Lajmidites.com

Category: Lifestyle

  • MM: Prurjet në Vjosë në pikë kritike! Moti i keq, rrezikohet një banesë në Rrëshen, evakuohen 2 të moshuar në Finiq

    MM: Prurjet në Vjosë në pikë kritike! Moti i keq, rrezikohet një banesë në Rrëshen, evakuohen 2 të moshuar në Finiq

    Prej orësh strukturat vendore dhe ato të mbrojtjes civile janë në gatishnëri të plotë, në ndjekje të situatës së krijuar nga reshjet e shiut që kanë vijuar në pothuaj të gjithë territorin e vendit.

    Situata sipas qarqeve

    Qarku Lezhë

    Vijon puna për normalizimin e situatës në, fshatrat Gjorm , Zhejë, Fushë Mamurras, njësia administrative Mamurras, bashkia Kurbin dhe në njësitë ku për shkak të reshjeve të djeshme janë evidentuar probleme.

    Punonjësit në terren po monitorojnë situatën në fshatin Jezull, Njësia Administrative Rrëshen, në fshatin Kodër Rrëshen, ku nga rrëshqitja r tokës rrezikohet një banesë. Nivelet e ujit në lumenjtë Drin dhe Mat janë brenda kuotave.

    Qarku Durrës

    Situata në njësitë administrative Sukth, Katund i Ri dhe Ishëm, drejt normalizimit, ujërat janë tërhequr nga zonat e prekura.

    Niveli i ujit në lumenjtë Erzen dhe Ishëm është brenda kuotave normale. Hidrovorët në Porto Romano dhe Hamallaj vijojnë punën me kapacitet të plotë.

    Qarku Kukës

    Situata është nën monitorim të plotë nga autoritetet vendore dhe subjektet kontraktore, të cilat kanë bërë pastrimin e të gjitha akseve rrugire nacionale, duke garantuar aksesin e tyre për automjetet

    Qarku Shkodër

    Pas një pune të palodhur të forcave në terren është zhbllokuat rruga në segmentin Theth- Ndërlysaj në njësinë administrative Shalë.

    Po punohet gjithashtu edhe në segmentin Ndërlysaj- Breg-Lumi.

    Qarku Vlorë

    Bashkia Delvinë: Në Kalasë dhe Bistricë lumenjtë janë terhequr në shtrat, duke liruar rrugën nga uji. Tashmë qarkullimi është i normalizuar në Shelegar dhe Krane.

    Në fshatin Dermish, bashkia Finiq u krye evakuim i dy të moshuarve për shkak të pranisë së ujit në banesë. Kompania kontraktore po punon për pastrimin e rrugës Brataj-Kuç, në fshatin Brataj, bashkia Selenicë.

    Në bashkinë Vlorë janë nisur për mbështetje 12 efektivë nga FA, 4 motopompa dhe 1 gomone.

    Qarku Fier

    Referuar të dhënave mbi prurjet e lumit Vjosë, në pik matjet Përmet – Memaliaj, konstatohet një shtim me intensitet të shpejtë i prurjeve në lumin Vjosë, në pikëmatjen e Urës së Mifolit. Ndaj është rritur gatishmëria e strukturave operacionale për menaxhimin e çdo situate të mundshme.

    Pranë pikave kritike, janë vendosur mjete te tonazhit të rëndë, 5 skrepa/fadroma dhe mjete të larta transporti.

    Qarku Elbasan

    Vijojnë punimet për pastrimin e inerteve në segmentin rrugor Elbasan-Peqin, në vendin e quajtur “Murraç” dhe në segmentin  Elbasan-Librazhd.

    Në fshatin Kerpicë te nj.adm. Kushovë, bashkia Gramsh po monitorohet situata në lumin e Kerpicësrezikon të dalë nga shtrati lumi i Kërpicës, duke krijuar mbrojtje për 8 banesa që mund të rrezikohen nga ujërat e lumit.

    Qarku Berat

    Rreth 20 hektarë parcela me ullishte në lagjet “Lopari” dhe “Selamaj”, në fshatin Veterrik, njësia administrative Velabisht, Bashkia Berat kanë prani të ujit, për shkak të daljes nga shtrati të lumit Osum.

