Ngjarja e rëndë/ Gjendet pa jetë në banesë 55-vjeçarja, nis hetimi

Një ngjarje e rëndë është regjistruar në fshatin Sheqeras të bashkisë Maliq, ku një grua 55-vjeçare është gjetur pa jetë. Sipas policisë, 55-vjeçarja L.D dyshohet se kishte disa ditë që kishte ndërruar jetë brenda banesës së saj. Trupi i pajetë është konstatuar nga vajza e saj, e cila ka njoftuar menjëherë uniformat blu. A2 mëson se viktima jetonte me djalin e saj, i cili ishte larguar një javë më parë drejt Greqisë për punë sezonale, ndërsa fëmijët e tjerë ndodhen në Tiranë dhe në Greqi. Grupi hetimor ndodhet në vendngjarje dhe po punon për zbardhjen e plotë të rrethanave dhe përcaktimin e shkaqeve të vdekjes.