“Turp për të gjithë deputetët”, kjo ishte deklarata e Xhonatan Panos në studion e Quo Vadis të moderatores Pranvera Borakaj, ndërsa deputetët në sallën e parlamentit kaluan me 77 vota pro ligjin për barazinë gjinore.
Pano tha se për këtë veprim deputetët e PS do të japin llogari para Zotit dhe para njerëzve.
“Të gjithë këta deputetë do të mbajnë përgjegjësi para Zotit dhe para njerëzve. Për të gjithë ata që kanë votuar socialistët, unë them se sot këta deputetë i kanë dhunuar. SHBA i kanë zbuluar njëherë e mirë, ne vazhdojmë me këto marrëzira. Turp për këta parlamentarë! Turp edhe për ata të opozitës që nuk ishin për të votuar,” tha Pano.
Category: Politikë
-
Miratohet ligji për barazinë gjinore, Pano: Turp! Deputetët do të japin llogari para Zotit
-
Miratimi i ligjit për barazinë gjinore, Lita: Mizaskenë për të fshehur debatin real
Analisti Lavdrim Lita e ka cilësuar si mizaskenë atë që ndodhi në parlament mbrëmjen e sotme, ku u votua në parim projektligji për barazinë gjinore.
I ftuar në emisionin Quo Vadis të moderatores Pranvera Borakaj në Vizion Plus, ai u shpreh se e gjithë kjo që ndodhi ishte për të larguar vëmendjen nga debati real.
Pjesë nga biseda:Lita: Kjo është një mizaskenë e madhe për të fshehur debatin real që ka të bëjë me aferën e “Palloshit”, ose të “Llogarasë” një aferë me 50 milionë euro, dhe është në hetim nga SPAK. Sot duhet të ishte dita e diskutimit për këtë aferë. E gjitha kjo po kthehet në një betejë për të treguar numrat në parlament, dhe nga ana tjetër, e opozitës, për të tërhequr vëmendjen në Uashington.
Borakaj: Çështja është që me këtë votim ne jemi kundër Amerikës?
Lita: Kjo ka të bëjë edhe me personalizimin që Berisha i bëri sulmeve ndaj ambasadorëve.
Borakaj: Në BE e kanë vetëm 3 vende, në SHBA janë vetëm 2 gjini. Pra sot jemi vetëm pro këtyre 3 vendeve.
Lita: Sot kemi pasur bukë me kos gjithë ditën e sotme.
Borakaj: Popullit i japin të hajë çfarë ka.
Lita: Popullit i japin një lugë bosh. -
Pas reagimit të komisioneres Marta Kos, Berisha tërheq deklaratën për Gonzaton? Kreu i PD: Nëse e ripërsëris…
Pyetje: Marta Kos, Komisionerja për zgjerimin e ka cilësuar sulm të papranueshëm deklaratën tuaj për ambasadorin Gonzato dhe thekson se barazia gjinore është në linjë me direktivat e BE. Keni kërkim falje për ambasadorin?
Sali Berisha: Gjëja më e thjeshtë për mua është të kërkoj falje. Por në qoftë se ambasadori Gonzato një deklaratë të bërë publike vetë se, kam qenë i martuar dhe djalin e vogël e kam 31 vjeç dhe tani jetoj me një partner, ose jam i martuar me një burrë, dhe kjo deklaratë u përdor nga unë mënyrë absolute pa asnjë intension fyerje, pasi unë jam autori i një ligji që i ka dhënë fund në mënyrë përfundimtare, çdo forme diskriminimi.
Thashë këtu që ai vetë ka qenë binar dhe pastaj ka ndryshuar mendje. Nëse ripërsëris deklaratën që ka bërë vetë, unë nuk di se çfarë fyerje. Unë nuk kisha bërë asnjë hetim në jetën e tij, absolutisht, as merrem me jetën e asnjë njeriu. Por e dëgjova, e tha vetë dhe unë thashë që ka bërë këtë deklaratë.
Se si qenka fyerje kjo, unë nuk e konceptoj. Kam përdorur një deklaratë që e ka thënë vetë. Por nëse ai e konsideron këtë fyerje, atëherë mua sigurisht do ta rikonsideroj qëndrimin tim, i kërkoj të falur, nuk kam asnjë hetizim. Por nuk ishte për fyerje, nuk përbën fyerje.Top Channel
-
Kalon në Kuvend projektligji për barazinë gjinore, 77 vota pro dhe 36 kundër
Është miratuar në seancën e sotme plenare, projekt-ligji për barazinë gjinore me 77 vota pro dhe 36 kundër.
