CNN: Dy të vrarë dhe disa të plagosur nga të shtënat në festivalin latin në Toronto

Dy persona u vranë dhe disa të tjerë u plagosën pasi të paktën dy persona të armatosur shkëmbyen zjarr mes një turme prej rreth 13.000 njerëzish në festivalin më të madh latin të rrugës në Kanada, që u mbajt të shtunën në Toronto, njoftoi policia. Gjithsej gjashtë persona u qëlluan me armë zjarri dhe besohet se disa të dyshuar janë ende në arrati pas të shtënave në festivalin Salsa on St. Clair, tha zëvendësshefi i Shërbimit Policor të Torontos, Frank Barredo, në një konferencë për shtyp të shtunën vonë. Të dy viktimat që humbën jetën ishin burra, tha Barredo, ndërsa katër të plagosurit u dërguan në spital me lëndime të rënda. Hetuesit kanë rrethuar tre skena krimi dhe kanë sekuestruar dy armë zjarri, por ai...