Korçë/ U kapën me kokainë dhe kanabis në makinë, e pësojnë dy kushërinjtë, njëri në pranga

Një 31-vjeçar është arrestuar nga policia e Korçës teksa kushëriri i tij, 28-vjeç do të hetohet në gjendje të lirë për ‘prodhim dhe shitje të narkotikëve’. Gjatë kontrolleve në makinën që po lëviznin (31-vjeçari shofer), blutë gjetën një sasi lënde narkotike kokainë dhe kanabis. Policia gjeti edhe një sasi tjetër kanabisi në shtëpinë e 28-vjeçarit. Vijojnë hetimet për zbardhjen e plotë të këtij rasti.