    Qarku Korçë

    Në fshatin Sanjollas, njësia administrative Barmash, bashkia Kolonjë u normalizua situata, me zhbllokimin e tombinove dhe pastrimin e inerteve u shmang rreziku për banesat.

    Qarku Gjirokastër

    Në rrugët urbane te qytetit ka prezencë të ujit, por pa shkaktuar bllokime të trafikut. Liqeni i Viroit po i afrohet pikës kritike, por po mbahet në monitorim. Në njësinë adm. Lazarat, fshati Lazarat, në lagjen e poshtme të fshatit ka vërshim të ujërave nga përroi që zbret nga mali i Sopotit si dhe në Kordhoce në aksin rrugor Gjirokastër- Kakavijë ka prezencë të shtuar të ujit. Po punohet nga ekipet në terren. Në aksin Gjirokastër-Valare ka prezencë të ujit në vendin e quajtur Aznak, ku kalueshmëria bëhet vetëm me mjete të larta.

    Në bashkinë Libohovë problematik mbetet bllokimi i aksit rrugor Suhë-Poliçan, në vendin e quajtur Shkëmbi Dallëndyshes. Gjithashtu përroi i fshatit Labovë ka shtuar prurjet. Në terren po punojnë forcat bashkiake.

    Qarku Dibër

    Në të gjithë qarkun është punuar për të stabilizuar situatën e krijuar nga reshjet e shumta, veçanërisht në njësinë admnistrative Zall-Dardhë, në njësinë admnistrative Luzni, për shkak të prurjeve të përroit të Kusares, në njësinë admnistrative Tomin fshati Zdojan, në Arras, në fshatin Ketë të njësisë Xibër, në fshatin Bershi në Klos, në fshatin Kujtim, në fshatin Kurdari etj., ku ka patur probleme me rrugët.

    Në bashkinë Mat po punohet për largunin e ujit në katet e para të shkollave; “Mustafa Gjestila” dhe “28 Nëntori” si edhe në disa banesa. Puna vijon në Fushë Baz, lagja “Nelaj” ku prurjet e përroit kanë bllokuar rrugët.

    Nga ana e bashkisë Mat janë vënë në dispozicion 2 mjete zjarrfikëse, 3 fadroma dhe 5 mjete transporti gjithashtu mbi 40 forca të bashkisë për menaxhimin e situatës. Akset e rrugëve nacionale janë të kalueshme në normalitet.

    Ministria e Mbrojtjes dhe Agjencia Kombëtare e Mbrojtjes Civile janë në monitorim dhe kontakt të vazhdueshëm me strukturat e mbrojtjes civile dhe ekipet e emergjencave për marrjen e masave në çdo rast.

  • VIDEO- Zgjerohet shtrati i lumit Vjosa nga prurjet e larta/ Pamjet nga Novosela

    VIDEO- Zgjerohet shtrati i lumit Vjosa nga prurjet e larta/ Pamjet nga Novosela

    Reshjet e shiut të cilat prej dy ditësh kanë përshkuar të gjithë territorin e vendit kanë shkaktuar rritje të nivelit të ujit të lumenjve. Për shkak të prurjeve të larta edhe lumi Vjosa është ngritur ndjeshëm duke rritur rrezikun e përmbytjeve në orët në vijim.

    Pamjet me dron të kapura nga “Euronews Albania” nga Novosela tregojnë Vjosën të fryrë dhe me prurje të larta. Nga ajri dallohet qartë zgjerimi i shtratit të lumit. Vjosa gjithashtu nga prurjet e larta ka një rrjedhë të shpejtë të ujit.

  • Delvinë, shembet ura që lidhte tre fshatra, izolohen tërësisht banorët

    Delvinë, shembet ura që lidhte tre fshatra, izolohen tërësisht banorët

    Në zonën e Delvinës është regjistruar një problem serioz, pasi ura që shërben si lidhje kryesore për fshatrat Kakodhiq, Lefterhor dhe Varfaj është rrëzuar, duke i lënë banorët pa asnjë rrugë dalëse drejt qytetit dhe Sarandës. 

    Nga të dhënat në terren mësohet se shkaku kryesor i dëmtimit ka qenë shembja e një tombinoje pranë urës, e cila ka kompromentuar të gjithë strukturën. 

