Lajmidites.com

Category: Lifestyle

  • Reshje intensive në Vlorë, paralajmërohen qytetarët: Tregoni kujdes në datat 17 dhe 18 nëntor

    Reshje intensive në Vlorë, paralajmërohen qytetarët: Tregoni kujdes në datat 17 dhe 18 nëntor

    Ujësjellësi i Kanalizimeve Rajonale Vlorë, ka paralajmëruar qytetarët e Vlorës se dita e hënë dhe e martë do të përfshihet nga reshje shiu mesatare deri lokalisht intensive.

    Në një njoftim në rrjetin social Facebook u bëhet thirrje qytetarëve të tregohen vigjilentë për çdo situatë dhe të respektojnë thirrjet dhe këshillat e autoriteteve.

    “Referuar njoftimit të Qendrës Kombëtare për Parashikimin dhe Monitorimin e Rreziqeve Natyrore, ditën e hënë, më datë 17 nëntor, dhe ditën e martë, më datë 18 nëntor, qyteti i Vlorës parashikohet të përfshihet nga reshje shiu mesatare deri lokalisht intensive.

    Ju lutemi të tregoheni vigjilentë për çdo situatë dhe të respektoni thirrjet dhe këshillat e autoriteteve. Jeni të lutur të shmangni parkimin e automjeteve në zonat me risk të lartë. Grupet tona do të jenë të angazhuara në marrjen e masave paraprake, si dhe do të jenë në terren në monitorimin e situatës, duke ndërhyrë sipas rastit nëse do të jetë e nevojshme”, thuhet në postim.

  • Nuk ka më vende, Korça e prenotuar e gjitha deri në fundvit

    Nuk ka më vende, Korça e prenotuar e gjitha deri në fundvit

    Festat e nëntorit, dhe më tej ato të krishtlindjes dhe vitit të ri, kanë bërë që të gjithë hotelet dhe bujtinat e Korçës dhe fshatrave turistike, si Voskopoja, Dardha apo Boboshtica të ezaurojnë të gjitha kapacitetet akomoduese që kanë.

    Të interesuarit në shumicë janë vizitorë vendas, por nuk mungojnë as të huajt.

    Përveç paketave që ofrohen nga njësitë e shërbimit dhe ato akomoduese, edhe pushteti lokal në Korçë ka planifikuar një kalendar festiv një sërë aktivitetesh, kulturore dhe argëtuese duke nisur që me festat e nëntorit dhe më pas me ato të krishtlindjes dhe vitit të ri.

  • 1/3 e punonjësve janë të vetëpunësuar – INSTAT: Sektorët e vetëpunësimit janë në bujqësi, shitje me pakicë dhe shërbime familjare

    1/3 e punonjësve janë të vetëpunësuar – INSTAT: Sektorët e vetëpunësimit janë në bujqësi, shitje me pakicë dhe shërbime familjare

    Numri i të vetëpunësuarve në vend është rritur ndjeshëm në tremujorin e dytë të vitit 2025, duke arritur nivelin më të lartë që prej tremujorit të tretë të vitit 2022. Sipas të dhënave zyrtare nga INSTAT, vetëpunësimi për periudhën prill–qershor 2025 arriti në 31.3% të totalit të punësuarve.

    Krahasuar me të njëjtën periudhë të vitit 2024, treguesi është rritur me 0.7 pikë përqindje. Vetëpunësimi vijon të jetë “punëdhënësi” më i madh në ekonominë shqiptare, si dhe një nga më të lartët në Europë.

    Të dhënat tregojnë se gati një e treta e punonjësve shqiptarë punojnë për llogari të tyre.

    Shumica e të vetëpunësuarve shqiptarë janë të angazhuar në bujqësi, tregti të vogël dhe shërbime familjare.

    Një pjesë e madhe e tyre operojnë në sektorin informal, pa mbrojtje ligjore dhe pa të drejtë pensioni të garantuar.

    Pavarësisht peshës së madhe në ekonomi, rreth gjysma e tyre nuk kontribuojnë rregullisht në sigurimet shoqërore.

    Ndërsa në Bashkimin Evropian vetëpunësimi lidhet me profesione të lira dhe sektorë me vlerë të lartë, në Shqipëri ai mbetet kryesisht një zgjedhje e detyruar. Mbyllja e disa bizneseve në industrinë e prodhimit ka çuar në rritjen e mëtejshme të numrit të vetëpunësuarve në vend.

