Rama kujton Naim Frashërin: Shqipëria 2030 drejt BE-së. “Mister” që drita jeshile vjen në 180-vjetorin e lindjes së tij

Kryeministri Edi Rama ka publikuar një mesazh në rrjetet sociale në kuadër të 180-vjetorit të lindjes së Naim Frashëri, duke e lidhur figurën e rilindësit me rrugëtimin europian të Shqipërisë. Në postimin e tij në Facebook, Rama e cilësoi si një “mister të gëzueshëm” faktin që çelja e fazës mbyllëse të negociatave të anëtarësimit në Bashkimin Europian përkon me përvjetorin e lindjes së Naim Frashërit. Kreu i qeverisë e quajti poetin “Shqipëribërësin” e madh dhe udhërrëfyes të aspiratës shekullore të shqiptarëve drejt Europës, duke përmendur shprehjen e njohur të tij: “Dielli që lind andej nga perëndon”. Rama theksoi se Shqipëria synon që në vitin 2030, kur shënohen 130 vite nga ndarja nga jeta e Naim Frashërit, të jetë pjesë e familjes europiane. “Eshtë një mister...