Mbi 100 makina përfshihen në aksident në mes të borës

January 20, 2026 January 20, 2026 Dhjetë persona mbetën të plagosur pas një aksidenti të madh të hënën në një autostradë në Miçigan, SHBA, ku u përfshinë më shumë se 100 makina dhe disa kamionçina. Videot e publikuara në rrjetet sociale nga disa prej drejtuesve të mjeteve tregojnë pasojat e aksidentit, të shkaktuar kryesisht nga stuhia e borës dhe kushtet e rënduara në rrugë. Pas ngjarjes rruga u mbyll në të dy drejtimet ndërsa autoritetet nisën largimin e mjeteve të shkatërruara. Shërbimi meteorologjik lokal kishte kërkuar shmangien e udhëtimeve për shkak të erës së fortë dhe borës. Moti i keq parashikohet të vijojë deri në fund të javës në këtë zonë të Shteteve të Bashkuara.