  • Hëna e Re e 20 Nëntorit sjell fat dhe ndryshime të mëdha për 3 shenja të horoskopit

    Hëna e Re e 20 Nëntorit sjell fat dhe ndryshime të mëdha për 3 shenja të horoskopit

    Hëna e Re e datës 20 nëntor 2025 konsiderohet si një ndër momentet më të rëndësishme astrologjike të vitit.
    Dielli dhe Hëna bashkohen në shenjën e Akrepit, një pozicion i lidhur ngushtë me transformimin, të vërtetat e brendshme dhe energjitë e thella emocionale. Ndërkohë, mërkuri në retrogradë shton intensitetin e kësaj dite, duke krijuar terrenin ideal për një ripërtëritje të fuqishme shpirtërore.
    Sipas astrologëve, janë pikërisht tre shenja që do të përjetojnë ndikimin më të fortë të kësaj Hëne të Re.
    DemiUrani që ndodhet në shenjën tuaj sjell lëvizje të papritura dhe energji të fuqishme transformimi. Kjo Hënë e Re mund të sjellë ide të reja dhe mundësi të reja. Barrierat e vjetra fillojnë të zhduken, duke ju lejuar t’i jepni jetë dëshirave të vërteta, jo atyre që diktohen nga rutina. Një fillim i ri i qartë dhe çlirues vjen drejt jush.
    AkrepiMe Hënën e Re në shenjën tuaj, dita merr një ngarkesë të jashtëzakonshme energjie. Është momenti ideal për rifillime, qartësi mendore dhe transformim të thellë emocional. Çfarëdo që keni mbajtur të fshehur ose të shtypur del në sipërfaqe për t’u shëruar. Në aspektin profesional dhe romantik, universi ju jep një shtysë të fortë. Nëse dëshironi t’i shprehni ndjenjat dikujt, ky është momenti juaj.
    PeshqitHëna e Re në akrep forcon intuitën dhe ju hap ‘portat’ drejt njohurive të fshehura. Ndikimi i Neptunit ju çliron nga dyshimet, duke ju dhënë qartësi të rrallë në fushën profesionale. Vizioni juaj për të ardhmen bëhet më i strukturuar dhe më i realizueshëm. Cilado rrugë që keni ndërmend të ndiqni, kjo Hënë e Re funksionon si një busull e sigurt, mjafton ta besoni dhe ta ndiqni.

  • Korça me bilanc negativ me lindjet/ Raporti i INSTAT, në gjysmën e qarqeve ka më shumë vdekje. Tirana motori demografik

    Korça me bilanc negativ me lindjet/ Raporti i INSTAT, në gjysmën e qarqeve ka më shumë vdekje. Tirana motori demografik

    Në raport me popullsinë, Shqipëria qëndron midis shpresës së lindjeve dhe realitetit të hidhur të rënies demografike. Tremujori i tretë i vitit 2025 nëpërmjet të dhënave të INSTAT paraqet një tablo të përzier.

    Ndërsa në rang vendi raportohen 1 mijë e 347 lindje më shumë se vdekje, pesë qarqe vijojnë të përballen me një bilanc të zymtë, ku funeralet tejkalojnë numrin e të porsalindurve.

    Nga Vlora e Berati vijuar më tej me Shkodrën, Gjirokastrën e Korçën shtesa natyrore e popullsisë negative shënojnë një alarm të qartë demografik.

    Korça mban vendin e parë për bilanc negativ me dyfish jetë të humbura më shumë sesa të sapoardhura konkretisht 487 vdekje dhe 271 lindje.

    Pas Korçës, Gjirokastra vijon të humbasë banorë. Vetëm 81 lindje kundrejt 166 vdekjeve, duke e bërë qarkun me fertilitetin më të ulët në vend.

    Në Dibër situata mbetet e rënduar: 247 lindje, por 203 vdekje, duke ruajtur trendin shumëvjeçar të largimit të të rinjve dhe plakjes së popullsisë.

    Shkodra dhe Lezha mbyllin listën e pesë qarqeve me shtesë negative, ku vdekjet tejkalojnë lindjet, duke e zbehur edhe më tej hartën demografike të veriut.

    Në kontrast, 7 qarqe të tjera arrijnë ende të mbajnë ekuilibrin pozitiv por me ritme të ulëta, shpesh të pamjaftueshme për të mbuluar humbjet e zonave të tjera.

