Sali Berisha nisi sot ciklin e foltoreve me bazën e demokratëve, pas paralajmërimeve se këtë gjë do e bënte Ervin Salianji nga Durrës. Berisha u ndal në njësinë numër 9 në Tiranë, teksa foli edhe për analizën e partisë post-zgjedhje.
Berisha tha se sot nis analiza, por nuk duhet të shndërrohet në një gjueti shtrigash.
Ai shtoi se PD do kthehet më e fortë dhe nuk do e lejojë Ramën të gëzojë mandatin e katërt.
“A mundet të përdorim situatën, faktin e një diktature autoritare për të mos analizuar të gjithë dobësitë problematika tona? Në asnjë mënyrë. Fillojmë sot, një debat fillojmë sot një analizë që do e nxjerrim shumë më të fortë dhe të fuqishme PD. Jeni ftuar secili nga ju, të japë mendime, të bëjë kritika për cilindo, të bëjë propozime.
Kam dy kërkesa, jo gjah shtrigash. Nuk bëhemi në asnjë rrethanë parti e gjahut të shtrigave. Ku i patëm dobësitë tona? Çfarë duhet të ndryshojmë? Nuk kemi frikë të bëjmë të gjithë sugjerimet. Çfarë të përmirësojmë ne? Dy momente, hapësirë, hapësirë, hapësirë. Diktatura është një peshë e rëndë mbi ne. Duhet të zgjerojmë hapësirat, për mendimin, për të rinjtë, për debatin.
Për të gjithë ata që na duan të bashkohen. Jemi në kushtet e një regjimi autoritar, i cili synon zhdukjen tonë. Ne bëjmë të kundërtën, bëjmë gjithçka të vitalizohemi. Me Edi Ramën zgjedhje s’ka. Nuk ikin diktaturat me votë. E faktuam. Në këtë betejë kemi të drejtën ta kërrejmë këtë qeveri një minutë e më parë nga pushteti.
Rama me mandatet të vjedhura në pushtet s’mund të qëndrojë. Jemi në fazën e betejës vendimtare. Kemi faktuar na ka vjedhur zgjedhjet. Nuk do e gëzojë kurrë mandatin e katërt. Duhet të përgatisim partinë. Të bëjmë atë që bëri Nepali, Bangladeshi. Kemi arritur diçka. Nuk mori urim nga qeveria e SHBA”, tha ai.
Category: Politikë
-
Takimi i Salianjit me më të votuarit! Berisha: Nuk do lejojmë gjueti shtrigash në parti
-
Nis turin në Shqipëri “Foltorja”/ Berisha: Vendi po shpopullohet! Brenda disa dekadash do katandisemi 500 mijë banorë
Partia Demokratike ka nisur sot foltoren e turit që do të mbahet në të gjithë Shqipërinë.
Kreu i PD Sali Berisha, në një bashkëbisedim me qytetarët e njësisë 9 në kryeqytet, ka evidentuar problemin e shpopullimit, që sipas tij vjen nga mazhoranca në pushtet, politikat e ndjekura prej saj dhe lidhja me krimin.
“Nga një komb ndër më të rinjtë në Europë, sot jemi kombi me lindshmërinë që kishim 100 vite më parë kur ishin 700 mijë banorë. Jemi kombi me lindshmërinë më të ulët në Europë për shkak të largimit të t rinjve. Nga 2018 vdekjet dominojnë shumë mbi lindjet. Në këtë trend rrokullisës, brenda disa dekadash do të shkojmë edhe më pak se 500 mijë banorë.
Jetojmë në një sistem diktatorial që ka pranuar pluralizmin, por shtyp dhe ngushton hapësirën për të qendruar në pushtet”, tha ai. -
Raporton problemet e Lushnjes/ Korreshi me ironi: O deputet na duhen bote, ka vajt m*** në gju! Shalsi: Bëj humor dhe me gjendjen ku jeni katandis
Deputeti demokrat i Lushnjes, Saimir Korreshi nga foltorja, është ndalur te problemet që ka zona që ai përfaqëson, e kryesisht më përmbytjet javët e fundit.
