Sherri me armë në Velipojë, arrestohet Klivis Kuçaj

Policia e Shkodrës ka arrestuar shtetasin Klivis Kuçaj, i cili u përfshi në një sherr dy ditë më parë në një lokal në Velipojë ku pati edhe të shtëna armësh në ajër. Kuçaj, përveçse është përfshirë në atë sherr në plazhin e Velipojës, më përpara ka qenë një person i shpallur në kërkim, shkruan a2 CNN. Kuçaj dyshohet nga policia e Shkodrës se afro 2 muaj e gjysmë më përpara ka plagosur një person ndërsa është shpallur në kërkim për veprën penale “tentativë vrasje”. Ndërkohë vetëm dy ditë më parë Kuçaj u përfshi në atë sherr në Velipojë me familjen Ramazani. Dyshohet se një natë para ngjarjes, më 7 qershor një grup të rinjsh janë përplasur duke debatuar me njëri-tjetrin ndërsa një ditë më pas...