Lajmidites.com

Category: Lifestyle

  • Përroi del nga shtrati dhe dëmton argjinaturën, banorët e Kamenicës në ankth nga përmbytjet

    Përroi del nga shtrati dhe dëmton argjinaturën, banorët e Kamenicës në ankth nga përmbytjet

    Reshjet e dendura të pasdites kanë shkaktuar një situatë alarmante në fshatin Kamenicë të Korçës, ku përroi që përshkon zonën ka dalë nga shtrati, duke dëmtuar argjinaturën dhe një urë. Banesat që ndodhen në të dy anët e përroit janë në rrezik përmbytjeje, ndërsa banorët kanë kaluar net pa gjumë nga frika se uji do t’u hyjë në shtëpi.

    Gazetarja e Klan News, Daniela Zisi, raporton se deri më tani nuk ka banesa të përmbytura, por situata mbetet e tensionuar. Shërbimet Publike të Bashkisë po punojnë për pastrimin e shtratit të përroit, ndërsa niveli i ujit vazhdon të rritet.

    Një banor i zonës ka shprehur shqetësimin e tij për situatën alarmante të krijuar nga dalja e përroit nga shtrati. Ai tregon se skarpatat e betonuar më pak se një vit më parë janë dëmtuar rëndë, ndërsa pllakat pranë urës janë çarë, duke bërë që uji të përshkojë drejt banesave.

    “Siç e shikoni, lumi ka grryer skarpatat të cilat nuk kanë një vit që janë betonuar, që presupozohet që i bënë këta me 5 cm beton. Kanë plasur pllakat te ura dhe na e kthen ujin në shtëpi. Jemi të rrezikuar! Kanë bllokuar rrugën, kanë vendosur dhe shirita ‘mos kaloni’, ne kemi të sëmurë në shtëpi. Rrezikohen të gjitha banesat, ja biznesi që është këtu afër, i ka hyrë i gjithë uji brenda. I gjithë fshati këtu është, anës lumit. Thonë që është nën kontroll çdo gjë, kur në fakt nuk është. Është rritur niveli i ujit, hera e parë që na ndodhin këto gjëra. Tani ky rregullimi te lumi këtu u bë nga taksat tona dhe shih në çfarë gjendje është. Kemi frikë se do na prishen çfarë kemi në shtëpi. Edhe herë të tjera ka rënë shi, por nuk është bërë kështu, se ndodh kjo për shkak se këputen pllakat, zënë urën dhe uji hidhet jashtë pranë banesave.”, shprehet banori.

    Një tjetër banor e përshkruan gjithashtu gjendjen si tepër të rënduar, duke theksuar se përmbytjet kanë detyruar të gjithë fshatin të qëndrojë jashtë për dy ditë me radhë.

    “Situata është shumë e rënduar, ka përmbytje, ka dy ditë që rrimë të gjithë bashkë jashtë dhe po hyn uji në shtëpitë tona. Siç e shihni dhe vetë si është. Na frikëson kjo situatë dhe po rrimë gjithë natën pa gjumë. Nuk është bërë punë e mirë në ndërtimin e skarpatës. Duhet të bëhet siç duhet kjo punë. Për momentin banesa të përmbytura nuk ka, por tendenca është që do hyjë ujë. Në lokale ka hyrë uji. Po vazhdoi deri në mëngjes shiu, do hyjë në banesa. Ne po rrimë i gjithë fshati jashtë banesave, siç e shihni. Kjo situatë ka ardhur nga lumi (skarpatat) që nuk është ndërtuar mirë. Po të ishte bërë mirë investimi, nuk do ishte bllokuar lumi. Nuk është pastruar asnjëherë lumi në 30 vjet. E parkojnë skavatorin sa bëjnë foto dhe nuk pastrojnë lumin.”, u shpreh banori.

  • Ja cili qark i Shqipërisë kryeson për martesa?

    Ja cili qark i Shqipërisë kryeson për martesa?