Mes ironisë ai ka treguar se Lushnja ka problem me kanalizimet dhe me ujin e pijshëm.
“O zoti kryetar do të kërkoj dhe një herë ndjesë ty se fjalimet e mia nuk flasin për hapje kapitujsh si kolegët e mi…
Më marrin banorët në telefon dhe më thonë deputet më duhen dy bote për të thith pusetat se ka vajt m*ti në gju, në Lushnjë në qendër ndodh kjo. Si do ia bëjmë? Bora zbardhi tej për tej fusha edhe male, viti i ri do të na gjejë duke dhjerë në hale… nga uji i pijshëm”, tha ai.
Korreshit i është përgjigjur deputeti i PS Eduard Shalsi, i cili duke i vlerësuar humorin, i tha që ta përdorë duke bërë humor edhe për gjendjen që është sot opozita.
“Saimiri njihet për humorin e tij, dhe pas Agronit, humori i të cilit është me shkrim, vjen ti. Por do të bëj një sugjerim, mund të bësh pak humor dhe me gjendjen ku jeni katandis tani”, tha Shalsi.
“Për sugjerimin që më dhe, nuk kam gjet deri tani asnjë që të vjedhë më shumë sesa ju”, iu përgjigj Korreshi.
-
VIDEO/ Balliu në Foltoren e degës 9: Mazhoranca është minorancë në vota, por mazhorancë në krim dhe korrupsion
Deputeti i Partisë Demokratike, Klevis Balliu, gjatë takimit në Foltoren me demokratët e degës nr. 9 në Tiranë, ka sulmuar ashpër mazhorancën, duke e akuzuar atë si një ‘minorancë në vota, por mazhorancë në krim’. Në fjalën e tij, Balliu deklaroi se qeveria aktuale qëndron në pushtet përmes vjedhjes së votave dhe pasurive publike.
‘Ata që sot janë të vetëshpallur mazhorancë, në të vërtetë janë një minorancë, por janë mazhorancë në krim. Janë mazhorancë sepse vjedhin vota dhe paratë e qytetarëve,’ u shpreh Balliu.
Deputeti theksoi se përballja me mazhorancën në Kuvend është e lehtë për demokratët ‘që nuk kanë vjedhur kurrë’, ndërsa theksoi se e vërteta e korrupsionit dhe kapjes së shtetit është tashmë e njohur edhe në arenën ndërkombëtare.
‘Ata që sot janë të vetshpallur mazhorancë, në të vërtetë janë një minorancë, po janë në mazhorancë në krim. Ata janë në mazhorancë sepse vjedhin vota, janë mazhorancë sepse vjedhin paratë e qytetarëve.
Të vetëshpallur si të tillë, kur jemi në parlament, t’u flasësh përballë hajdutëve është një gjë e lehtë për ata të cilët nuk kanë vjedhur, t’i thonë hajdutit hajdut. Po të flasësh përballë qëndrestarëve është një emocion i vërtetë dhe për mua nuk ka më emocion të madh se të flas përballë jush, të cilët keni qëndruar në vitet më të vështira të demokracisë dhe të pluralizmit në Shqipëri dhe keni arritur që jo vetëm Shqipëri, por në të gjithë botën ta dinë fare mirë që këtu ka një qeveri të korruptuar dhe që këtu është ndërtuar narko-shteti i parë në Europë.
Jo vetëm ministrat e tij janë të lidhur me drogën, jo vetëm ministrat e tij janë të lidhur me korrupsionin, por dhe miqtë e tij ndërkombëtarë janë të lidhur po me të njëjtat afera. Ndaj sot më shumë se kurrë çdo demokrat është ballëhapur, është me kokën lart.
Sepse në fund të ditës ne luftojmë për parime. Nuk luftojmë për të vjedhur lekët e shqiptarëve. Ne luftojmë me dinjitet. Asnjë njeri tjetër nuk ka besuar kurrë që në 2021-shin që pluralizmi mund të shpëtohej. Që në 2021-shin kur ju sulën demokracisë dhe Partisë Demokratike për ta ekzekutuar, demokratët u mblodhën rreth njëri-tjetrit, u mblodhën drejt liderit historik dhe kryetarit të Partisë Demokratike Sali Berisha, për të shpëtuar jo thjesht Partinë Demokratike, por pluralizmin në Shqipëri. Shikojeni pak palën tjetër.