    Kryeqyteti mbetet i vetmi motor demografik i vendit, me 2.509 lindje dhe 1.271 vdekje një shtesë natyrore prej 1.238 vetash, më e larta në të gjithë territorin. Tirana rritet, gjallërohet, zgjerohet; ndërsa periferia e saj administrative ndjek një ritëm tjetër, shumë më të ngadaltë.

    Berati shënon rritjen më të madhe të lindjeve në përqindje, ndërsa Kukësi regjistron numrin më të ulët të vdekjeve në rang vendi. Të dy tregues që sinjalizojnë një stabilitet të brishtë, por të rëndësishëm.

    Ndërsa numrat flasin qartë, Shqipëria përballet me një sfidë të heshtur, po plaket më shpejt se po rritet.

  • Ka ardhur virusi i gripit, disa raste janë diagnostikuar tek të vegjlit në shërbimin e pediatrisë

    Ka ardhur virusi i gripit, disa raste janë diagnostikuar tek të vegjlit në shërbimin e pediatrisë

    Virusi i gripit ka nisur të qarkullojë në vendin tonë. Raste me grip janë diagnostikuar tek të vegjlit në shërbimin e pediatrisë.

    Shefja e shërbimit të pediatrisë infektive Prof. Xhorxhina Kuli deklaron se janë kapur të dy tipet e virusit të gripit ai A dhe B, po qarkullojnë edhe viruse të tjera ndonëse jo në mënyrë intensive.

    Në forma të lehta gripi tek të vegjlit zgjat vetëm tre dite ,por mjekët po konstatojnë edhe një simptomë tjetër përveç temperaturës, vështirësive në frymëmarrje dhe kollës siç është dhimbja e muskujve tek të vegjlit i cili shfaq edhe komplikacione dhe e çon deri në dy javë trajtimin mjekësor.

    Edhe pse jemi në sezonin gripit Instituti i shëndetit Publik ende nuk ka deklaruar se ka izoluar rastet e para me grip. Në shërbimin e pediatrisë janë mundësuar tamponë te cilët konfirmojnë llojin e virusit pasi mjekët pediatër e diagnostikojnë klinikisht bazuar në simptomat që shfaqin të vegjlit.

  • Nëse i përkisni njërës prej këtyre 3 shenjave të Horoskopit, pjesa tjetër e nëntorit do t’ju sjellë lajme të mëdha

    Nëse i përkisni njërës prej këtyre 3 shenjave të Horoskopit, pjesa tjetër e nëntorit do t’ju sjellë lajme të mëdha

    Nga ana astrologjike, viti 2025 nuk ishte pikërisht viti më i lehtë. Megjithatë, nëse i përkisni njërës prej tre shenjave të zodiakut më poshtë , nëntori i vitit 2025 do të jetë shumë i favorshëm për ju.
    “Ka disa tranzite shumë të bukura që janë të favorshme për ju “, shpjegoi astrologia Matilda Zhuang.
    Qoftë marrëdhënie më të mira, avancim profesional apo thjesht një kuptim më i thellë i vetes, gjatë gjithë pjesës tjetër të nëntorit secila prej këtyre shenjave do të përjetojë përparim dhe evolucion në mënyrën e vet.