    Panorama e martesave në Shqipëri paraqet dallime të qarta mes qarqeve, sipas të dhënave më të fundit të mbledhura për popullsinë dhe numrin e martesave. Qarku i Tiranës, si qendra më e madhe urbane dhe ekonomike e vendit, regjistron numrin më të lartë të martesave me gjithsej 4835 raste. Me një popullsi prej rreth 758 mijë banorësh, Tirana jo vetëm kryeson në vlerë absolute, por është edhe destinacioni kryesor i të rinjve që vendosin të ndërtojnë jetën e tyre në kryeqytet, gjë që ndikon drejtpërdrejt në numrin e martesave.
    Nga ana tjetër, ecuria e martesave në raport me popullsinë sjell një renditje krejtësisht tjetër. Qarku i Lezhës, me rreth 99 mijë banorë, regjistron 1038 martesa, duke e çuar nivelin në 10.4 martesa për 1000 banorë, shifër që e pozicionon atë qarkun më aktiv në këtë drejtim në të gjithë vendin.
    Shifra të larta shënojnë edhe qarqet e Durrësit dhe Shkodrës, të cilat qëndrojnë në krye pas Lezhës për raportin e martesave ndaj popullsisë, me përkatësisht rreth 8.2 martesa për 1000 banorë. Fieri dhe Dibra vijojnë listën me një mesatare pak më të ulët, por sërish mbi shumë qarqe të tjera të vendit.
    Në kontrast, disa qarqe të tjera përballen me ritme më të ulëta të martesave. Berati qëndron në fund të listës me vetëm 5.77 martesa për 1000 banorë, ndërsa Korça dhe Tirana shënojnë nga 6.3. Edhe pse Tirana është rekorde në numër absolut, dinamika e saj demografike e karakterizuar nga fluks i vazhdueshëm migrimi, konkurrencë më e lartë profesionale, ritëm i ngjeshur jetese dhe moshë mesatare më e lartë sjell një raport më të ulët të martesave ndaj popullsisë.
    Në përgjithësi, numri i martesave ka shënuar një rënie të ndjeshme vitet e fundit, duke reflektuar ndryshime të thella demografike dhe sociale. Faktorë si emigrimi i të rinjve, pasiguria ekonomike, prioritetet e reja të brezave më të rinj dhe shtyrja e krijimit të familjes kanë ndikuar drejtpërdrejt në uljen e numrit të martesave në të gjithë vendin.

  • Hëna e Re e 20 Nëntorit! Cilat janë 3 shenjat më fatlume?

    Hëna e Re e 20 Nëntorit! Cilat janë 3 shenjat më fatlume?

    Hëna e Re e datës 20 nëntor 2025 konsiderohet si një ndër momentet më të rëndësishme astrologjike të vitit.
    Dielli dhe Hëna bashkohen në shenjën e Akrepit, një pozicion i lidhur ngushtë me transformimin, të vërtetat e brendshme dhe energjitë e thella emocionale. Ndërkohë, mërkuri në retrogradë shton intensitetin e kësaj dite, duke krijuar terrenin ideal për një ripërtëritje të fuqishme shpirtërore.
    Sipas astrologëve, janë pikërisht tre shenja që do të përjetojnë ndikimin më të fortë të kësaj Hëne të Re.

    Demi – Urani që ndodhet në shenjën tuaj sjell lëvizje të papritura dhe energji të fuqishme transformimi. Kjo Hënë e Re mund të sjellë ide të reja dhe mundësi të reja. Barrierat e vjetra fillojnë të zhduken, duke ju lejuar t’i jepni jetë dëshirave të vërteta, jo atyre që diktohen nga rutina. Një fillim i ri i qartë dhe çlirues vjen drejt jush.
    Akrepi – Me Hënën e Re në shenjën tuaj, dita merr një ngarkesë të jashtëzakonshme energjie. Është momenti ideal për rifillime, qartësi mendore dhe transformim të thellë emocional. Çfarëdo që keni mbajtur të fshehur ose të shtypur del në sipërfaqe për t’u shëruar. Në aspektin profesional dhe romantik, universi ju jep një shtysë të fortë. Nëse dëshironi t’i shprehni ndjenjat dikujt, ky është momenti juaj.
    Peshqit – Hëna e Re në akrep forcon intuitën dhe ju hap ‘portat’ drejt njohurive të fshehura. Ndikimi i Neptunit ju çliron nga dyshimet, duke ju dhënë qartësi të rrallë në fushën profesionale. Vizioni juaj për të ardhmen bëhet më i strukturuar dhe më i realizueshëm. Cilado rrugë që keni ndërmend të ndiqni, kjo Hënë e Re funksionon si një busull e sigurt, mjafton ta besoni dhe ta ndiqni.

