“Lady Gucci” fiton betejën ligjore për trashëgiminë 20 milionë euro, gjykata shpall të pavlefshëm testamentin e nënës

Patrizia Reggiani, e njohur si “Lady Gucci” dhe e dënuar si porositëse e vrasjes së ish-bashkëshortit të saj, stilistit Maurizio Gucci, ka fituar një betejë të rëndësishme ligjore që mund t’i sigurojë një trashëgimi të vlerësuar në të paktën 20 milionë euro. Gjykata Civile e Milanos ka shpallur të pavlefshëm, për shkak të falsifikimit, testamentin e nënës së saj, Silvana Barbieri Reggiani. Dokumenti, i hartuar në vitin 2018 ndërsa 90-vjeçarja ndodhej në spital, parashikonte që pjesa më e madhe e pasurisë së saj të kalonte në një fondacion dhe jo te vajza e saj, Patrizia. Vendimi i gjykatës u mbështet në një regjistrim audio të realizuar nga ish-kujdestarja e familjes, e cila deklaroi se kishte vepruar me kërkesë të vetë Silvana Barbierit. Sipas gjyqtarëve, regjistrimi...