Protesta në Zvërnec, reagon kompania: Prona metër për metër i është blerë privatit!

Pas protestës së zhvilluar nga aktivistë të shoqërisë civile dhe banorë në bregdetin e Zvërnecit, ka reaguar kompania “Zvërnec South Adriatic Development”, e cila po zhvillon investimin në zonë. Përmes një deklarate publike, kompania shprehet se të gjitha veprimet janë kryer në përputhje të plotë me legjislacionin shqiptar dhe me autorizimet e institucioneve përgjegjëse. Sipas kompanisë, rrethimi i vendosur së fundmi është ngritur brenda një prone private, për të cilin pretendon se e ka blerë ligjërisht nga pronarët përkatës dhe e ka pajisur me dokumentacion. Reagimi i plotë Me keqardhje të thellë që po abuzohet me ndjenjat e publikut në rrjetet sociale dhe po investohet për të përbaltur një sipërmarrje kolosale për turizmin dhe ekonominë shqiptare, kompania “Zvërnec South Adriatic Development” njofton shtypin dhe opinionin...