Projektligji “Për barazinë gjinore”, një nismë e qeverisë synon harmonizimin e legjislacionit shqiptar me standardet e Bashkimit Evropian për të drejtat e njeriut dhe trajtimin e barabartë të grave dhe burrave.
Vijon…Top Channel
-
Opozita kërkoi ngritjen e Komisionit Hetimor për shkarkimin e presidentit Begajt, rrëzohet në Kuvend propozimi i demokratëve
Ndërkohë, me 77 vota është rrëzuar kërkesa e Partisë Demokratike për ngritjen e komisionit hetimor për shkarkimin e Presidentit Bajram Begaj. Me këtë votim ndërpritet edhe procedura për shkarkimin e Presidentit Bajram Begaj.
Top Channel
-
VIDEO/ Shkullaku: SPAK veproi me kodin e mafias në rastin Balluku, ndryshime standardesh në hetime
Gazetari Armand Shkullaku, i ftuar në emisionin ‘Çim Peka LIVE’, ka komentuar hetimet ndaj ministres Belinda Balluku, duke theksuar se, sipas tij, veprimet e SPAK-ut në këtë rast kanë qenë të pazakonta dhe me një kod të veçantë heshtjeje, të cilin ai e quan ‘kod i mafias’.
Duke komentuar deklaratat e kolegëve, Armand Shkullaku u shpreh se, ‘Berat Buzhala beson gjithmonë te drejtësia, si te ajo ndërkombëtare, ashtu edhe ajo lokale. Sidomos te ajo ndërkombëtare ka shumë besim. Çështja është që, këtu nuk është çështje besimi për mua. Ne duhet të gjykojmë, nga përvoja që kemi, aktet si është vepruar. Pra, ti shtrove një pyetje, që a kemi me standart të dyfishtë? Unë them që po, kemi.’
Ai solli shembuj për të ilustruar këtë diferencë standardesh.
‘Pra, vepra penale e Ilir Metës, po marr shembull që mos të marr Veliaj dhe Berishën, meqë ka sensitivitet. Po themi Ilir Metës, është një vepër penale e kryer, e supozuar e kryer para 15 vjetësh. Të hiqet zvarrë, çohet në qeli, e të tjerë e të tjerë, vazhdojnë hetimet deri sot. Po marr dhe një tjetër që s’ka lidhje fare. Ja, marr për Malltezin. Pronari i tokës, po edhe në qoftë se ka abuzuar me tokën e vet, me pronën e vet, merret para afërsisht 1000 njerëzve në aeroportin e Rinasit, përkrahësh, përplaset në makinë, futet në burg e të tjerë e të tjerë. Pra, që këtu kemi një standart.’
Gazetari theksoi se diferenca tjetër lidhet me transparencën e informacionit për dosjet.
‘Pa u arrestuar këta, ne e kemi ditur përpara çfarë kanë pasur dosjet e tyre. Pra, çfarë ka ke Erion Veliaj, çfarë ka ke Berisha, çfarë ka ke Meta, jo çështja kjo, jo çështja ajo.’
Sipas tij, rasti i Belinda Ballukut është unik, sepse SPAK ndryshoi standardet në hetime dhe vendosi kodin e mafias, duke heshtur, ndryshe nga dosjet e tjera.
‘Për herë të parë, në rastin e Ballukut, u veprua me kodin e mafias. Domethënë që është heshtja. Pra, në rastin e Berishës, ishin mediat kundër Berishës, po edhe mediat e tjera neutrale nxirrnin pjesë nga dosja. Ja se për çfarë po akuzohet Sali Berisha, ja për çfarë akuzohet Ilir Meta, ja për çfarë akuzohet Erion Veliaj. Dhe ato që e mbronin Velinë, po marrim, dhe ato që flasin për luftë brenda llojit, edhe ato që e sulmonin, kishin pjesën e tyre.’
Ai shtoi se kjo situatë duhet të studiohet në fushën e gazetarisë.
‘Rasti i Belinda Ballukut, mbas disa viteve të jemi të bindur do hyjë në antologjinë e gazetarisë shqiptare, duhet të bëhet në shkolla, në fakultetin e gazetarisë, që ka media që bëjnë shkrime që Berisha akuzon Ballukun, Berisha keqpërdor Ballukun, PD-ja varet te Balluku dhe ndërkohë nuk ka nxjerrë asnjë fjalë për dosjen e Ballukut. Pra, ky është… Ky është kodi i heshtjes për mua. Që në këtë rast është i rëndë dhe pse është i rëndë? Dhe këtu tashti unë mora faktet që janë, si të thuash, që vënë SPAK-un para përgjegjësisë.’
