Grabitet një bankë e nivelit të dytë në Tiranë

Një bankë e nivelit të dytë pranë stadiumit “Dinamo” është grabitur. Një person është futur brenda bankës dhe i ka marrë një shumë parash një qytetari që sapo po i depozitonte. “Rreth orës 12:26, në rrugën “Gjin Bue Shpata”, një shtetas i maskuar ka hyrë në ambientet e një banke dhe, dyshohet se në kërcënimin e një sendi në dukje armë, ka marrë një shumë parash. Menjëherë pas marrjes së njoftimit, janë ngritur pika kontrolli dhe janë orientuar të gjitha shërbimet policore, për identifikimin dhe kapjen e autorit. Grupi hetimor po punon për identifikimin e autorit dhe dokumentimin e rastit”, njofton policia.