Aksident në Dhërmi/ Përplasen dy makina – 4 të plagosur dërgohen me urgjencë në Vlorë

Një aksident i rëndë rrugor është regjistruar sot në Dhërmi, ku janë plagosur katër persona. Sipas të dhënave paraprake, në aksident janë përfshirë dy automjete që janë përplasur me njëra-tjetrën për shkaqe ende të paqarta. Të lënduarit janë transportuar menjëherë drejt Spitalit Rajonal të Vlorës, ku po marrin ndihmën e nevojshme mjekësore. Gjendja e tyre shëndetësore nuk është bërë ende e ditur. Grupi hetimor ndodhet në vendngjarje dhe po punon për të zbardhur rrethanat dhe shkaqet e aksidentit.