Ankesa për shpërndarjen e fletëve të votimit, ambasada në Greqi: Ja pikat postare ku do të punohet me orare të zgjatura

Ambasada shqiptare në Greqi ka njoftuar se pikat e kompanisë postare DHL në Athinë dhe Pire do të funksionojnë me orar të zgjatur. Ky njoftim vjen pas ankesave të shumta për problematika lidhur me shpërndarjen e zarfeve me materialet zgjedhore për votuesit jashtë vendit, shumë prej të cilave të raportuara në Greqi. Në njoftimin e ambasadës thuhet se duke filluar nga sot, 30 Prill, disa pika të kompanisë postare do të jenë të hapura me orar të zgjatur, nga ora 09:00-18:00. Ndërkohë, për të gjithë shtetasit shqiptarë që jetojnë në ishujt Santorini, Zakinthos, Lefkadha, Kefalonia dhe Kos, të cilët nuk...