    Si pasojë, rruga është deformuar rëndë dhe është bërë plotësisht e pakalueshme për mjetet. 

  • “Vjosa nën kontroll”/ Çako nga ura e Mifolit: I gjithë sistemi i emergjencave në gatishmëri

    “Vjosa nën kontroll”/ Çako nga ura e Mifolit: I gjithë sistemi i emergjencave në gatishmëri

    Kreu i Emergjencave Civile, Haki Çako, ka inspektuar situatën në urën e Mifolit, në zonën e Novoselës, ku prurjet e lumit Vjosa janë të larta për shkak të reshjeve të ditëve të fundit, por shton se situata është ende nën kontroll. 

    Çako u shpreh se të gjitha strukturat e mbrojtjes civile ndodhen në gatishmëri të plotë. 

    “Jemi në pikën më nevralgjike të shkarkimit të Vjosës. Nivelet janë në rritje, por vlerësimet bëhen mbi matjet e prurjeve në Përmet dhe Memaliaj. Në Përmet ka shënuar ulje të nivelit të ujit, megjithatë të gjitha mjetet dhe strukturat janë në dispozicion,” u shpreh ai. 

    Sa i përket motit, Çako tha se pasditen e sotme priten reshje me intensitet të lartë në zonën bregdetare, por theksoi se kjo nuk do të ketë impakt në rritjen e nivelit të Vjosës. 

    Ai siguroi se sistemi i mbrojtjes civile mbetet i përgatitur për të menaxhuar çdo situatë që mund të paraqitet. 

    “I gjithë sistemi i mbrojtjes civile është në gatishmëri për të menaxhuar e situatave të reshjeve në të gjithë vendin. Të gjitha strukturat dhe mjetet janë në dispozicion si në nivel vendor dhe në nivel kombëtar”, tha Çako. 

