Edi Rama feston në Fier me kapobandën e tenderëvë dhe grabitjeve, kryeministri “peng” në duart e Belinda Ballukut

Kryeministri Edi Rama është shfaqur hapur si një “peng” politik në duart e ish-zv/kryeministres Belinda Balluku. Ndërsa Prokuroria e Posaçme (SPAK) ka ashpërsuar zyrtarisht akuzat ndaj ish-zv/kryeministres Balluku, duke e regjistruar atë si të dyshuar për korrupsion dhe pastrim parash, kryeministri Rama ka zgjedhur t’i bëjë sfidë të hapur drejtësisë. Në vend që të distancohej, kryeministri u shfaq dje krah për krah me atë që po cilësohet si “kapobanda” e tenderave dhe grabitjeve. Skena e turpshme ka ndodhur në Parkun e Apolonisë në Fier, ku Partia Socialiste festonte me këngë popullore 35-vjetorin e themelimit të saj ( PS dega Fier). Prapaskenat e këtij takimi janë thjesht rrëqethëse nëse dëgjon se çfarë fshihet në dosjen investigative. Gjykata e Posaçme (GJKKO) disa ditë më parë firmosi sekuestrimin...