SHBA i përgjigjet Iranit pas rrëzimit të helikopterit, nis sulme të reja afër Ngushticës së Hormuzit. Trump: Reagimi ynë do jetë i fuqishëm

Shtetet e Bashkuara nisën të martën sulme kundër Iranit pasi Presidenti Donald Trump deklaroi se Teherani kishte rrëzuar një helikopter amerikan Apache në Ngushticën e Hormuzit, duke thelluar dyshimet mbi perspektivën e paqes mes dy vendeve. “Ata rrëzuan një helikopter dhe ne po përgjigjemi në këtë moment,” tha Trump për ABC News. “Besoj se përgjigjja duhet të jetë shumë e fortë, shumë e fuqishme, dhe pikërisht kjo është.” Mediat shtetërore iraniane raportuan se ishulli Qeshm në Ngushticën e Hormuzit u sulmua dhe se u konfirmua goditja e një predhe në Sirik. Sipas agjencisë iraniane të lajmeve Fars, shpërthime u dëgjuan në zonat lindore të provincës Hormozgan. Trump kishte deklaruar më herët se dy pilotët amerikanë të përfshirë në incident nuk kishin pësuar lëndime. Sipas një...