Rruga e Dukagjinit merr dritën jeshile, Rama nga Thethi: Për dy javë nis ndërtimi!

Nga Thethi i Shkodrës, kryeministri Edi Rama lajmëroi se brenda 2 javësh do të nisë ndërtimi i rrugës së Dukagjinit. “Për dy javë rruga e Dukagjinit nis me fondin e zhvillimit. Është dashur kohë të bëhet projekti, patjetër që gjërat bëhen sipas mundësive. E kemi nisur punën në krye të këtij vendi kur treçerekun e komunave i kishte PD, e kemi nisur me pak se 10 miliardë euro prodhim të përgjithshëm të Shqipërisë, e kemi çuar 27 miliardë e më shumë, duhet ta çojmë në 35 miliardë. Na duhet ta çojmë në 35 miliardë të financuar më shumë gjëra. Si çohen fondet? Fondet vijnë nga investimet”,- tha Rama.