  • Gripi “mbërriti”/ Konfirmohen rastet e para, dimër me Covid dhe me viroza të tjera..

    Gripi “mbërriti”/ Konfirmohen rastet e para, dimër me Covid dhe me viroza të tjera..

    Konfirmohen rastet e para me grip për këtë sezon. Instituti i Shëndetit Publik deklaron se gripi i tipit A dhe nën tipi AH1N1 është në qarkullim këtë periudhë, ashtu si në shumë vende të Europës. Rastet e para raportohen me shenja klasike të gripit: rrufë, temperaturë të lartë dhe bllokim të rrugëve të sipërme të frymëmarrjes. 

    Aktualisht dominojnë rastet me Covid dhe virozat e tjera. Me fillimin e stinës së ftohtë pritet të shtohet intensiteti i rasteve me grip në bashkëqarkullim me Covid. 

    Ekspertët e Institutit të Shëndetit Publik flasin për rëndësinë e vaksinimit ndaj gripit për të moshuarit dhe të sëmurët kronikë. Sezoni i gripit nis në fund të nëntorit dhe mbyllet kryesisht në fund të muajit mars. Piku i qarkullimit të tij shënohet në muajt më të ftohtë, janar–shkurt. 

     

  • VIDEO- Rëndohet situata në Novoselë, Vjosa arrin kuotën 7.7 metra/ Evakuohen 3 familje, rrezikohet një biznes…

    VIDEO- Rëndohet situata në Novoselë, Vjosa arrin kuotën 7.7 metra/ Evakuohen 3 familje, rrezikohet një biznes…

    Prurjet në lumin Vjosë kanë arritur në nivelin 7.75 metra. Për pasojë uji ka përmbytur disa toka në zonën e Novoselës, si dhe është afruar pranë një biznesi thertore. 

    Ndërkohë që janë evakuuar 3 familje. 

    Sakaq, autoritetet e emergjencave janë në terren dhe po monitorojnë nga afër situatën, ndërsa bëjnë thirrje që qytetarët të shmangin lëvizjet pranë lumit dhe të marrin masat e nevojshme për sigurinë e tyre. 

