Aksidentohet kryeministri grek Kyriakos Mitsotakis

  Kryeministri Kyriakos Mitsotakis u shtrua në Spitalin e Hanias këtë të martë për shkak të një aksidenti që pësoi gjatë një xhiroje me biçikletë. Aksidenti ndodhi kur rrota e përparme e biçikletës ‘rrëshqiti’ , duke bërë që Kryeministri të humbiste ekuilibrin dhe të rrëzohej në tokë. Sipas informacioneve, kryeministri shkoi në ambulancën e spitalit menjëherë pas rënies. Ekzaminimi tregoi një dëmtim në dorë, si dhe acarime të lehta me gërvishtje të shkaktuara nga fërkimi gjatë rënies. Ai i është nënshtruar edhe një grafie. Gjatë qëndrimit të tij në spital, Mitsotakis pati mundësinë të bisedonte në një atmosferë të ngrohtë me të pranishmit dhe anëtarët e stafit, dhe sapo përfundoi marrjen e ndihmës së shpejtë, ai u largua nga spitali.