Shkullaku theksoi gjithashtu rëndësinë e hetimit për procedurat e tenderëve.
‘Por ka dhe një element që, në qoftë se jemi njerëz objektivë, duhet të themi që mos vallë kjo po ndodh sepse i janë afruar më shumë se ç’duhet Ramës? Pika pyetje. Unë prapë jam i bindur, po do më thonë që ti je kundër Ramës, bindja jote nuk diskutohet që Rama as s’preket e të tjerë e të tjerë, por po bëj, po përpiqem të bëj objektivin. Për herë të parë duhet njohur që ky Dritan Premçi apo një prokuror i SPAK-ut, po merr… jo, kërcënimi është diçka tjetër, po merr në… se dhe për këtë gënjeu Dumani dje në TVSH. Dritan Premçi po heton një zyrtar të lartë në detyrë, shumë të lartë, për procedurat e një afere korruptive. Pra, deri më sot ne nuk kemi pasur hetim për procedurash.’
‘Kuptohet, kur thotë, se ti the K, se duhet të pas më shumë respekt për kënd, ai thotë ku, tre pika. Se po the K, keqkuptohet. Po. Mesazhet e atij ku, ose kur, tre pika. Se K-ja është gjë tjetër, kupton? Prandaj dhe duhet të merresh.’, tha ndër të tjera gazetari Armand Shkullaku në SYRI TV.
-
Arben Shehu/ Dobësi serioze në raportimin financiar dhe menaxhimin e pasurive publike
Kreu i Kontrollit të Lartë të Shtetit (KLSH) ka paraqitur sot në Kuvend gjetjet kryesore të auditimeve financiare, duke ngritur shqetësime për saktësinë dhe cilësinë e raportimit financiar në institucionet publike.
Sipas kreut të KLSH-së, auditimet kanë zbuluar probleme të theksuara në respektimin e parimeve dhe standardeve kontabël, si dhe nevojën për përmirësimin e sistemeve të menaxhimit financiar dhe kontrolleve të brendshme.
“Pasqyrat financiare të audituara tregojnë mungesë konsolidimi midis njësive buxhetore, shkelje të afateve në dorëzimin e raportimeve dhe përjashtim të disa transaksioneve nga pasqyrimi,” theksoi ai, duke shtuar se janë konstatuar edhe keqklasifikime të të ardhurave dhe shpenzimeve, si dhe mangësi në dokumentacionin mbështetës.
Një tjetër shqetësim i ngritur nga KLSH është mosregjistrimi i plotë i pasurive publike, veçanërisht atyre të paluajtshme.
“Në një pjesë të konsiderueshme të institucioneve të audituara, procedurat e marrjes në dorëzim dhe klasifikimit të pronave publike mbeten të paqarta, duke krijuar rrezik për tjetërsimin e tyre,” u shpreh kreu i institucionit të lartë të auditimit.
Ai theksoi gjithashtu se janë konstatuar mospërputhje në paraqitjen e detyrimeve të papaguara dhe debitorëve, si dhe pasaktësi në përllogaritjen e kamatëvonesave, duke nënvizuar domosdoshmërinë e forcimit të kontrolleve të brendshme dhe përgjegjshmërisë financiare në administratën publike.
“Gjatë auditimeve financiare, janë identifikuar çështje që kanë ndikuar në saktësinë dhe cilësinë e raportimit financiar, si dhe në respektimin e parimeve dhe standardeve kontabël, duke evidentuar nevojën për përmirësimin e sistemeve të menaxhimit financiar dhe kontrolleve brenda institucioneve publike.
Pasqyrat financiare të audituara kanë treguar mungesë konsolidimi midis njësive, shkelje të afateve në dorëzimin e raportimeve, mos-akordime ndërvitore dhe përjashtim të disa transaksioneve nga pasqyrimi.
Janë konstatuar keqklasifikime të të ardhurave dhe shpenzimeve, mangësi në dokumentacionin mbështetës, si dhe dobësi në zbatimin e kontrolleve të brendshme për identifikimin e parregullsive.
Në një pjesë të konsiderueshme të institucioneve të audituara, janë evidentuar problematika në regjistrimin e plotë të pasurive, veçanërisht pasurive të paluajtshme, si dhe në përgatitjen e dokumentacionit pronësor. Procedurat e marrjes në dorëzim dhe klasifikimi i pronave publike vazhdojnë të përbëjnë rrezik për tjetërsimin e tyre.
