Për herë të parë në “Abissnet Superiore”, një ndeshje drejtohet nga arbitret vajza

Për herë të parë në histori, një ndeshje e kampionatit “Abissnet Superiore” u drejtua nga arbitret vajza, si në rolin kryesor ashtu edhe në pozicionet asistente. Në ndeshjen Egnatia – Flamurtari, arbitre ishte Emanuela Rusta, ndërsa asistente në fushë ishin Mirjeta Salla dhe Ediena Kapxhiu. Ky është një moment i rëndësishëm për futbollin shqiptar, që tregon rritjen dhe progresin e vazhdueshëm të vajzave në arbitrim. Performanca e tyre e konsoliduar në ndeshjet vendase dhe ndërkombëtare ka bërë që arbitret shqiptare të jenë pjesë e aktiviteteve të rëndësishme të UEFA-s, ku u besohet vendosja e drejtësisë në nivele të larta.