Fushë-Arrëzi ngrihet kundër hartës së re: Bashkia nuk do të shkrihet

Banorët e Fushë-Arrëzit kanë protestuar sërish kundër propozimit për reformën e re administrativo-territoriale, që parashikon bashkimin e Bashkisë Fushë-Arrëz me atë të Pukës. Protestuesit kundërshtojnë shkrirjen e bashkisë dhe kërkojnë që vendimmarrja për të ardhmen e njësisë vendore të marrë në konsideratë nevojat e komunitetit dhe shërbimet që u ofrohen banorëve. Në protestë morën pjesë edhe përfaqësues politikë të opozitës, mes tyre bashkëkryetari opozitar i Komisionit të Reformës Territoriale, Luçiano Boçi, deputeti Gjin Gjoni dhe kryebashkiaku i Fushë-Arrëzit, Hil Curri. Ky i fundit deklaroi se bashkia do të kundërshtojë propozimin dhe se nuk do të pranojë shkrirjen e saj. Kundër bashkimit u shprehën edhe kryebashkiaku i Mirditës, Albert Mëlyshi, dhe kryebashkiaku i Pukës, Rrok Dodaj. Ata kërkuan që reforma të mos kufizohet vetëm te ndryshimi...