Gjithashtu, në paraqitjen e detyrimeve të papaguara dhe debitorëve, janë konstatuar diferenca midis shifrave të regjistruara dhe gjendjes reale, si dhe pasaktësi në përllogaritjen e kamatëvonesave”, ka thënë kreu i KLSH, Arben Shehu. -
Kuvendi miraton në parim projektligjin për barazinë gjinore
Sot.com.al është një media online, që ka për qëllim informimin e paanshëm duke vënë profesionalizmin në plan të parë. Ky portal informativ është një alternativë e re që rreket të krijojë nje hapësirë sa më të lirë për gazetarinë e vërtetë. Përvoja e gjatë dhe nevoja për të shkuar sa më pranë të vërtetës, janë vijat mbi të cilat do të shkruajë media jonë.
-
KLSH nxjerr “lakuriq” institucionet/ Shkelje në fushën e prokurimeve, pagesa për shërbime të pakryera
Kreu i KLSH-së, Arben Shehu ka raportuar në Kuvend veprimtarinë e KLSH për vitin 2024.
Sipas raportit në auditimet e përputhshmërisë dhe ato të kombinuara, janë identifikuar shkelje të kuadrit ligjor dhe rregullator në fushën e prokurimeve, raportimit fiskal dhe zbatimit të kontratave.
Shehu thekson se, në të gjitha fazat e menaxhimit buxhetor, nga planifikimi deri tek ekzekutimi dhe raportimi, janë evidentuar mangësi në disiplinën financiare, dobësi në vlerësimin e projekteve, kërkesa shtesë mbi tavanet buxhetore dhe përdorim joefektiv të fondeve.
“Në auditimet e përputhshmërisë dhe ato të kombinuara, janë identifikuar shkelje të kuadrit ligjor dhe rregullator në fushën e prokurimeve, raportimit fiskal dhe zbatimit të kontratave. Në të gjitha fazat e menaxhimit buxhetor, nga planifikimi deri tek ekzekutimi dhe raportimi, janë evidentuar mangësi në disiplinën financiare, dobësi në vlerësimin e projekteve, kërkesa shtesë mbi tavanet buxhetore dhe përdorim joefektiv të fondeve”, tha Shehu.
Më tej, kreu i KLSH-së raportoi se auditimet kanë nxjerrë në pah mangësitë në regjistrimin e urdhrave të prokurimit, kontratave dhe likuidimin e faturave përmes sistemit informatik financiar të qeverisë, me një përhapje më të theksuar në nivel vendor, por të pranishme edhe në administratën qendrore dhe shoqëritë publike.
Shehu nënvizoi se, problematikat në prokurime kanë përfshirë planifikim jo të harmonizuar me nevojat reale dhe fondet e disponueshme, kufizim të konkurrencës, parregullsi në hartimin dhe zbatimin e kontratave, si dhe mungesë të kontrolleve të brendshme.
“Gjithashtu, auditimet kanë nxjerrë në pah mangësitë në regjistrimin e urdhrave të prokurimit, kontratave dhe likuidimin e faturave përmes sistemit informatik financiar të qeverisë, me një përhapje më të theksuar në nivel vendor, por të pranishme edhe në administratën qendrore dhe shoqëritë publike.
Problematikat në prokurime kanë përfshirë planifikim jo të harmonizuar me nevojat reale dhe fondet e disponueshme, kufizim të konkurrencës, parregullsi në hartimin dhe zbatimin e kontratave, si dhe mungesë të kontrolleve të brendshme”, ka deklaruar Shehu.
Kreu i KLSH ka deklaruar se zbatimi i kontratave është kryer me vonesë. Penalitetet nuk janë aplikuar sipas përcaktimeve kontraktuale. Janë kryer pagesa për punime të papërfunduara ose të realizuara pjesërisht, ndërsa strukturat përgjegjëse mbi mbikëqyrjen teknike pra, nuk kanë ushtruar në mënyrë efektive funksionet e tyre.
“Në disa raste, zbatimi i kontratave është kryer me vonesë. Penalitetet nuk janë aplikuar sipas përcaktimeve kontraktuale. Janë kryer pagesa për punime të papërfunduara ose të realizuara pjesërisht, ndërsa strukturat përgjegjëse mbi mbikëqyrjen teknike pra, nuk kanë ushtruar në mënyrë efektive funksionet e tyre”
Ai shtoi se, në kontrata koncesionare janë evidentuar mangësi në monitorimin, respektimin e kritereve financiare dhe vlerësimin e ndikimit afatgjatë, si dhe pagesa për shërbime të pakryera ose të realizuara pjesërisht, përfshirë dhe raste me tejkalim të buxhetit në sektorin e shëndetësisë.