  • Zbulohet planeti i jetueshëm nga njerëzit, ja sa pranë Tokës është

    Zbulohet planeti i jetueshëm nga njerëzit, ja sa pranë Tokës është

    Astronomët nga Universiteti i Kalifornisë kanë bërë një zbulim të ri tepër emocionues që i jep një shpresë të re kërkimit për jetë jashtëtokësore.
    Planeti i sapozbuluar, i quajtur GJ 251 c, është një “Super-Tokë” është shkëmbor, ka masë shumë më të madhe se Toka dhe – më e rëndësishmja, ndodhet pikërisht brenda zonës së banueshme të yllit të tij, pra në atë distancë ku temperaturat lejojnë ekzistencën e ujit të lëngshëm në sipërfaqe.
    Ylli rreth të cilit rrotullohet është një xhuxh i kuq i tipit M (M-dëarf), një nga llojet më të zakonshme dhe më jetëgjatë të yjeve në Rrugën e Qumështit. Distanca? Vetëm 18 vite dritë, jashtëzakonisht afër në shkallë kozmike, çka e bën atë një nga kandidatët më të arritshëm për studime të mëtejshme.
    “Zbulimi i exoplaneteve të reja tani është pothuajse rutinë”, tha profesori i asociuar Paul Robertson, “por GJ 251 c është i veçantë sepse ylli i tij është tepër afër nesh. Kjo e bën një objektiv ideal për teleskopët e gjeneratës së ardhshme”.
    Planeti u zbulua falë luhatjeve të vogla periodike në dritën e yllit, të shkaktuara nga tërheqja gravitacionale e planetit, një teknikë e quajtur “shpejtësia radiale”. Instrumentet kryesore që e kapën këtë sinjal ishin Habitable-zone Planet Finder (HPF) dhe NEID.
    Pavarësisht sfidave (yllit e tipit M janë shpesh të trazuar dhe krijojnë sinjale që ngatërrojnë matjet), ekipi është i bindur se GJ 251 c është një planet i vërtetë.Në të ardhmen e afërt, Teleskopi Tridhjetë Metërsh (TMT) i Universitetit të Kalifornisë do të jetë në gjendje ta fotografojë drejtpërdrejt këtë planet dhe eventualisht të zbulojë nëse ka vërtet ujë apo edhe shenja atmosfere të përshtatshme për jetë.
    Sipas Corey Beard, autori kryesor i studimit: «Sot është pothuajse e pamundur të marrim foto të drejtpërdrejta të planetëve të tillë me teleskopët aktualë, por me TMT do të mund ta shohim GJ 251 c si një pikë drite pranë yllit të tij».

  • Hëna e Re e 20 Nëntorit/ Cilat janë 3 shenjat më fatlume?

    Hëna e Re e 20 Nëntorit/ Cilat janë 3 shenjat më fatlume?

    Hëna e Re e datës 20 nëntor 2025 konsiderohet si një ndër momentet më të rëndësishme astrologjike të vitit.
    Dielli dhe Hëna bashkohen në shenjën e Akrepit, një pozicion i lidhur ngushtë me transformimin, të vërtetat e brendshme dhe energjitë e thella emocionale. Ndërkohë, mërkuri në retrogradë shton intensitetin e kësaj dite, duke krijuar terrenin ideal për një ripërtëritje të fuqishme shpirtërore.
    Sipas astrologëve, janë pikërisht tre shenja që do të përjetojnë ndikimin më të fortë të kësaj Hëne të Re.
    DemiUrani që ndodhet në shenjën tuaj sjell lëvizje të papritura dhe energji të fuqishme transformimi. Kjo Hënë e Re mund të sjellë ide të reja dhe mundësi të reja. Barrierat e vjetra fillojnë të zhduken, duke ju lejuar t’i jepni jetë dëshirave të vërteta, jo atyre që diktohen nga rutina. Një fillim i ri i qartë dhe çlirues vjen drejt jush.
    AkrepiMe Hënën e Re në shenjën tuaj, dita merr një ngarkesë të jashtëzakonshme energjie. Është momenti ideal për rifillime, qartësi mendore dhe transformim të thellë emocional. Çfarëdo që keni mbajtur të fshehur ose të shtypur del në sipërfaqe për t’u shëruar. Në aspektin profesional dhe romantik, universi ju jep një shtysë të fortë. Nëse dëshironi t’i shprehni ndjenjat dikujt, ky është momenti juaj.
    PeshqitHëna e Re në akrep forcon intuitën dhe ju hap ‘portat’ drejt njohurive të fshehura. Ndikimi i Neptunit ju çliron nga dyshimet, duke ju dhënë qartësi të rrallë në fushën profesionale. Vizioni juaj për të ardhmen bëhet më i strukturuar dhe më i realizueshëm. Cilado rrugë që keni ndërmend të ndiqni, kjo Hënë e Re funksionon si një busull e sigurt, mjafton ta besoni dhe ta ndiqni.

