. Kjo konstatim u konfirmua në dy ngjarje me rëndësi të lartë: Forumin e Investimeve “Shqipëria, Horizont i Ri” në Vjenë dhe Forumin e Parë të Investimeve BE-Ballkani Perëndimor në Tiranë. Këto forume shërbyen si platforma më të rëndësishme për të shfaqur potencialin e jashtëzakonshëm ekonomik të vendit përpara qindra investitorësh ndërkombëtarë.
    Në Vjenë, theksi u vu te sektori i turizmit, i njohur si një nga motorët kryesorë të rritjes së Shqipërisë. Ministri i Turizmit, Kulturës dhe Sportit, Blendi Gonxhja theksoi se forumi përfaqësonte “një horizont të ri për Shqipërinë”. Ai vuri në dukje praninë e mbi 70 korporatave ndërkombëtare dhe theksoi se Shqipëria synon të jetë pjesë aktive e tregut më të suksesshëm botëror.
    “Është një përjetim i tërë i cili do të shkojë përtej plazhit… ku Shqipëria duhet të luajë rolin e vet”, tha Gonxhja, duke shtuar se vendi ynë synon të tërheqë një pjesë të rëndësishme të klientelës botërore të turizmit.
    Elira Kokona, Drejtore e Korporatës Shqiptare të Investimeve, vuri në dukje suksesin e forumit në Vjenë si “vetëm hapin e parë”. Ajo shpalli se në muajt në vijim, në Tiranë do të ndërpritet një vazhdimësi e forumit me takime dhe projekte konkrete, me qëllim shndërrimin e shprehjeve të interesit në investime reale në një periudhë të shkurtër kohe.
    Forumi i Tiranës solli në skenë liderë të lartë ndërkombëtarë. Kryeministri Edi Rama e përcaktoi Ballkanin Perëndimor si “horizontin e ri” të Evropës.
    “Një horizont ku investimet europiane gjejnë një ritëm shpejtësie të ri, ku inovacioni nuk e gjen veten të zhytur nën pirgje letrash”, deklaroi Kryeministri Rama, duke ftuar investitorët për ta bërë rajonin një “korsi të shpejtë të transformimit”.
    Presidentja e Komisionit Europian, Ursula von der Leyen, dha një mesazh të fuqishëm për investitorët: “Koha për të investuar në Ballkanin Perëndimor është tani”. Ajo njoftoi se rreth 4 miliardë euro priten të investohen në rajon nëpërmjet Planit të Rritjes për Ballkanin Perëndimor, me qëllim dyfishimin e PBB-së së rajonit në dekadën e ardhshme. Von der Leyen theksoi gjithashtu anëtarësimin e Shqipërisë në SEPA si një sukses që do t’u kursejë bizneseve shqiptare rreth 500 milionë euro në vit.
    Forumi i Biznesit Shqipëri-Turqi vuri në pah një nga historitë më të suksesshme të bashkëpunimit ekonomik. Kryeministri Edi Rama raportoi një rritje të shkëmbimeve tregtare nga 250 milionë euro para 10 vitesh në mbi 1 miliardë euro në 9 muajt e parë të këtij viti. Numri i sipërmarrjeve me kapital turk u rrit nga 300 në mbi 1 mijë, duke krijuar rreth 15 mijë vende pune.

  • “T’i thuhet partive “boll se na keni lodh”, Salianji: Binaj po merr mbështetje masive në Tiranë, të dhënat tregojnë që…

    “T’i thuhet partive “boll se na keni lodh”, Salianji: Binaj po merr mbështetje masive në Tiranë, të dhënat tregojnë që…

    Ervin Salianji foli për garën për Bashkinë e Tiranës. Florjan Binaj i mbështetur nga opozita kandidon përballë socialistes, Ogerta Manastirliu.
    Ish-deputeti i PD tha se Binaj po merr mbështetje masive në kryeqytet dhe këtë ai e shihte edhe nga takimet që ka zhvilluar vetë me qytetarët, duke mbështetur kandidatin e pavarur.
    “Jam dhe do të jem në zgjedhjet e Tiranës, për të mbështetur kandidatin e pavarur Florjan Binaj, një kandidat i shkëlqyer i mbështetur nga opozita. Shoh një mbështetje masive që e shoh tek njerëzit. Ka një padurim të njerëzve dhe pyetja kryesore e tyre është: Kur do të ikë Rama?”, tha Salianji.
    “PS në Tiranë është 48.2%. Të gjitha të dhënat janë që Florjan Binaj të jetë kryetari i ri i Bashkisë së Tiranës për shkak të mbështetjes masive. Edhe ata që nuk e duan z.Berisha, duke votuar Binajn i japin mundësi për të treguar edhe PD-së, edhe shoqërisë që duhet të ketë ndryshime dhe profile të këtij lloji. është mundësi e artë për qytetarët e Tiranës t’i tregojë të gjithë shoqërisë që një kandidat që nuk i nënshtrohet urdhrave të partive politike por vjen si një nevojë e shoqërisë, por edhe si fakt i angazhimit të madh në kauza publike, të votohet dhe t’i tregohet partive kjo është rruga e duhur dhe boll se na keni lodh”, tha më tej Salianji.
    Ai shtoi se do të jetë në fushatën e Tiranës në mbështetje të kandidatit të pavarur, duke u angazhuar në Njësinë 6, zonën e Kombinatit e cila njihet si bastion i të majtës.
    “Unë do të jem në fushatë në zonën e Kombinatit, në Njësinë 6. Kam nisur takimet, do të jem në mbështetje të tij në një zonë të caktuar sipas organizimit që ka bërë PD, në mbështetje të kandidatit të pavarur”, tha demokrati.
    ***
    Sakaq, duke rrëfyer më herët përballë Nisida Tufës se si u prit nga mbështetësit dhe simpatizantët demokratë pas daljes nga burgu, Salianji tha se mungesa në takime prej një kohe të gjatë ka bërë që mbështetja drejt tij të jetë masive.
    “Nuk ka diskutim që tek njerëzit ka një mbështetje masive dhe një lloj ndjeshmërie që e kuptoj në takime. Mund të jetë mall apo përmallim për shkak të mungesës së takimit fizik për një periudhë të caktuar. Unë kam qenë gjithë kohës në takime. Ka një mbështetje dhe nga ana e kolegëve. Kam qenë në një takim në Korçë dhe ka qenë e pranishme e gjithë struktura e lartë e PD, të gjithë kolegët deputetë”.