  • HOROSKOPI I DITËS së nesërme, e enjte 20 Nëntor 2025

    HOROSKOPI I DITËS së nesërme, e enjte 20 Nëntor 2025

    Nga Paolo Fox
    DASHI
    Kjo javë sjell energji dhe entuziazëm të madh. Marsi ju jep vrull, por kini kujdes nga impulsiviteti: mund të lindin disa debate në punë ose në familjen tuaj. Në dashuri, çiftet do të rizbulojnë pasionin, por komunikimi është i nevojshëm; beqarët do të kenë mundësi interesante nëse ndërmarrin veprime të guximshme. Shëndeti juaj është i mirë, por mos e neglizhoni pushimin dhe ushqyerjen.
    DEMI
    Sipas horoskopit të Paolo Fox (e enjte, 20 nëntor 2025), ju pret një periudhë e qëndrueshme, por me disa tensione të fshehura. Durimi është i nevojshëm në punë: shmangni vendimet e nxituara. Në dashuri, çiftet do të forcojnë marrëdhëniet e tyre, ndërsa beqarët mund të ndihen më introspektivë se zakonisht. Kjo është një kohë e shkëlqyer për të reflektuar mbi projektet afatgjata.
    BINJAKËT
    Kjo është një javë dinamike, plot mundësi dhe lidhje. Në punë, idetë e reja mund të sjellin përfitime konkrete, por kini kujdes të mos e humbni energjinë tuaj. Në dashuri, ata që janë në një lidhje do të përjetojnë momente bashkëfajësie; beqarët janë më shoqërorë dhe magnetikë. Energjia mendore është në kulmin e saj.
    GAFORRJA
    Këto janë ditë për vetëanalizë dhe rikuperim. Në punë, mund t’ju duhet të sqaroni keqkuptimet ose të merrni vendime të rëndësishme. Në dashuri, komunikimi është çelësi: ata që janë në një lidhje mund të zgjidhin tensionet e vjetra, ndërsa beqarët mund të ndihen të tërhequr nga njerëz të thellë dhe interesantë.
    LUANI
    Sipas horoskopit të Paolo Fox për nesër (e enjte, 20 nëntor 2025), është një javë rilindjeje dhe ripushtimesh. Në punë, vendosmëria juaj sjell rezultate; në dashuri, pasioni dhe romanca rriten. Kini kujdes nga krenaria: ndonjëherë është më mirë të dëgjoni. Fati ju buzëqesh në projekte krijuese.
    VIRGJËRESHA
    Kjo është një kohë organizimi dhe analize. Në punë, mund të zgjidhni çështjet e vjetra dhe të planifikoni projekte të reja. Në dashuri, çiftet do të gjejnë stabilitet; beqarët mund të jenë më selektivë. Intuitë e mirë për biznesin dhe vendime praktike.
    PESHORJA
    Një javë harmonike, me mundësi për të rivendosur ekuilibrin. Në punë, marrëdhëniet kanë më shumë rëndësi sesa veprimet: dialogu dhe bashkëpunimi do t’ju ndihmojnë. Në dashuri, qetësia dhe bashkëveprimi ju presin, ndërsa beqarët mund të kenë takime interesante. Kini kujdes të mos e neglizhoni shëndetin tuaj.
    AKREPI
    Sipas horoskopit të Paolo Fox (e enjte, 20 nëntor 2025), është një kohë intensive dhe transformuese. Në punë, qielli favorizon njohuritë dhe vendimet e rëndësishme. Në dashuri, ata që janë në një lidhje përjetojnë emocione të forta; beqarët mund të tërhiqen nga përvoja të thella dhe stimuluese. Energjia juaj është e fuqishme, por kini kujdes nga lodhja.
    SHIGJETARI
    Kjo është një javë lëvizjeje dhe inovacioni. Në punë, projektet në vazhdim mund të ecin përpara; mundësitë lindin nga lidhjet dhe udhëtimet. Në dashuri, çiftet do të përjetojnë qetësi dhe lidhje; beqarët mund të bëjnë takime të papritura. Nivelet e energjisë janë të larta dhe do të dëshironi liri.
    BRICJAPI
    Kjo është një kohë konkretizimi dhe njohjeje. Në punë, përpjekjet tuaja vlerësohen dhe hapen mundësi të reja. Në dashuri, çiftet gjejnë stabilitet; beqarët janë më të kujdesshëm dhe selektivë. Kjo është një kohë e shkëlqyer për të planifikuar qëllime afatgjata.
    UJORI
    Sipas horoskopit të Paolo Fox (e enjte, 20 nëntor 2025), ju pret një javë krijuese dhe origjinale. Në punë, mund të dilni me ide inovative dhe surprizuese. Në dashuri, autenticiteti dhe liria janë thelbësore: beqarët mund të takojnë njerëz frymëzues. Kini kujdes të mos e humbni energjinë tuaj në shumë interesa.
    PESHQIT
    Kjo është një kohë e ndjeshme dhe intuitive. Në punë, dëgjoni intuitën tuaj: ajo mund t’ju udhëheqë drejt zgjedhjeve fituese. Në dashuri, ata që janë në një lidhje do të përjetojnë ëmbëlsi dhe mirëkuptim; beqarët mund të tërhiqen nga njerëz me thellësi. Kujdes nga lodhja emocionale: lejojini vetes momente relaksi.

