Të gjithë sytë nga Italia, Inter-Barcelona përballen për finalen e Champions League

Mbrëmjen e kësaj të marte do të zbulohet skuadra e parë finaliste e Champions League, ku Interi dhe Barcelona luajnë ndeshjen e kthimit. Përballja e parë e zhvilluar në Spanjë u mbyll në barazim 3-3 dhe të gjithë sytë janë drejt ndeshjes së kthimit në Giuseppe Meazza, ku vetëm njëra prej tyre do të kualifikohet në finalen e madhe të Champions League. Përgatitjet kanë përfunduar dhe të dyja skuadrat janë gati për lavdi, në një duel që premton luftë sportive, tension, spektakël, por edhe lot në fund — që ende nuk dihet në cilin krah do të jenë. Lajme të mira për të dyja skuadrat dhe rikthime me peshë. Te Interi rikthehet kapiteni Lautaro Martinez, ndërsa te Barcelona, ylli polak i sulmit, Robert Lewandowski. Të...