    GaforrjaNëntori i vitit 2025 është një muaj i shkëlqyer për ju. Sipas Zhuang, “e filloni muajin duke u ndjerë të freskët, duke lënë pas marrëdhënie dhe zakone që nuk ju shërbejnë më ose nuk ju shterojnë energjinë”. Gjatë gjithë nëntorit, do të përjetoni një riorganizim shumë të nevojshëm të jetës suaj të përditshme që do ta bëjë gjithçka të duket më e menaxhueshme. Ndërsa ndryshimet fillimisht mund të jenë të frikshme, ato do të jenë themeli për suksesin tuaj të ardhshëm. Nga Mërkuri retrograd që ju shtyn të jeni më krijues, deri te një “rilindje” e mundshme e imazhit tuaj personal, nëntori i vitit 2025 po duket të jetë muaji më i mirë i vitit për ju. Kohët e fundit jeni ndjerë “të bllokuar” dhe të kuptuarit pse po ndodh kjo, si dhe ndërmarrja e veprimeve të menjëhershme, do t’ju ndihmojë të çliroheni nga kjo gjendje stagnante.
    AkrepiJeta nuk ka qenë e lehtë për ju kohët e fundit, por për fat të mirë, nëntori i vitit 2025 do të jetë shumë i favorshëm. Nëse ka një shenjë që do të jetë “protagonisti” i të gjithë muajit, ai/ajo jeni ju. Sipas astrologut, “marrëdhëniet që nuk ju shërbejnë më do të largohen”, ndërsa punoni për të vendosur identitetin dhe pavarësinë tuaj personale. Prej andej, universi do t’ju afrojë më shumë me njerëz që do t’ju mbështesin në zbulimin e asaj që jeni dhe asaj që përfaqësoni vërtet.
    PeshqitNëse jeni Peshq, nëntori i vitit 2025 do të jetë gjithashtu një muaj i shkëlqyer për ju. Mund të jeni ndjerë më të përqendruar dhe më të mprehtë gjatë dy muajve të fundit. Si rezultat, pritet që ta kaloni nëntorin duke ripërcaktuar qëllimet tuaja dhe trashëgiminë që doni të lini pas. Ndërsa kjo mund të tingëllojë e qetë ose “delikate”, njerëzit dhe përvojat që do të hasni këtë muaj do t’ju sjellin më afër qëllimit tuaj të vërtetë në jetë. Nëse po mendoni të bëni ndonjë lëvizje të madhe në karrierë, tani është koha e përsosur për të filluar.
    /vizionplus.tv

  • Kthjellime dhe vranësira, njihuni me parashikimin e motit për këtë të diel

    Kthjellime dhe vranësira, njihuni me parashikimin e motit për këtë të diel

    Kjo e diel parashikohet me vranësira mesatare kryesisht në pjesën e parë të ditës, më pas mot i kthjellët e vranësira fare të pakta.

    Temperaturat maksimale shkojnë në 24 gradë celsius në zonat e ulëta dhe qendrore ndërsa temperaturat minimale do të shkojnë deri në 13-14 gradë celsius.

    Era parashikohet të fryjë me drejtim verilindje –veriperëndim me shpejtësi mesatare 2-8 m/sek në pjesën e pare të ditës, më pas intensiteti i erës bie 1-6m/sek, ndërsa përgjatë vijës bregdetare dhe zonat luginore në pjesën e parë të ditës era fiton shpejtësi 10-18 m/sek më pas intensiteti i erës bie në10-13m/sek shoqëruar me valëzimin në dete të forcës 3-4 ballë.

  • Dëshirë për aventura të reja dhe reflektim, parashikimi i horoskopit për ditën e sotme

    Dëshirë për aventura të reja dhe reflektim, parashikimi i horoskopit për ditën e sotme

    DashiEnergjia juaj sot është në rritje dhe ju ndihmon të përballoni sfida që kanë kërkuar kohë. Në punë, një bisedë e sinqertë sjell qartësi. Në çështjet personale, tregoni kujdes me fjalët.
    DemiRitmi i ditës është i qëndrueshëm dhe ju lejon të përfundoni detyra të lëna përgjysmë. Financiarisht, hamendësimet nuk rekomandohen. Në marrëdhënie, kërkoni qetësi përpara se të reagoni.
    BinjakëtKomunikimi është arma juaj kryesore sot. Keni mundësi të krijoni kontakte të vlefshme. Shmangni shpërndarjen e energjisë në shumë drejtime. Në dashuri, një surprizë e vogël ndryshon atmosferën.
    GaforrjaFokusi emocional sot është i fortë. Punët familjare kërkojnë vëmendje, por nuk ju mbingarkojnë. Në punë, merrni kohë për të rishikuar detaje të rëndësishme. Në dashuri, hapja sjell qetësi.
    LuaniVetëbesimi ju çon në hapa të guximshëm. Mund të merrni një propozim ose lajm motivues. Megjithatë, ruani durimin me kolegët që nuk ecin në ritmin tuaj. Në marrëdhënie, jepni më shumë kohë për dëgjim.
    VirgjëreshaDita kërkon organizim dhe administrim të kujdesshëm të kohës. Një ide praktike ju hap rrugë të reja. Emocionalisht, mos ushqeni dyshime të panevojshme. Një bisedë e qetë shuan tensionet.
    PeshorjaBalancimi i prioriteteve është çelësi i suksesit sot. Në punë, diplomacia ju shpëton nga keqkuptime. Në jetën personale, dikush kërkon vëmendjen tuaj, jepeni pa hezitim.
    AkrepiIntuita ju udhëheq drejt vendimeve të mençura. Projekte të rëndësishme marrin vrull. Ruani qetësinë në situata delikate. Në dashuri, dita favorizon afrim dhe ndjeshmëri.
    ShigjetariOptimizmi ju karakterizon, por është mirë të mbështeteni edhe te faktet. Një mundësi profesionale duket premtuese. Në marrëdhënie, sinqeriteti ka rëndësi më shumë se entuziazmi.
    BricjapiDita është e fokusuar në qëllimet afatgjata. Po ndërtoni themele të forta dhe kjo vlerësohet. Në plan emocional, mund të ndiheni të rezervuar, është në rregull, për sa kohë komunikoni qartë.
    UjoriKreativiteti juaj shpërthen dhe ju ndihmon të gjeni zgjidhje të pazakonta. Në punë, merrni mbështetjen që prisnit. Në dashuri, surprizat pozitive nuk mungojnë.
    PeshqitNdjeshmëria ju bën më të perceptueshëm ndaj atmosferës përreth. Në punë, një situatë kërkon qasje të duruar. Emocionalisht, jepni rëndësi pushimit dhe qetësisë që ju rigjallëron.

