Pentagoni anuloi vendosjen e 4000 ushtarëve në Poloni, reagon Varshava: Jemi të befasuar, marrëdhënia me SHBA-në nuk preket

Polonia, një nga aleatët më të ngushtë të SHBA-së në Evropë, është shprehur e befasuar pas vendimit të shefit të Pentagonit, Pete Hegseth, për të anuluar vendosjen e planifikuar të 4,000 trupave amerikane në vend. Qeveria polake ka reaguar duke theksuar se ky hap nuk përbën rrezik të menjëhershëm për sigurinë kombëtare dhe se bashkëpunimi me Shtetet e Bashkuara mbetet i fortë. Ministri i Mbrojtjes, Władysław Kosiniak-Kamysz, deklaroi se aleanca polako-amerikane është “e qëndrueshme dhe e fortë”, duke shtuar se Polonia mbetet “aleati më i besueshëm i SHBA-së në Evropë”. Sipas tij, Varshava është në kontakt të vazhdueshëm me palën amerikane dhe ka marrë garanci se nuk ka plan për ulje sistematike të pranisë ushtarake amerikane në vend. Zëvendësministri i Mbrojtjes, Paweł Zalewski, tha se...