  • 3 shenja të horoskopit për të cilat nisin 30 ditët më me fat të vitit

    3 shenja të horoskopit për të cilat nisin 30 ditët më me fat të vitit

    Tre shenja të zodiakut po hyjnë në periudhën e tyre më të favorshme të vitit. Astrologët thonë se për këto shenja nis tani një dritare 30-ditore ku energjia hapet, rrethanat përputhen dhe fati duket se punon në favor të tyre.
    Gjatë kësaj kohe, Dielli ndriçon pikën më të fortë të hartës së tyre astrologjike, duke rritur qartësinë, besimin dhe potencialin. Rezultatet vijnë më shpejt, vendimet marrin formë dhe jeta rrjedh me lehtësi.
    Megjithatë, ekspertët nënvizojnë se fati funksionon vetëm kur e ndjekim. Kjo periudhë shihet si moment ideal për të marrë vendime të rëndësishme, për të kërkuar atë që ju takon, për të hapur rrugë të reja dhe për të bërë hapat që janë shtyrë prej kohësh.
    Shenjat që do të përjetojnë 30 ditët më me fat të vitit
    DashiPër Dashin, nis një fazë ku pengesat zhbëhen njëra pas tjetrës. Dielli ngrihet në pikën më të fuqishme të hartës së tyre, duke sjellë energji që përkthehet në rezultate të prekshme. Planet e vonuara marrin jetë, mundësitë shfaqen papritur dhe njerëzit e duhur dalin në skenë në momentin ideal. Vetëbesimi forcohet, ndërsa prania e tyre shoqërore bëhet më e dukshme se kurrë. Një vendim i vogël impulsiv mund të ndryshojë rrjedhën e muajve në vijim.
    GaforrjaGaforrja e përjeton fatin në mënyrë të qetë, por të thellë. 30 ditët e ardhshme sjellin qartësi emocionale dhe një lloj freskie që i jep kuptim situatave të mjegullta. Marrëdhëniet zbuten, intuita forcohet dhe vendimet bëhen më të sigurta. Çështjet familjare, shtëpia, financat dhe stabiliteti personal gjejnë zgjidhje që deri dje dukeshin të vështira. Kjo periudhë premton paqe, rikthim të ekuilibrit dhe stabilizim të rrugës përpara.
    ShigjetariShigjetari hyn në një cikël plot ritëm, ide të reja dhe mundësi të papritura. Energjia rritet ndjeshëm, duke sjellë hapje profesionale, bashkëpunime, udhëtime apo ndryshime që i japin drejtim të ri jetës së tyre. Tridhjetë ditët e ardhshme kërkojnë vetëm një gjë: t’i besojnë instinktit dhe të thonë “po” aty ku më parë hezitonin. Edhe një hap i vogël mund të hapë kapitull të ri plot përvoja dhe përparim.

  • Gatishmëri e plotë në Sarandë, Olti Çaci: Vigjilencë maksimale gjatë përkeqësimit të moti

    Gatishmëri e plotë në Sarandë, Olti Çaci: Vigjilencë maksimale gjatë përkeqësimit të moti

    Kryebashkiaku i Sarandës, Olti Çaci, ka njoftuar se të gjitha strukturat bashkiake janë vendosur në vigjilencë të lartë për shkak të përkeqësimit të motit në qytetin bregdetar. Ai tha se ekipet në terren janë në gatishmëri të plotë për të monitoruar dhe përballuar çdo situatë të mundshme të shkaktuar nga reshjet.
    “Vigjilencë maksimale e të gjitha strukturave për monitorimin dhe përballimin e situatës gjatë përkeqësimit të motit. Ekipet në terren janë në gatishmëri të plotë”, deklaroi Çaci, duke paralajmëruar qytetarët për kujdes të shtuar.
    Bashkia Sarande u kërkon banorëve të raportojnë menjëherë çdo problematikë që mund të shfaqet në zonat e tyre.

  • Sarandë/ Ndërpritet furnizimi me ujë për shkak të turbullimit në burime pas reshjeve të shumta

    Sarandë/ Ndërpritet furnizimi me ujë për shkak të turbullimit në burime pas reshjeve të shumta

    Ndërmarrja e Ujësjellës Kanalizime Sarandë ka njoftuar ndërprerjen e furnizimit me ujë në të gjithë qytetin e Sarandës, si pasojë e turbullimit të ujit në burimet e Navaricës dhe në puset e fushës së Vrionit.
    Sipas njoftimit zyrtar, ndërprerja do të jetë në fuqi deri në normalizimin e situatës, ndërkohë që ekipet teknike po monitorojnë nga afër gjendjen e burimeve dhe linjave kryesore të furnizimit.
    Banorëve u kërkohet mirëkuptim deri në rikthimin e furnizimit të sigurt me ujë të pijshëm.

  • Tirana, mes kryeqyteteve më të përballueshme të Europës në 2026

    Tirana, mes kryeqyteteve më të përballueshme të Europës në 2026

    “Viti 2026 do të jetë viti perfekt për të eksploruar Europën pa shpenzuar shumë. Ne kemi renditur 10 kryeqytetet evropiane më të përballueshme vitin e ardhshëm, ku një fundjavë mund të kushtojë më pak se një darkë jashtë”. Kështu e nis artikullin “The Wom Travel”, rrjeti italian i udhëtimeve, ku përkrahin Pragën, Budapestin, Varshavën apo Athinën, dhe rendit edhe Tiranën si një kryeqytet me kosto të ulët dhe të përballueshme për çdo turist.