Ju kujtohet fare mirë se si bërtisnin në Këshill Bashkiak pro Erion Veliaj, se si i lëpiheshin. Dhe momenti i parë që e panë në vështirësi, ju sulën i thanë s’ka nevojë të vijë këtu. Po njësoj bëjnë me njëri-tjetrin, sepse ata nuk kanë një parti me vlera. Nuk kanë një parti me parime. Ata atje janë të gjithë aksionerë në vjedhjen e parave tuaja.
Në qoftë se qytetarët shqiptarë duan të dinë pse sot kanë më pak para shqiptarët sesa shqiptarët në Kosovë, apo sesa qytetarët në Maqedoninë e Veriut, arsyeja është vjedhja dhe korrupsioni i tyre. Shikoni se si u sulën njëri-tjetrit. Ndaj sot unë jam krenar që jam, më shumë se çdo ditë tjetër, më shumë se çdo herë tjetër jam krenar që jam demokrat.
Se preferoj 100,000 vjet t’i kaloj në opozitë me ju, sesa të jem në pushtet me hajdutë dhe njerëz të korruptuar, kriminelë që vjedhin Shqipërinë dhe shqiptarët. Ndaj sot, dua t’ju falënderoj përzemërsisht për të gjithë qëndresën tuaj dhe e ndjej privilegj’, tha deputeti Klevis Balliu gjatë fjalës së tij.
-
Bardhi “përplaset” me Bidon: Demokratët nuk përdorën kurrë një ditë bashkimi kombëtar për përçarje politike
Kreu i Grupit Parlamentar të PD, i është përgjigjur deputetit të PS Ardit Bido i cili akuzoi demokratët se kanë bojkotuar ceremoninë e ngritjes së Flamurit më 28 Nëntor.
Bido akuzoi opozitën se mungesa e tyre në ceremoni përbënte mosrespektim ndaj simbolit kombëtar.
Bardhi u shpreh se askush nga demokratët nuk ka përdorur kurrë një ditë bashkimi kombëtar për përçarje politike, duke theksuar se nderimi i flamurit kërkon integritet dhe veprim, jo vetëm pjesëmarrje në ceremoni. -
“Seanca të jetë publike”/ Pezullimi i Ballukut, juristi Kara: Ka interes shumë të madh, masa shtrënguese…
Kolegji i Gjykatës Kushtetuese nuk arriti dot të merrte sot një vendim për t’i kaluar Mbledhjes së Gjyqtarëve ankimin e kryeministrit Edi Rama për rastin e pezullimit të Belinda Ballukut nga detyra.
Lidhur më këtë për juristin Romeo Kara, seanca në Gjykatën Kushtetuese për Ballukun duhet që të jetë publike, pasi sipas tij ka interes.
‘Masat shtrënguese janë që personi të mos largohet sidomos kur parashikohet që mund të jenë të rënda dhe masat ndaluese si pezullimi janë për të ruajtur procesin. Është një organ akuze dhe një gjykatë që vlerëson a mund që personi të bëjë vepra të tjera që të dëmtojë provat apo të intimidojë dëshmitarët atë e dinë ata. Po seanca në GJK duhet që të jetë e hapur, pasi ka interes shumë të madh publik’, tha ai. -
“Janë 5 mijë faqe dosje”/ Vendimi për Ballukun, flet gazetari: Më e rëndësishmja, sa i takon goditjes së korrupsionit
Kolegji i Gjykatës Kushtetuese nuk arriti dot të merrte sot një vendim për t’i kaluar Mbledhjes së Gjyqtarëve ankimin e kryeministrit Edi Rama për rastin e pezullimit të Belinda Ballukut nga detyra.
Lidhur më këtë gazetari Adriatik Doçi, i ftuar në një studio televizive, tha se trupa nuk pati unanimitet pasi njëra prej anëtareve të trupës e cila është e besuara e Berishës doli kundër.