  • Salianji: Florian Binaj detyroi Ramën të shtyjë zgjedhjet në Tiranë. Të dhënat tregojnë që…

    Salianji: Florian Binaj detyroi Ramën të shtyjë zgjedhjet në Tiranë. Të dhënat tregojnë që…

    Ervin Salianji foli në “Kjo Javë” edhe për garën për Bashkinë e Tiranës. Florjan Binaj, kandidat i pavarur dhe i mbështetur nga opozita kandidon përballë socialistes, Ogerta Manastirliu.
    Ish-deputeti i PD tha se Binaj po merr mbështetje masive në kryeqytet dhe këtë ai e shihte edhe nga takimet që ka zhvilluar vetë me qytetarët, duke mbështetur kandidatin e pavarur. Salianji tha se për shkak të popullaritetit të Binajt, Rama u detyrua të shtynte zgjedhjet në Bashkinë e Tiranës, për të fituar kohë, sipas tij, që të gjejë mekanizmat për këtë përballje elektorale.
    “Për mua që në nisje ka hyrë në avantazh, aq shumë sa e ka detyruar të shtyjë zgjedhjet. Pra, Edi Rama i ka shtyrë zgjedhjet për t’i dhënë kohë, që të përdorë të gjithë mekanizmat e vet. Florian Binaj ka energjizuar pjesën gri në Tiranë”, u shpreh Salianji.
    Ai tregoi edhe pritshmëritë e kandidatit të pavarur, duke shtuar se të dhënat e nxjerrin atë fitues përballë Manastirliut.
    “PS në Tiranë është 48.2%. Të gjitha të dhënat janë që Florjan Binaj të jetë kryetari i ri i Bashkisë së Tiranës për shkak të mbështetjes masive. Edhe ata që nuk e duan z.Berisha, duke votuar Binajn i japin mundësi për të treguar edhe PD-së, edhe shoqërisë që duhet të ketë ndryshime dhe profile të këtij lloji. është mundësi e artë për qytetarët e Tiranës t’i tregojë të gjithë shoqërisë që një kandidat që nuk i nënshtrohet urdhrave të partive politike por vjen si një nevojë e shoqërisë, por edhe si fakt i angazhimit të madh në kauza publike, të votohet dhe t’i tregohet partive kjo është rruga e duhur dhe boll se na keni lodh”, tha më tej Salianji.
    Ervin Salianji shtoi se do të jetë në fushatën e Tiranës në mbështetje të kandidatit të pavarur, duke u angazhuar në Njësinë 6, zonën e Kombinatit e cila njihet si bastion i të majtës.
    “Jam dhe do të jem në zgjedhjet e Tiranës, për të mbështetur kandidatin e pavarur Florjan Binaj, një kandidat i shkëlqyer i mbështetur nga opozita. Shoh një mbështetje masive që e shoh tek njerëzit. Ka një padurim të njerëzve dhe pyetja kryesore e tyre është: Kur do të ikë Rama?”, tha Salianji.
    “Unë do të jem në fushatë në zonën e Kombinatit, në Njësinë 6. Kam nisur takimet, do të jem në mbështetje të tij në një zonë të caktuar sipas organizimit që ka bërë PD, në mbështetje të kandidatit të pavarur”, tha demokrati.
    ***
    Sakaq, duke rrëfyer më herët përballë Nisida Tufës se si u prit nga mbështetësit dhe simpatizantët demokratë pas daljes nga burgu, Salianji tha se mungesa në takime prej një kohe të gjatë ka bërë që mbështetja drejt tij të jetë masive.
    “Nuk ka diskutim që tek njerëzit ka një mbështetje masive dhe një lloj ndjeshmërie që e kuptoj në takime. Mund të jetë mall apo përmallim për shkak të mungesës së takimit fizik për një periudhë të caktuar. Unë kam qenë gjithë kohës në takime. Ka një mbështetje dhe nga ana e kolegëve. Kam qenë në një takim në Korçë dhe ka qenë e pranishme e gjithë struktura e lartë e PD, të gjithë kolegët deputetë”.