  • Moti i keq, situata më e qetë në disa qarqe! Evakuohet një familje në Librazhd. Vijon puna për zhbllokimin e rrugëve

    Moti i keq, situata më e qetë në disa qarqe! Evakuohet një familje në Librazhd. Vijon puna për zhbllokimin e rrugëve

    Ministria e Mbrojtjes ka përditësuar situatën lidhur me reshjet e shiut me intensitet të lartë që kanë prekur Shqipërinë nga veriu në jug duke shkaktuar përmbytje si dhe problematika të tjera, bllok aksesh e izolime të disa fshatrave. 

    Autoritetet bëjnë me dije se monitorimi i vazhdueshëm i nivelit të lumenjve, argjinaturave dhe infrastrukturës rrugore vijon pa ndërprerje, ndërsa ndërhyrjet në terren po kryhen me intensitet të lartë për garantimin e sigurisë së banorëve në zonat e prekura. 

    SITUATA SIPAS QARQEVE 

    QARKU LEZHË 

    Po punohet me 12 mjete vetëshkarkuese dhe 2 ekskavatorë në argjinaturën e Lagunës së Vainit, Përmbytjet në këtë zonë janë të kufizuara vetëm në toka bujqësore. 

    Në Kurbin vijon puna për riparimin e rrugës Skuraj–Gallatë–Vinjollë dhe mbushja e shpatullave të urave. 

    Në Mirditë po punohet në aksin Rrëshen–Bukmirë me mjete të rënda. 

    Në njësitë Fan dhe Selitë vijon rehabilitimi i rrugëve rurale. 

    Lumi Drin me tendencë rënie; Lumi Mat pa probleme. Ndërsa furnizimi me ujë është normal. 

    QARKU DURRËS 

    Për shkak edhe të reshjeve me intensitet të ulët  lumenjtë Erzen, Ishëm dhe Zezë nuk kanë shënuar rritje niveli. 

    Pastrimi i kanaleve të kullimit në Durrës vijon me mjete të bashkisë dhe Drejtorisë së Ujitjes. 

    Ndërsa kanë përfunduar punimet për forcimin e argjinaturës së lumit Droje në fshatin Dukagjin. 

    Vijojnë ndërhyrjet për pastrimin e kanaleve dhe rrugëve në Borizanë dhe Cudhi 

    Fatmirësisht ka një tendencë uljeje të nivelit të ujit në tokat bujqësore. 

    QARKU FIER 

    Niveli i lumit Lumi Seman është brenda argjinaturave, por ka dalë nga shtrati, gjë që ka sjellë përmbytje në tokat bujqësore në fshatrat Imësht, Seman dhe Suk. 

    Referuar të dhënave të marra mbi prurjet e lumit Vjosa në urën e Memaliaj si dhe nivelit aktual në urën e Mifolit, në bashkëpunim edhe me strukturat e bashkisë Fier janë marrë masat për njoftimin e njësive administrative që shtrihen përgjatë rrjedhës së lumit Vjosa. 

    Akset nacionale dhe rurale janë të kalueshme normalisht. 

    Po monitorohet situate në argjinaturën e Mbrostarit. 

    QARKU VLORË 

    Edhe në Vlorë situate paraqitet më e stabilizuar. 

    Në koordinim me prefekturat fqinje po mbahet në monitorim niveli i ujit në lumin Vjosa. 

    Në mbështetje janë 67 efektivë të FA, 17 mjete, 5 varka dhe 2 pompa thithëse. 

    Në Selenicë po punohet për zhbllokimin e segmentit Selenicë–Rromës. 

    Sarandë: situata e stabilizuar, të gjitha rrugët të kalueshme përveç urës së fermerëve Metoq. 

    Në Finiq gjithashtu po punohet për kalueshmërinë në rrugën Vrion–Aliko. 

    Hidrovorët e Vlorës po punojnë me kapacitet të plotë. 

    QARKU DIBËR 

    Ekipet e emergjencave në terren po punojnë prej orësh punën për riparimin e dëmve të shkaktuara në infrastrukturë, si pasojë e reshjeve të një dite më parë. 