‘SPAK mund ti drejtohet kuvendit me kërkesë për heqjen e imunitetit të Ballukut bazuar në vendimin e GJK për ti hapur rrugë marrjes së një mase sigurie. Heqja e imunitetit të Ballukut mund të çojë në një precedentë që qeveria të kundërshtojë heqjen e imunitetit për Ballukun. Por SPAK duke kërkuar heqjen e imuniteti e miraton ose jo parlamenti lexon dosjen dhe mund të nxjerr detaje të llahtarshme që diskrediton qeverinë.
Nëse ka sinjale që qeveria e kundërshton SPAK mund të lexoj pjesë nga dosja hetimore. Janë 5 mijë faqe dosje është dosja më e rëndësishme dhe serioze sa i takon goditjes së korrupsionit, edhe pse deri tani nuk kemi ende akuzë për korrupsion, mund të shkohet në një moment tjetër në atë akuzë’, tha ai. -
“Njerëzit që kapen duke vjedhur në zyrë”/ ‘Foltore’, deputeti Xhaferri: Në burg, i gjithë kabineti i qeverisë Rama
Partia Demokratike ka nisur turin e foltoreve me një takim në Njësinë nr. 9, ku drejtues dhe mbështetës të forcës politike zhvilluan bashkëbisedim me demokratët e zonës.
Gjatë këtij takimi, kreu i Forumit Rinor të PD-së, Besart Xhaferi, mbajti një fjalim të fortë politik, duke akuzuar qeverinë dhe kryeministrin Edi Rama për korrupsion dhe keqqeverisje. Xhaferi deklaroi se në këtë betejë opozitare, Sali Berisha mbetet figura kryesore që sipas tij “do të inspirojë shqiptarët për ta çuar vendin drejt ndryshimit politik”.
Duke iu referuar zhvillimeve ndërkombëtare, Xhaferi përmendi edhe çështjen e raportuar të ish-përfaqësueses së lartë të BE-së, Federica Mogherini, duke e përdorur rastin, siç u shpreh ai, për të theksuar se “drejtësia duhet të veprojë njësoj në çdo vend”.
Ai përsëriti akuzat ndaj anëtarëve të kabinetit qeveritar, duke përmendur çështje të tilla si pretendimet për korrupsion dhe abuzim me fondet publike. Sipas tij, “rastet e abuzimit me taksat e qytetarëve duhen ndëshkuar”, duke e krahasuar situatën me vendet e tjera të Evropës.
Xhaferi u ndal edhe te zgjedhjet e 11 majit, të cilat i cilësoi “farsë elektorale”, duke akuzuar mazhorancën për përdorim të administratës, fondeve publike dhe presioneve politike. Takimi është pjesë e një serie aktivitetesh që PD ka paralajmëruar se do t’i zhvillojë në të gjithë vendin në vijim të aksionit opozitar.
Xhaferri:
Edi Rama meriton të shkojë te shokët e tij dhe patjetër t’i bashkangjitet sot edhe shoqes së tij më të ngushtë, Federica Mogherinit, e cila u arrestua edhe sot. Po e përmend Federica Mogherinin, megjithëse është një rast në Bruksel. Po e përmend edhe për Gjykatën Kushtetuese që të kuptojë që drejtësia në çdo vend të botës bën detyrën e saj dhe duhet të ndalojë ata që kapen në flagrancë.
Njerëzit që kapen duke vjedhur në zyrë janë ata që duhen ndaluar menjëherë. Dhe rasti i Belinda Ballukut është një rast që nuk është i vetmi në Evropë, as i vetmi në botë. I kemi deklaruar raste të ngjashme në Rumani, në Itali, në Gjermani, në Angli dhe kudo tjetër. Kush vjedh taksat e qytetarëve, meriton të shkojë në burg dhe i gjithë kabineti i qeverisë Rama 1, Rama 2, Rama 3 dhe së fundmi i anonimëve të Rama 4, janë një bandë hajdutësh që kanë vjedhur paratë, ju kanë larguar fëmijët nga shtëpitë tuaja dhe mbi të gjitha kanë vrarë shpresën në një ekonomie që mund të sjelli zhvillim për shqiptarët dhe ka lindur ekonominë që ka sjellur zhvillim vetëm për narkotrafikantët dhe klientët e qeverisë.
