Mesazhi i Marta Kos për vendet e Ballkanit Perëndimor: Reformat mbeten kyçe për integrimin

Mesazhi i Komisioneres Europiane për Zgjerimin, Marta Kos, nga Podgorica nuk ishte vetëm për Malin e Zi, por për të gjitha vendet e Ballkanit Perëndimor që synojnë anëtarësimin në Bashkimin Europian, ku përfshihet edhe Shqipëria e cila synon anëtarësimin në vitin 2030.. Në ceremoninë për 20-vjetorin e pavarësisë së Malit të Zi, Kos deklaroi se asnjë shtet nuk arrin të bëhet pjesë e Bashkimit Europian pa reforma të forta, vendosmëri politike dhe unitet kombëtar. “Askush nuk arrin në këtë fazë të procesit të zgjerimit pa përpjekje të jashtëzakonshme dhe askush nuk bëhet anëtar i Bashkimit Europian pa një vendosmëri dhe unitet kombëtar edhe më të madh në pjesën finale të këtij rrugëtimi”, deklaroi Komisionerja Europiane. Ajo konfirmoi se Bashkimi Europian ka nisur hartimin e Traktatit...