    “The Wom Travel” shkruan në artikull se Tirana është ndoshta surpriza më e madhe në këtë renditje, pasi kryeqyteti i Shqipërisë ka pësuar një transformim rrënjësor në dekadat e fundit, duke kaluar nga një qytet gri komunist në një qendër qyteti plot gjallëri dhe me shumë ngjyra.

    Ndërtesat e pikturuara me murale dhe ngjyra të ndezura janë një simbol i kësaj rilindjeje, ndaj duhet vizituar patjetër në 2026, shkruan agjencia italiane e udhëtimit.

    Ndër të tjera, në artikull për Tiranën shkruhet se edhe pse është kryeqytet dinamik, njëkohësisht është tepër i përballueshëm për çdo vizitor. Sheshi Skënderbej dhe zona e Ish-Bllokut ofrojnë një pamje unike të historisë dhe modernitetit shqiptar, duke e kthyer Tiranën në destinacionin e përsosur për udhëtarët kuriozë që kërkojnë mbi të gjitha një qytet autentik.

    Rrjeti italian i udhëtimeve “The Wom Travel” u sugjeron lexuesve se cila është periudha më e mirë për të udhëtuar në kryeqytetin shqiptar me një kosto të ulët, ku në përgjithësi periudhat si pranvera dhe vjeshta ofrojnë ekuilibrin më të mirë mes motit të përshtatshëm dhe çmimeve të ulëta për fluturime dhe akomodime.

  • Përmbytje në disa bashki, rritet niveli i lumenjve/ Ja situata nga moti në Qarkun Korçë…

    Përmbytje në disa bashki, rritet niveli i lumenjve/ Ja situata nga moti në Qarkun Korçë…

    Në Bashkinë Pustec, dalja e ujit në segmentin rrugor Lajthizë–Liqenas solli vështirësi në qarkullim, por ndërhyrja e ekipeve të shërbimit ka ndihmuar në normalizimin e situatës, shkruan A2 CNN. Ndërkohë, në Pogradec, fshati Gështenjas regjistroi pengesa serioze në kanalizime, ku po punohet për orientimin e ujërave të shiut. OSHEE raportoi defekte në disa fshatra, përfshirë Slatinë, Selihtë dhe Shpellë, me ekipet në terren për rikthimin e energjisë elektrike.

    Situata nga moti në Qarkun Korçë, përmbytje në disa

    Situata paraqitet më problematike në Devoll, ku në fshatin Çetë është bllokuar qarkullimi mbi urë për shkak të rrezikshmërisë së shtuar. Ndërkohë në Cangonj, prania e ujit në oborret e dy banesave ka kërkuar ndërhyrje emergjente për largimin e tij.

    Në Korçë, aksi Denas–Lekas rezulton i pakalueshëm pasi prurjet e larta të një përrua pa urë e bënë rrugën të rrezikshme. Voskopojë është një tjetër zonë nën vëzhgim, pasi ujëmbledhësi lokal ka arritur nivele të larta, por ndërhyrjet me mjetet e rënda po e stabilizojnë situatën.

    Edhe Kolonja është përballur me sfida të shumta. Rritja e prurjeve në lumin e fshatit Mesiçkë ka rrezikuar urën dhe shtylla të energjisë elektrike. Probleme të ngjashme janë raportuar në fshatin Mollas, ndërsa rezervuari i Rotit ka arritur vetëm 20–30 cm nën nivelin maksimal, duke detyruar hapjen e shkarkuesve. Ndërhyrjet janë duke vazhduar në disa fshatra të zonës, ndërsa disa akse rrugore janë pastruar dhe janë të kalueshme.

    Situata nga moti në Qarkun Korçë, përmbytje në disa

    ARRSH njofton se në akset Maliq-Lozhan, Ersekë–Leskovik dhe Qafa e Qarrit–Ersekë, punimet për pastrimin dhe sistemimin e ujërave vijojnë me intensitet.

    Megjithë këto probleme, autoritetet konfirmojnë se deri në këto momente nuk ka situata që rrezikojnë jetën e banorëve, por shumë zona mbeten nën monitorim të vazhdueshëm për shkak të prurjeve të larta dhe reshjeve që pritet të vijojnë.