SHBA vendos sanksione ndaj zyrtarëve dhe kompanive ushtarake kubane

Shtetet e Bashkuara njoftuan të enjten sanksione ndaj subjekteve dhe individëve kubanë që ndihmojnë Kubën të sigurojë armë dhe të mbajë marrëdhënie me ushtritë e huaja. Sanksionet synojnë pesë entitete dhe tetë individë që “lehtësojnë marrëdhëniet ushtarake të Havanës dhe dërgesat e armëve për regjimin kuban”, tha Departamenti i Shtetit i SHBA-së. Sekretari i Shtetit Marco Rubio tha se qeveria kubaneze spiunoi SHBA-në dhe akuzoi Kubën se shërbente "si një terren për Rusinë, Kinën dhe Iranin" për operacione kundër saj. “Siç ka thënë Presidenti [Donald] Trump: Shtetet e Bashkuara nuk do të tolerojnë një shtet mashtrues që strehon operacione armiqësore ushtarake, inteligjence dhe terroriste në pragun tonë”, shkroi Rubio në X. "Kushdo që mbështet, sponsorizon ose ofron shërbime për këta aktorë të sanksionuar rrezikon të...