  • Horoskopi 16 nëntor, çfarë ju pret sot sipas yjeve në dashuri, punë dhe energji

    Horoskopi 16 nëntor, çfarë ju pret sot sipas yjeve në dashuri, punë dhe energji

    DashiEnergjia juaj sot është në rritje dhe ju ndihmon të përballoni sfida që kanë kërkuar kohë. Në punë, një bisedë e sinqertë sjell qartësi. Në çështjet personale, tregoni kujdes me fjalët.
    DemiRitmi i ditës është i qëndrueshëm dhe ju lejon të përfundoni detyra të lëna përgjysmë. Financiarisht, hamendësimet nuk rekomandohen. Në marrëdhënie, kërkoni qetësi përpara se të reagoni.
    BinjakëtKomunikimi është arma juaj kryesore sot. Keni mundësi të krijoni kontakte të vlefshme. Shmangni shpërndarjen e energjisë në shumë drejtime. Në dashuri, një surprizë e vogël ndryshon atmosferën.

    GaforrjaFokusi emocional sot është i fortë. Punët familjare kërkojnë vëmendje, por nuk ju mbingarkojnë. Në punë, merrni kohë për të rishikuar detaje të rëndësishme. Në dashuri, hapja sjell qetësi.
    LuaniVetëbesimi ju çon në hapa të guximshëm. Mund të merrni një propozim ose lajm motivues. Megjithatë, ruani durimin me kolegët që nuk ecin në ritmin tuaj. Në marrëdhënie, jepni më shumë kohë për dëgjim.
    VirgjëreshaDita kërkon organizim dhe administrim të kujdesshëm të kohës. Një ide praktike ju hap rrugë të reja. Emocionalisht, mos ushqeni dyshime të panevojshme. Një bisedë e qetë shuan tensionet.
    PeshorjaBalancimi i prioriteteve është çelësi i suksesit sot. Në punë, diplomacia ju shpëton nga keqkuptime. Në jetën personale, dikush kërkon vëmendjen tuaj, jepeni pa hezitim.
    AkrepiIntuita ju udhëheq drejt vendimeve të mençura. Projekte të rëndësishme marrin vrull. Ruani qetësinë në situata delikate. Në dashuri, dita favorizon afrim dhe ndjeshmëri.
    ShigjetariOptimizmi ju karakterizon, por është mirë të mbështeteni edhe te faktet. Një mundësi profesionale duket premtuese. Në marrëdhënie, sinqeriteti ka rëndësi më shumë se entuziazmi.
    BricjapiDita është e fokusuar në qëllimet afatgjata. Po ndërtoni themele të forta dhe kjo vlerësohet. Në plan emocional, mund të ndiheni të rezervuar, është në rregull, për sa kohë komunikoni qartë.
    UjoriKreativiteti juaj shpërthen dhe ju ndihmon të gjeni zgjidhje të pazakonta. Në punë, merrni mbështetjen që prisnit. Në dashuri, surprizat pozitive nuk mungojnë.
    PeshqitNdjeshmëria ju bën më të perceptueshëm ndaj atmosferës përreth. Në punë, një situatë kërkon qasje të duruar. Emocionalisht, jepni rëndësi pushimit dhe qetësisë që ju rigjallëron.