Alarm për bombë në tragetin grek, evakuohen 875 pasagjerë nga bordi

Një paralajmërim për praninë e mundshme të një pajisjeje shpërthyese në bordin e një trageti, i cili ishte planifikuar të nisej nga qyteti portual grek i Pireut, bëri që të hënën të evakuoheshin rreth 875 pasagjerë, raportoi gazeta e përditshme Kathimerini. Efektivët e Rojës Bregdetare nisën kontrollin e anijes pasi një person i paidentifikuar telefonoi një pasagjer në bord, duke e paralajmëruar se një bombë pritej të shpërthente. Pas kontrollit të kryer nga autoritetet, nuk u gjet asnjë pajisje shpërthyese. Trageti, i cili ishte planifikuar të lundronte drejt ishullit të Rodosit, me ndalesa të ndërmjetme në Siros, Patmos, Leros dhe Kos, kishte gjithashtu në bord 83 anëtarë të ekuipazhit dhe transportonte 89 automjete pasagjerësh, 12 motoçikleta, 110 kamionë dhe një minibus. Evakuimi vjen pas kërcënimeve...