    Në Bulqizë po punohet për zhbllokuar rrugën për në qytetin e Ri. 

    Në Dibër punohet në Luzni, Zall Dardhë e Muhur për hapjen e shtratit të përrenjve. 

    Në Mat gjithashtu ekipet po punojnë për pastrimin e rrugëve pranë spitalit,  në akset Vig-Macukull, Derjan, Prell, Mesuç–Laç, Vinjoll, Gjalish, Karicë, Batërr, Selicë, Stojan etj. 

    FA dhe strukturat vendore po punojnë intensivisht në Rukaj për hapjen e dy përrenjve me rrezik për banesat. 

    Furnizimi me energji dhe ujë është normal dhe rrugët kombëtare të kalueshme. 

    QARKU SHKODËR 

    Me vëmendje maksimale po punohet në Fushë-Arrëz, në Qafë Mali, ku ka patur dëmtime të segmenteve rurale për shkak të rrëshqitjeve dhe gurëve. 

    Ndërhyrje ka në Malësi të Madhe, për shkak të rritjes së prurjeve të përroit të Thatë. 

    QARKU BERAT 

    Niveli i lumit Osum, në Berat ka rënë nga 4 m në 3.65 m, por ka prani uji ende në tokat e Veterrikut dhe Moravës. 

    Në Poliçan ujërat janë tërhequr. 

    Në Dimal, lumi Osum ka përfshirë 13 ha toka bujqësore në Arrës dhe Çiflik. 

    Ndërkohë vijon monitorimi I situatës së strukturave vendore. 

    QARKU KORÇË 

    Situata në përmirësim.  Në Maliq niveli i Devollit dhe Dunavecit është në rënie; ujërat në tokat bujqësore janë të kufizuara. 

    Përmirësim të situatës ka edhe në Pustec, Pogradec dhe Kolonjë. 

    QARKU GJIROKASTËR 

    Niveli i Vjosës në Memaliaj është nën pikën kritike. Në tendëncë rënie është edhe në Përmet. 

    Akset kombëtare janë të gjithë të qarkullueshme. 

    Fiormat kontraktore po punojnë në aksin Kolonjë–Golem, aksin Suhë–Poliçan  dhe në disa rrugë rurale në Tepelenë. 

    QARKU ELBASAN 

    Në Librazhd, për shkak të nivelit të ujit në Urën e Murrashit, do të bëhet evakuimi I një familjeje. 

    QARKU TIRANË 

    Në Rrogozhinë niveli i lumit ka rënë dhe situate është drejt stabilizimit. 

    QARKU KUKËS 

    Akset, ku ka patur rënie gurësh dhe inerte tashmë janë pastruar dhe janë të kalueshëm. 

    Ekipet e OShEE në të gjithë vendin po punojnë pa ndërprerje për të rikthyer furnizimin me energji në disa zona të thella. 

    Ministria e Mbrojtjes dhe Agjencia Kombëtare e Mbrojtjes Civile, së bashku me strukturat në varësi mbetet në monitorim të pandërprerë të situatës dhe në kontakt të drejtpërdrejtë me strukturat vendore, ekipet e emergjencës dhe institucionet përgjegjëse për ndërhyrje të menjëhershme në rast përkeqësimi të kushteve atmosferike. 

  • (VIDEO) Përmbytje në fshatin Trevllazër, lumi Vjosa vërshon në tokat bujqësore

    (VIDEO) Përmbytje në fshatin Trevllazër, lumi Vjosa vërshon në tokat bujqësore

    Ujërat e lumit Vjosë kanë vërshuar në tokat bujqësore në fshatrat e Novoselës. Nga përmbytja mësohet se dëmet janë të shumta në tokë bujqësore dhe kullota. 

    Uji i lumit ka përmbytur 500 rrënjë ullinj si dhe 5 dynym tokë bujqësore në zonën që i përket fshatit Trevllazër. Nga pamjet duken edhe banesa të përmbytura nga uji teksa moti i keq vijon në pjesën më të madhe të vendit. 

