Dita e 14-të e protestës/ Nis grumbullimi i qytetarëve në sheshin Skënderbej, thirrja e tyre: Rama jep dorëheqjen

Protestuesit kanë nisur grumbullimin në sheshin “Skënderbej” për protestën mbarëkombëtare, e cila ka hyrrë në ditën e 14 të saj. Protestuesit nën thirrjet “Rama në burg, Berisha në burg” dhe “Rama jepe dorëheqjen” pritet që më pas të marshojnë në bulevardin “Dëshmorët e Kombit”. Një e veçantë e protestës së sotme është prania e lartë e diasporës pasi është njoftuar se do të jetë një protestë masive dhe me një numër më të lartë protestuesish. Prej gati dy javësh protestuesit kanë kërkuar dorëheqjen e kreut të ekzekutivit, Edi Rama dhe të gjithë kabinetit, po ashtu arrestimit të tij, Ballukut dhe kreut të opozitës, Sali Berisha.