Zjarri shkrumbon një kioskë dhe dy automjete në Librazhd, dyshohet për zjarrvënie të qëllimshëm

December 30, 2025 December 30, 2025 pamje nga vendngjarja LIBRAZHD- Një zjarr i përmasave të konsiderueshme që ka djegur një kioskë dhe dy automjete është raportuar mëngjesin e sotëm në aksin Librazhd-Prrenjas, në afërsi të fshatit Xhyrë. Shërbimet zjarrfikëse kanë shkuar menjëherë në vendngjarje pas marrjes së njoftimit rreth orës 03:29, ku janë angazhuar dy automjete zjarrfikëse dhe 10 efektivë, të cilët bënë të mundur shuarjen e flakëve.  Paraprakisht dyshohet se zjarri në kioskën në pronësi të shtetasit Skënder Gega dhe dy automjete të parkuara pranë saj, ka qenë i qëllimshëm, megjithatë nuk përjashtohet pista e ndonjë shkëndije elektrike. Fatmirësisht nuk raportohet për persona të lënduar nga ngjarja, ndërsa policia ka nisur hetimet për zbardhjen e plotë të rrethanave./ZËRI