  • Shkencëtarët zbulojnë kur daton puthja e parë në botë

    Shkencëtarët zbulojnë kur daton puthja e parë në botë

    Njerëzit e bëjnë, majmunët e bëjnë, madje edhe arinjtë polarë e bëjnë. Dhe tani studiuesit kanë rindërtuar origjinën evolucionare të puthjes. Studimi i tyre sugjeron që puthja gojë më gojë evoluoi më shumë se 21 milion vjet më parë. I njëjti hulumtim arriti në përfundimin se Neandertalët mund të jenë puthur gjithashtu dhe se njerëzit dhe Neandertalët mund të kenë përkëdhelur njëri-tjetrin. Shkencëtarët e studiuan puthjen sepse ajo paraqet një lloj enigme evolucionare – nuk ka përfitime të dukshme mbijetese apo riprodhuese, megjithatë është diçka që shihet jo vetëm në shumë shoqëri njerëzore, por në të gjithë mbretërinë shtazore.
    Shkencëtarët e përcaktuan një puthje si kontakt gojë më gojë me disa lëvizje të buzëve ose të pjesëve të gojës dhe pa transferim ushqimi. Duke gjetur prova të kafshëve të tjera që përfshiheshin në puthje, shkencëtarët ishin në gjendje të ndërtonin një pemë gjenealogjike evolucionare për të përcaktuar se kur kishte më shumë gjasa të kishte evoluar.
    Për t’u siguruar që po krahasonin të njëjtën sjellje në specie të ndryshme, studiuesit duhej t’i jepnin një përkufizim shumë të saktë mjaft jo romantik – një “puthjeje”. Në studimin e tyre, të botuar në revistën Evolution and Human Behaviour, ata e përcaktuan puthjen si kontakt jo-agresive, të drejtuar oral-oral me disa lëvizje të buzëve ose të pjesëve të gojës dhe pa transferim ushqimi.

    “Njerëzit, shimpanzetë dhe bonobot puthen të gjithë”, shpjegoi studiuesja kryesore Dr. Matilda Brindle, një biologe evolucionare nga Universiteti i Oksfordit. Nga kjo, ajo arriti në përfundimin se ka të ngjarë që paraardhësi i tyre më i fundit i përbashkët të ketë puthur.
    “Ne mendojmë se puthja ndoshta evoluoi rreth 21.5 milion vjet më parë tek majmunët e mëdhenj.”
    Në këtë studim, shkencëtarët gjetën sjellje që përputhej me përkufizimin e tyre shkencor të puthjes tek ujqërit, qentë, arinjtë polarë dhe madje edhe albatrosët. Ata u përqendruan te primatët – dhe në veçanti te majmunët – me qëllim që të ndërtonin një pamje evolucionare të origjinës së puthjes njerëzore. I njëjti studim arriti gjithashtu në përfundimin se Neandertalët – të afërmit tanë më të afërt të lashtë njerëzorë që u zhdukën rreth 40,000 vjet më parë gjithashtu putheshin.
    Një studim i mëparshëm mbi ADN-në e Neandertalit tregoi gjithashtu se njerëzit modernë dhe Neandertalët ndanin të njëjtin mikrob oral një lloj bakterie që gjendet në pështymën tonë.
    “Kjo do të thotë që ata duhet të kenë shkëmbyer pështymë për qindra mijëra vjet pasi dy speciet u ndanë”, shpjegoi Dr. Brindle.
    Shkencëtarët thonë se kjo sjellje është diçka që e ndajmë me të afërmit tanë jo-njerëzorë. Ndërsa ky studim përcaktoi me saktësi se kur evoluoi puthja, nuk ishte në gjendje t’i përgjigjej pyetjes pse.
    Ekzistojnë tashmë një numër teorish – se kjo lindi nga sjellja e kujdesit ndaj grave te paraardhësit tanë majmunë ose se mund të ofrojë një mënyrë intime për të vlerësuar shëndetin dhe madje edhe përputhshmërinë e një partneri.