Ajo që patjetër ne na thërret misioni sot, është të bëhemi të gjithë bashkë në një kauzë. Edi Rama mos ta shijojë asnjë ditë më tepër farsën elektorale që vodhi në 11 maj. Atë farsë që e dimë që të gjithë si e kemi hequr mbi kurriz, dhe të gjitha sulmet që erdhën nga buxheti shtetëror, nga administrata shtetërore, nga patronazhistët, nga bandat kriminale, nga mediat, po në të njëjtën kohë, të cilat vetëm i bënin veri dhe fresk një kryehajduti që 12 vjet ka vjedhur dhe ka shantazhuar këdo, dhe sot pretendojnë që problemi jemi ne.
-
“Jetojmë në një sistem diktatorial”/ Foltorja nis sot turin, Berisha: Problemi i shpopullimit, dhe lidhja me krimin
Partia Demokratike ka nisur sot foltoren e turit që do të mbahet në të gjithë Shqipërinë.
Kreu i PD Sali Berisha, në një bashkëbisedim me qytetarët e njësisë 9 në kryeqytet, ka evidentuar problemin e shpopullimit, që sipas tij vjen nga mazhoranca në pushtet, politikat e ndjekura prej saj dhe lidhja me krimin.
“Nga një komb ndër më të rinjtë në Europë, sot jemi kombi me lindshmërinë që kishim 100 vite më parë kur ishin 700 mijë banorë. Jemi kombi me lindshmërinë më të ulët në Europë për shkak të largimit të t rinjve. Nga 2018 vdekjet dominojnë shumë mbi lindjet. Në këtë trend rrokullisës, brenda disa dekadash do të shkojmë edhe më pak se 500 mijë banorë.
Jetojmë në një sistem diktatorial që ka pranuar pluralizmin, por shtyp dhe ngushton hapësirën për të qendruar në pushtet”, tha ai. -
Blushi ‘përplaset’ me Zegjine Çaushin: S’pres të kesh zgjuarsinë e Dritëro Agollit! Deputetja: I dashur…Meta është tek vendi
Tedi Blushi dhe Zegjine Çaushi
TIRANË-Deputeti i Partisë së Lirisë, Tedi Blushi teksa diskutonte bonusin dhe rritjen për pensionistët ka debatuar edhe me deputeten e Partisë Socialiste Zegjine Çaushi. Blushi me ironi komentoi deputeten për mençurinë e saj duke u shprehur se nuk per të ketë zgjuarsinë e shkrimtarit Dritëro Agolli.
Në replikë deputetja nuk preferoi të komentonte deklaratën e Blushit, por u ‘shigjetoi’ kreun e PL Ilir Meta, duke u shprehur se vetëm atij do t’i jepte një përgjigje. Çaushi u shpreh se Meta e meriton vendin ku ndodhet, i cili prej 21 tetorit 2024 ndodhet në burg.
Tedi Blushi: Unë nuk pres që e mençura Zegjine aspo dikush tjetër që të ketë zgjuarsinë e Dritëro Agollit. A ju vjen turp kur dilni në zonë, si nuk doli një nga ju të flasë për rritjen e pensioneve, pagave. Dua t’ju them pensionistëve të mos mashtrohen se 60 lekë në ditë është tallje. Qeveria i ka mundësitë për t’i 2fishuar pensionet.
Zegjine Çaushi: I dashur Tedi për ty nuk kam asnjë lloj komenti, sepse atë koment që do të kisha do t’ia jap atij personi që nuk është këtu sepse fatmirësisht dhe fatkeqësisht është tek vendi ku meriton të jetë dhe nuk kam çfarë përgjigje t’i jap atij dhe këto mesazhet që t’i çon në telefon. Po të ishte këtu do t’ia jepja atij përgjigjen. E përshëndesim nga atje ku është sepse mbase na sheh.