“Problemi është që PD…”/ Kuvendi Kombëtar, analisti: Me këto forume, Berisha mund të krijojë vetëm një skuadër

Kuvendi Kombëtar që mblidhet këtë të shtunë vjen në një moment kur Partia Demokratike ka mbyllur debatin për liderin, por jo atë për të ardhmen e saj të brishtë. Për analistin Alban Daci, rikonfirmimi i Sali Berishës ishte i pritshëm. Pyetja vërtetë e rëndësishme është një tjetër: është PD sot një forcë që bind shqiptarët se mund të vijë në pushtet? Në analizën e tij Daci nuk u ndal tek rezultati i zgjedhjeve të brendshme apo tek fakti që Berisha garoi i vetëm. Sipas tij, çështja thelbësore për një parti politike nuk është nëse kryetari gëzon mbështetjen e shumicës së anëtarëve, por nëse ajo parti arrin të bindë shoqërinë se përfaqëson një alternativë qeverisëse përballë Edi Ramës. “Partitë politike nuk ndërtohen mbi bazën e dëshirave...